Ɩzayi 1:18 - A SƐB-SÕW

¹⁸ “A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 1:18 Referans Kwoze

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.

Sɛb-sõw yielu 51:7

Nyɛ̃, sãwna pʋɔ n'a bɛ dɔw mɛ̃, yel-bier pʋɔ n'a a ɩ̃ mã ŋmãa a ɩ̃ sɩɛ.

Ɩzayi 41:21

A Sore, a Zakɔb nɩ-bʋʋrɛ nãà, yere na: Nyɩɩm, nɩ-bʋʋr-yoru ŋmɩmɛ ɛ, nyɩ wa manɩ a nyɩ yel, nyɩ ƴɛ̀r wul a nyɩ yel-mɩŋa.

Ɩzayi 41:1

A Sore yere na: nyɩɩm tẽ-zãánɩ nɩbɛ ɛ, nyɩ ŋmãa vʋʋrʋ ɛ́ bɛr wõ m. Nyɩɩm nɩ-bʋʋrɛ za a, nyɩ lɛb páw fãw-paala. Nyɩ taw pɩɛlɩ ɛ́ ƴɛ̀r. Nyɩ ɩ tɩ lãw cen a ƴɛ̀rʋ-dɩb ƴãw.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Nɩ-toni 18:4

Pɩ̃ɛnʋ-bibir za, ʋ mɩ́ tɩ de nɩ a ƴɛ̀rʋ a puoru-dĩó, ƴãw fãw kanɛ kɛ́ a Zifʋ nɩ a Gɩrɛkɩ mɩnɛ sàw de a Yeezu yele.

1 Samɩɛl 12:7

Ƴɛrɛŋa a, nyɩ wa mãa nɩ nyɩɩm wa maalɩ ƴɛ̀rʋ a Sore niŋé. Ɩ̃ na lɛb'a manɩ a ɩ-vɩɛlɩ al za a Sore na maalɩ nyɩɩm nɩ a nyɩ sãàkʋm-kore ƴãw a kʋ̀ nyɩ.

Nɩ-toni 17:2

Mɛ̃ a lɛ ʋ na mɩ́ tu a kʋralɛ a, a Pol tɩ cen na tɩ páw bɛ hieri a ƴɛ̀rʋ kʋ̀ bɛ pɩ̃ɛnʋ bibie ata tu taa. A Sɛb-sõw ƴɛ̀r-bie n'a

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Nɩ-toni 24:25

Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.»

Mise 6:2

Nyɩɩm tan ɩ, nyɩ bɛrɛ wone, nɩ nyɩɩm tẽsɔw pɛ́ɛ na bɛ be na dam a: a Sore tɛr'ɩ nɩ a ʋ nɩbɛ ƴɛ̀rʋ, ʋ sowre nɩ yele a Ɩsɩrayɛl nɩbɛ.

A Zɔb sɛbɛ 9:33

A tɩ cara pʋɔ a, yel-maalɛ bɛ ka be na ír nũu dɔwlɩ a tɩ za ayi zu ɛ!

Ɩzayi 50:8

A Sore pɩɛlɩ mɛ̃ na, ʋ na kpɛ m'a. Ãa n'ʋ na sàw tɛr'ɩ mɛ̃ ƴɛ̀rʋ? Ʋ ɩ tɩ lãw cen a ƴɛ̀rʋ-dɩb zie! Ãa n'ʋ na ɩ a ɩ̃ dɔ̃ sob a ƴɛ̀rʋ zie? Ʋ wa àr a ɩ̃ niŋé!

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ezekɩɛl 18:27

Ɛcɛ a nɩ-faa wa bɛr a ʋ fa-ɩb ɛ́ tuur a lɛ na tori a nɩ a mɩnʋ a, ʋ na faa nɩ a ʋ nyɔ-vʋʋrʋ.

Ezekɩɛl 33:16

Bɛ na yiir'ɩ a ʋ ɩ-faar za bɛr, ʋʋ na vʋʋrɛ na, ʋ na dɛ faa tu a lɛ-na-tu-sɔr-a nɩ a mɩnʋ a.”

Sɛb-sõw yielu 51:9

Ɩ a ɩ̃ yel-bier ʋ bɔr, ɩ̃ɩ na vɩɛl'a. so m a kʋ̃ɔ, ɩ̃ɩ na pɛlɩ nɩ furutu!

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɩzayi 3:13

A Sore ìr'ɩ a ƴɛ̀rʋ-dɩb ƴãw, ʋ ìr'a àr k'ʋʋ dɩ n a nɩ-bʋʋrɛ a ƴɛ̀rʋ.