Ɩzayi 1:24 - A SƐB-SÕW

²⁴ Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 1:24 Referans Kwoze

Ɩzayi 60:16

Fʋ na nyúur'ɩ a nɩ-bʋʋr-yoru bʋ̀rʋ, fʋ na dɩrɛ nɩ a bɛ na-mɩnɛ na-bome. Lɛ n'a fʋ na bãw k'aa mãa, a Sore, mãa n'ɩ a fʋ faarɛ, k'aa mãa, a Zakɔb Naaŋmɩn, na tɛr kpɛnʋ a, mãa n'ɩ a fʋ ya-diere.

Ɩzayi 61:2

Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»

Ebre 10:13

ʋʋ pãa gù k'aa Naaŋmɩn wa fɛr a ʋ dɔ̃ dem ƴãw bɛ lɩɛbɩ a ʋ gbɛ́ɛ dɔwlʋ zie.

Ezekɩɛl 21:17

Cɩɩrɛ, ùore, nɩsaal bie e! A zɛbr-sɔ-kpɛ̃ɛ ŋa lɩɛb'a cɔw a ɩ̃ nɩ-bʋʋrɛ nɩ a Ɩsɩrayɛl tẽw nɩ-bɛrɛ za. Bɛ na kʋ kʋ bɛ na lãwnɩ a ɩ̃ nɩ-bʋʋrɛ. Ŋmɛ nuru a ɩ ko-tuolu bãwfʋ.

Ezekɩɛl 16:42

A ɩ̃ su-tʋlʋ na ìr'ɩ a fʋ ƴãw tɩ ta a ʋ tab zie. A pùorí, a bom nɛ ƴãw ɩ̃ na kpɛ nyuur a kʋ̃ cãà be ɩ, a ɩ̃ ƴãw na ɓãa na, ɩ̃ɩ kʋ̃ lɛb nyɛ̃ suur ɛ.

Ezekɩɛl 5:13

Ɩ̃ na bɛr'ɩ a ɩ̃ su-tʋlʋ ʋ ìr, ɩ̃ na bɛr ʋ na ʋ ìr tɩ ɓɩɩlɩ, ɩ̃ɩ na yáa nɩ a san a nyɩ zu. Lɛ n'a nyɩ na sàw de k'aa mãa Sore n'ʋ tɩ ƴɛ̀r a nyɩ zie, ɩ̃ na bɛ cãà tʋ́ɔr a nyɩ na-bɛ-tu-m'a ƴãw.

Ɩzayi 30:29

A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.

Sɛb-sõw yielu 132:2

A Daviir'ʋ tɩ kõ nʋɔr ŋa a Sore zie, ʋlɛ n'ʋ tɩ pɔ à ŋá yel a Zakɔb Naaŋmɩn fãw sob:

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Ɩzayi 63:4

Ɩ̃ tɩ tɛr'ɩ a san-yaafʋ tɩɛrʋ, a ɩ̃ nɩ-bʋʋrɛ ya-deb yũon tɩ vɩɛ na.

Yele-za-pɛr-tib 49:24

Ɛcɛ ʋ fɩɩr'ɩ a ʋ tam tɛr kpɛ̃w za, a ʋ kpãkpamɛ nɩ a ʋ nuru dɔlɛ na ɛ́ gùre vla. A Zakɔb Naaŋmɩn na bɛ tɛr tʋ̃ɔ́fʋ a fãw zũú, fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Zeremi 9:9

Ɩ̃ kone na ƴɛ̀rɛ nɩ a tan zu, ɩ̃ kone nɩ lãw-mʋɔlɛ a dʋn mʋ̃ɔ 'wɔbrʋ ziir ƴãw. Bʋ̃ʋ n'ʋ vɛ̃, a za dɩ n vũu, nɩr za bɛ cãà tɔlɛ a be ɩ. Bɛ bɛ cãà wone a dʋn kon a be ɩ. A lili nɩ a dʋn za zɔ na zãá, bom za bɛ cãà be ɩ.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.