Ɩzayi 1:4 - A SƐB-SÕW

⁴ Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Ɩzayi 1:4 Referans Kwoze

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Zeremi 7:19

A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Ɩzayi 5:19

Bʋ̃ʋ n'ʋ vɛ̃, bɛ mɩ́ yere na: «A Sore, ʋ ɩ fɔ̃w, ʋ paw tõ a ʋ ton kɛ̀ tɩ nyɛ̃ ʋ! A lɛ a Ɩsɩrayɛl Naaŋmɩn na ɩ sõw a, na tɩɛrɩ bin a, ʋ ta ɛ́ maalɩ, ɛ́ tɩ na bãw ʋ na!»

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Korɛ̃tɩ 10:22

Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?

Matie 23:33

Wɩɩr nɩ dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ nɩɩrɩ a tẽ-faa dɔwrʋ bɛr?

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Ezekɩɛl 16:33

A pɔw-yɛmɛ za páwr'ɩ libie, ɛcɛ fʋ̃ʋ a, fʋ kʋ̀ n bʋ̃-kʋ̀rɩ a fʋ sɛnbɛ. Fʋ ya bɛ na kɛ́ bɛ yi a ziir za wa gã nɩ fʋ.

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Zeremi 50:29

Nyɩ bʋɔlɩ a tam-tɛbrbɛ za ɓã taa, nyɩ ɩ bɛ cen a Babɩlɔn tẽw dem ƴãw. Nyɩ maalɩ laɩ jil koli ʋ, nyɩ ta bɛr ʋ cɩ̃ɛ ɩ, nyɩ ya ʋ manɩ a ʋ tome. A lɛ ʋ na ɩ a ʋ taabɛ a, nyɩ mɩ̀ ɩ ʋ a lɛ. Ʋ ɩ n pɔ̀l-ɩb a Sore zie, a Ɩsɩrayɛl Naaŋmɩn na ɩ sõw a zie.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 2:33

Nyɛ̃ fʋ na bãw na-ɩ-lɛ a nɔ̃wfʋ pùor zɔ-tub ƴãw a! Ɛ́ a al ƴãw a, fʋ tɛr'a tɩ mili nɩ a nɩr kʋb.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Ɩzayi 65:3

A nɩbɛ bɛ ŋa càar'a kʋrɛ mɛ̃ suur kʋralɛ: bɛ maalɛ nɩ bagɛ a zaadɛnɩ pʋɔ, ɛ́ nyɩwr parfɛnɩ birkiri bàwr-maal-kube zu a ŋmɩn-bɛlmɛ ƴãw.

Ɩzayi 41:20

Lɛ n'a a nɩbɛ za na nyɛ̃ k'aa Sore n'ʋ maalɩ a yele á ŋá, k'aa Ɩsɩrayɛl Naaŋmɩn na ɩ sõw a n'ʋ ír a. A nɩbɛ za na bãwnɩ a na, bɛ za na cɛlɛ nɩ be ɛ́ bãw a pɛr.

Ɩzayi 41:16

Fʋ na yɛ́lɩ a na, a sɛsɛb de cen nɩ, sɛsɛb-pɩl na yaar a na bɛr a ziir za. Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ a Sore ƴãw, fʋ na nyʋʋr'a, a Ɩsɩrayɛl Naaŋmɩn na ɩ sõw a ƴãw.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 37:23

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r ɛ́ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 14:20

Ɛcɛ bɛ kʋ̃ ũù fʋ lãwnɩ bɛ ɩ, fʋ na sãw a fʋ tẽw bɛr a ƴãw, fʋ na kʋ a fʋ nɩ-bʋʋrɛ a. A nɩ-faar bʋʋrɛ yúor kʋ̃ lɛb por towtow ɛ.

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Sɛb-sõw yielu 89:18

Fʋ̃ʋ sɩrɩ n'ɩ a bɛ vɩɛlʋ nɩ a bɛ fãw. A fʋ nɔ̃wfʋ zũú n'a tɩ mɩ́ zɛw a zu.

Sɛb-sõw yielu 78:40

Gb'a a ŋmɩn za, a wɛja-kpalɛ pʋɔ a, bɛ bɛ tɩ sàw a ʋ nɩ-kpɛ̃ɛnʋ a bɛ zu ɛ, bɛ tɩ sãwnɛ nɩ a ʋ pʋɔ a zi-kon á ŋá pʋɔ.

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

Sɛb-sõw yielu 58:3

Ʋ̃ʋ'hʋ̃! Nyɩ mɩ́ bãw na kɛ́ ɩrɛ a ɩ-faar, nyɩ bɛr'ɩ vuo a po-to-fãw ɩ-ɩrɩ ƴãw a tẽw zu.

Ƴɛ̀r-dɩrbɛ 10:10

Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ. Bɛ tɩ yel'a: «Tɩ maal'ɩ yel-bier sãw fʋ, tɩ na zawrɩ fʋ bɛr, fʋ̃ʋ tɩ Naaŋmɩn, ɛ́ puori a Báàl mɩnɛ a.»

Wulu-ayi-sob 32:19

A Sore na wa nyɛ̃ a lɛ a ʋ bidɛbr nɩ a ʋ pɔwyaar na ɩrɛ ʋ laar a, ʋ bɛ bʋɔlɩ bɛ nɩbɛ ɩ.

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Wulu-ayi-sob 29:25

Bɛ tĩ na tone ŋmɩn-sãanbɛ tome, ɛ́ puore a, ŋmɩmɛ bɛ na bɛ tɩ dãw bãw, ɛ́ a Sore mɩ̀ bɛ kʋ̀ bɛ a.

Sɔr-nɛ́ɛ 32:14

Ɛ́ ƴɛrɛŋa, a nyɩɩm, yel-bebe dem bʋʋrɛ bɛ ŋa, nyɩ bɔbr kɛ́ nyɩ tu a nyɩ sãà mɩnɛ gbɛ́ɛ, ɩ a Sore suur lɛb ìr a Ɩsɩrayɛl nɩbɛ ƴãw!

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Yel-wula 18:5

Bʋ̃ʋ n'ʋ vɛ̃, a ʋ yel-bebe gbõ n taa do tɩ tɔ a salom, ɛ́ a Naaŋmɩn bɛ yiiri a ʋ ɩ-faar bɛr ɛ.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Neemi 1:7

tɩ sãw fʋ na, tɩ na bɛ sàw a nɛ́ɛ, a wulu nɩ a tub fʋ na tɩ ƴãw a fʋ tõ-tõ-bie Moyiir kʋ̀ tɩ a.

Sɛb-sõw yielu 71:22

Ɛ́ mãa a, ɩ̃ na ŋmɛ n korijom puor'ɩ fʋ barka. Naaŋmɩn i, ɩ̃ na yiele nɩ a fʋ yel-mɩnʋ. Ɩ̃ na ŋmɩɛr'ɩ pɛ̀nɛ́ íre nɩ a fʋ yúor, fʋ̃ʋ Ɩsɩrayɛl Naaŋmɩn na ɩ sõw a.

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Ɩzayi 31:2

Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Ɩzayi 65:11

Ɛcɛ a nyɩɩm a, nyɩ zawrɩ mɛ̃ na bɛr, nyɩ yiir'ɩ a ɩ̃ tãw-sõw bɛr, nyɩ kʋ̀rɛ nɩ bʋ̃-dɩrɩ a Gadɩ, a bawson ŋmɩn, nyɩ kʋ̀rɛ nɩ divɛ̃ na jɛr taa a a Meni, a lɛ a yele na na ɩ a baarʋ daar a ŋmɩn.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 32:32

A Ɩsɩrayɛl nɩbɛ nɩ a Zuda tẽw dem maal'ɩ faa yaga, ƴãw a ɩ̃ suur ìr. Bɛ maal'ɩ faa, a bɛl, a bɛ na-mɩnɛ, a bɛ nɩ-bɛrɛ, a bɛ bàwr-maalbɛ, a bɛ naaŋmɩn-ƴɛ̀r-manbɛ, a Zerizalɛm nɩbɛ nɩ a Zuda tẽw nɩbɛ na cɛ a.

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Ezekɩɛl 16:45

Fʋ sɩrɩ na ɩ a fʋ mã pɔwyaa, a pɔw ŋa na hɛ̃ a ʋ sɩr nɩ a ʋ bibiir a. Fʋ̃ʋ nɩ a fʋ yɛbr na hɛ̃ a bɛ sɩrbɛ nɩ a bɛ bibiir a ɩ n been. A nyɩ mã tɩ ɩ n Hititɩ ɛ́ a nyɩ sãà tɩ ɩ Amoritɩ.

Sofoni 1:6

Ɩ̃ na kʋ n a bɛlɩ dem na mɩ́ gùr pùor cɔw a mãa Sore, ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»

Eziptɩ tẽw yib 32:7

Lɛ n'a a Sore tɩ yel a Moyiir: «Lɛb siw daadaalɛ! Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa.

Wulu-ayi-sob 32:5

Ɛcɛ a nyɩɩm, nɩ-bʋʋr-faa nɩ nɩ-bʋʋr-sãwna, nyɩ sãw nɩ a Sore. Nyɩmɛ so vĩ wɛ! Nyɩ bɛ cãà ɩ a ʋ bibiir ɛ.

2 Na-mɩnɛ 21:22

Ʋ tɩ zawr'ɩ a Sore, a ʋ sãàkʋm-kore Naaŋmɩn bɛr, ɛ́ bɛ tu a lɛ a Sore na yel a ɩ.

2 Bibie za yel-manɩ 12:1

A Orobowam naalʋ na bɛ wa cãà bãw damnʋ, ʋʋ kpɛmɛ dɔwlɩ a, ʋ tɩ zawr'ɩ a Sore wulu bɛr ɛ́ a Ɩsɩrayɛl nɩbɛ za mɩ̀ ɩ mɛ̃ a ʋl a.

2 Bibie za yel-manɩ 27:2

A Yotam tɩ ɩ n a lɛ na pɛlɩ a Sore pʋɔ a, mɛ̃ a lɛ tɔr za a ʋ sãà Ozɩasɩ na tɩ ɩ a. Ɛcɛ ʋ bɛ tɩ sàw kpɛ a Sore yir-kpɛ̃ɛ pʋɔ ɩ, ɛ́ a Ɩsɩrayɛl nɩ-bʋʋrɛ tɩ cãà ɩrɛ a ɩ-faar.

Sɛb-sõw yielu 78:41

Bɛ tɩ lɛb'a maal tĩ ɩrɛ a Naaŋmɩn kaar, ɩrɛ a Ɩsɩrayɛl Naaŋmɩn, na ɩ sõw a, ʋ tɛr pʋ-sãwna.

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Ɩzayi 30:1

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.