Ɩzayi 1:31 - A SƐB-SÕW

³¹ A nɩr na tɛr fãw a na lɩɛb'a ɩ mɛ̃ mʋ̃ɔ a, ɛ́ a ʋ ɩ-ɩrɩ ɩ vũu-zele. Bɛ za ayi na lãw na dɩrɛ, ɛ́ nɩr kʋ̃ tʋ̃ɔ́ kpiiri a vũu ŋa ɩ.

Ɩzayi 1:31 Referans Kwoze

Ɩzayi 66:24

A nɩbɛ wa yire a tẽ-kpɛ̃ɛ pʋɔ a, bɛ na tʋ̃ɔ́ na nyɛ̃ a nɩbɛ na gaarɩ a ɩ̃ ƴãw a ƴã-gamɛ. A zãzule na dɩrɛ a a, bɛ kpiir ɛ, ɛ́ a vũu na dɩrɛ a a, bɛ kpiire ɩ. A na ɩ n pʋl-vʋ̃ɔ a nɩsaalbɛ za zie.»

Ezekɩɛl 32:21

A kpɩmɛ tẽw a, a zɛbr-nɩbɛ bɛl na kpɛ socir zuo a bɛ za a nɩ a Eziptɩ tẽw nɩbɛ bá-kore na yere na: “Bɛ siwr'a waar wa ganɛ a tɩ sɔgɔ, a yɔ-ɓile dem bɛ ŋa bɛ na kʋ a zɛbr zie a!”

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Matie 3:10

A lɛr'ɩ ŋan na be a tɩɩr ƴãw baarɩ a, tɩɛ nɛ za na bɛ wɔnɛ wɔ̃-vɩɛlɩ a, bɛ na cɛ ʋ na ŋmãa lɔb ƴãw vũumí.

Ɩzayi 50:11

Ɛcɛ nyɩɩm za na gbɔwr vũu a, nyɩɩm na ƴãw vũu-zɛlɛ pime viiri koli nyɩ tʋɔra a, nyɩ cen a nyɩ vũu vũu-zɛlɛ pʋɔ, a vũu-zɛlɛ pime nyɩ na gbɔw a sɔwlɩsɔw. A Sore n'ʋ na ɩ nyɩ kpi kpɩɛrʋ kpɛ̃ɛ pʋɔ.

Ɩzayi 43:17

Ʋ tɩ ɩ na zɛbr-torkori nɩ wie yi, zɛbr-nɩbɛ nɩ a gãdaar. Bɛ lo na ɛ́ kʋ̃ lɛb ìr ɛ. Bɛ kpi na, bɛ baar'a mɛ̃ fɩ̃tɩlɛ pɛn a.

Ɩzayi 33:14

Pʋl-vʋ̃ɔ nyɔw nɩ a yel-bebe dem a Sɩyɔ̃ tẽw pʋɔ, dɛ̃bɩ̃ɛ ɩrɛ nɩ a nɩ-faar bɛ màwr. Bɛ sowre na: «A tɩ buor'ʋ na tʋ̃ɔ́ àr a vũu ŋa na dɩrɛ a pɛr? A tɩ buor ʋ na tʋ̃ɔ́ àr a vũu-zɛlɛ á ŋá na bɛ kpiire a pɛr?»

Ɩzayi 27:4

Ɩ̃ bɛ cãà nyɛ̃ nɩ ʋ suur ɛ. Ɛcɛ mãa wa nyɛ̃ gɔ-tuwr a, ɩ̃ na zɛb'ɩ a na ɛ́ nyɩw a bɛr.

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

Ƴɛ̀r-dɩrbɛ 15:14

Ʋ na tɩ ta a Lehi a, a Filisɩtɛ̃ mɩnɛ tɩ ŋmɩɛr'ɩ zɛb-tʋ̃ɔ́fʋ cɛlsɩ tuore nɩ ʋ. Lɛ n'a a Sore Vʋʋrʋ tɩ siw a Samsɔ̃: a mie na tɩ 'lẽ a ʋ kpãkpamɛ nɩ a ʋ nuru a, tɩ yɔl'ɩ mɔlɛ mɔlɛ lɛ, mɛ̃ lɛ̃ fomiwr vũu na dɩ a.

Matie 3:12

Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Ɩzayi 24:6

Alɛ so a Naaŋmɩn ŋmɛ-ƴãw báarɛ a tẽw, ɛ́ a nɩbɛ na kpɩɛr ʋ a nyɛ̃ a dɔwrʋ. Bɛ kpi na ɛ́ tɩ cɛ zaa pʋrɩ.

Ɩzayi 33:11

A lɛ nyɩ na tɩɛrɩ kɛ́ nyɩ ɩ a, ɩ n dʋn mʋ̃ɔ tɛwr, ɛ́ alɛ wa maalɩ a lɛn daar a, ãá ɩ mɔ̃-kon tɛwr.

Ɩzayi 66:17

A nɩbɛ bɛl na mɩ́ sʋ̃ɔmɩ bul so a bɛ dɛwr bɛr, kɛ́ bɛ tʋ̃ɔ́ kpɛ zaadɛnɩ a mɩnɛ kãw pʋɔ a nɛbɛ ɩ̃ yere a ka. Bɛ mɩ́ àr'a tu nɩr na be a zaadɛ̃ sɔwlɩsɔw a. Bɛ mɩ́ 'wɔbr'ɩ dobaa bɩɩ jɩkɔl, bʋ̃-faar na bɛ maal'ɩ wob a. A nɩbɛ bɛ ŋa na lãw na kpi bɛ za. A Sore n'ʋ yere.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.