Ɩzayi 1:30 - A SƐB-SÕW

³⁰ Nyɩ na ŋmɛ̃ na taa nɩ tɩɩr a váar na mɩ́ wa suori a, bɩɩ mɛ̃ zaadɛnɩ na bɛ mɩ́ wa cãà tɛr kʋ̃ɔ a.

Ɩzayi 1:30 Referans Kwoze

Matie 21:19

Ʋ tɩ nyɛ̃ nɩ kãkã-tɩɛ ʋ àr a sɔ́r nʋɔr, ʋ taw ta nyɛ̃ k'ʋ ɩ váar tɛwr. Lɛ n'a ʋ tɩ yel ʋ: «Fʋ kʋ̃ lɛb wɔ̃ wɔm za ɩ.» Ɛ́ daadaalɛ a kãkã-tɩɛ ko àr.

Ezekɩɛl 17:24

Lɛ n'a a mʋ̃ɔ pʋɔ tɩɩr za na bãw kɛ́ mãa n'ɩ a Sore. Ɩ̃ mɩ́ siwr'ɩ a tɩɩr al na kɛrɩ a, ɛ́ ɩ a al na ɩ cãpili a, a kɛrɩ. Ɩ̃ mɩ́ ɩ n a tɩ-ɓaar a ko, ɛ́ ɩ a al na ko a, a tɛr puuru. A mãa Sore n'ʋ yel ɛ́ mɩ́ ɩ a lɛ ɩ̃ na yel a.»

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Yele-za-pɛr-tib 12:6

A Abram tɩ kpɛ na tɔl a tẽw pʋɔ tɩ ta a zie ʋl bɛ na bʋɔlɛ Sɩsɛm a, a Moore sɛn tɩɛ pɛr. — A Kanãa tẽw dem tɩ kpɩɛr'ɩ a tẽw a lɛn daar. —

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Ɩzayi 64:5

Tɩ za, tɩ ɩ na mɛ̃ nɩbɛ na tɛr dɛwr a, ɛ́ a tɩ ɩ-vɩɛlɩ za gele pʋɔ mɛ̃ pɛn na mar pɔw-sɩɛ zɩ̃ɩ a. Tɩ za, a tɩ ɩ-faar ɓáw tɩ na cere nɩ mɛ̃ va-ŋmamɛ sɛsɛb na wob cen nɩ a.