Ɩzayi 1:29 - A SƐB-SÕW

²⁹ Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 1:29 Referans Kwoze

Ɩzayi 66:17

A nɩbɛ bɛl na mɩ́ sʋ̃ɔmɩ bul so a bɛ dɛwr bɛr, kɛ́ bɛ tʋ̃ɔ́ kpɛ zaadɛnɩ a mɩnɛ kãw pʋɔ a nɛbɛ ɩ̃ yere a ka. Bɛ mɩ́ àr'a tu nɩr na be a zaadɛ̃ sɔwlɩsɔw a. Bɛ mɩ́ 'wɔbr'ɩ dobaa bɩɩ jɩkɔl, bʋ̃-faar na bɛ maal'ɩ wob a. A nɩbɛ bɛ ŋa na lãw na kpi bɛ za. A Sore n'ʋ yere.

Ɩzayi 65:3

A nɩbɛ bɛ ŋa càar'a kʋrɛ mɛ̃ suur kʋralɛ: bɛ maalɛ nɩ bagɛ a zaadɛnɩ pʋɔ, ɛ́ nyɩwr parfɛnɩ birkiri bàwr-maal-kube zu a ŋmɩn-bɛlmɛ ƴãw.

Ɩzayi 57:5

Nyɩ mɩ́ ɩ na a ƴãw cɩrɛ nyɩ a nyɩ maalʋ-ziir tɩɩr pɛr, tɩ-zimpiri za pile. Nyɩ mɩ́ maal'ɩ nɩ bibiir bàwr a fʋɔlɩ pʋɔ, a pìe bɔwrɩ pʋɔ.

A naaŋmɩn-ƴèr-manɛ Oze sɛbɛ 4:13

Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

A naaŋmɩn-ƴèr-manɛ Oze sɛbɛ 14:8

A nɩbɛ na tɩ kpɩɛr a ʋ ɓaarʋ́ a na lɛb'a wa. Bɛ na lɛb'a kʋ́ɔr ble, bɛ na mɩ́ pu na mɛ̃ divɛ̃ tɩɩr púo a, bɛ na tɛr'ɩ yúor mɛ̃ Libã tẽw divɛ̃ a.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

Ezekɩɛl 36:31

A lɛn daar a, nyɩ na lɛb'a bãwnɩ a nyɩ cen-faa nɩ a nyɩ ɩ-ɩrɩ na bɛ tɩ vɩɛl a.

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Ɩzayi 45:16

Vĩ nɩ zʋmɛ n'a a bɛlɩ dem na maalɛ a tɩbɛ a zie. Bɛ cere nɩ bɛ za ɛ́ a zʋmɛ tuur bɛ.

Ɩzayi 31:7

A ʋlɩ bibir nɛ a, a nyɩ kãw za na lɔb'ɩ a ʋ salm-pla nɩ a ʋ salm-zɩɛ tɩbɛ a ʋ yel-bier maalɛ nuru na maalɩ a bɛr.

Ɩzayi 30:22

A nyɩ dàar bɩɩ kure tɩbɛ bɛ na nyɩl salm-pla nɩ salm-zɩɛ pàw a, nyɩ na nyɛ̃ a na a ɩ dɛwr. Nyɩ na lɔb a na bɛr mɛ̃ bʋ̃-dɛgɛ a, ɛ́ nyɩ na yel a na: «Nyɩ yi a ka!»

Ɩzayi 42:17

A bɛlɩ dem na mɩ́ ƴãw a bɛ tɩɛrʋ a tɩbɛ ƴãw ɛ́ yere a tɩbɛ dasuli: «Nyɩmɛ n'ɩ a tɩ ŋmɩmɛ» a, bɛ tɩ̃wnɩ nɩ pùor ɛ́ vĩ nyɔw bɛ.

A naaŋmɩn-ƴèr-manɛ Oze sɛbɛ 4:19

Sɛsɛb-pɩl na ɓáw bɛ na cere nɩ, ɛ́ a bɛ bàwr na ɩrɛ bɛ nɩ vĩ.