Ɩzayi 1:10 - A SƐB-SÕW

¹⁰ Nyɩ bɛrɛ wone a Sore ƴɛ̀rʋ, Sodɔm tẽw nɩ-bɛrɛ ɛ, nyɩ ƴãw tobr a tɩ Naaŋmɩn wulu ƴãw, Gomɔɔr tẽw nɩ-faar i!

Ɩzayi 1:10 Referans Kwoze

Yel-wula 11:8

A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

Ezekɩɛl 16:49

A Sodɔm nɩ a ʋ tẽ-kpɔwlɩ sãwna n'ɩ á ŋá: A tɩ ɩrɛ nɩ pɔ̀l-ɩb, a tɩ dɩrɛ na tɩ maal zuo, a bɛ tɩ tɛr tɩɛrʋ ɛ, a bɛ sõw a nɩ-kɔmɛ nɩ a bãbàalbɛ ɩ.

Amɔsɩ 9:7

À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Wulu-ayi-sob 32:32

Bɛl ƴãw a, bɛ bɛ sa a Sodɔm nɩ a Gomɔɔr ten dem ɛ. Bɛ ŋmɛ̃ na taa nɩ divɛ̃ tɩɛ, na na wɔnɛ wɔ̃-tuor na tɛr lɔw a,

Ʋrɔm 9:29

A Ɩzayi n'ʋ mɩ̀ tɩ cãà dãw yel: «A tẽ-daa za Sore bɛ tɩ cɛ bʋʋrɛ blã bɛr tɩ a, tɩ nãá tɩ ɩ na mɛ̃ Sodɔm tẽw a, tɩ nãá ŋmɛ̃ na taa nɩ Gomɔɔr tẽw.»

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

Amɔsɩ 3:1

Ɩsɩrayɛl nɩbɛ ɛ, nyɩ bɛr wõ a ƴɛ̀rʋ ŋa a Sore na ƴɛ̀rɛ cáarɛ nɩ nyɩ a, nyɩɩm na ɩ a yir ʋl ʋ na tɛr yi n a Eziptɩ tẽw pʋɔ a:

Ɩzayi 28:14

Nyɩ bɛrɛ wone a Sore ƴɛ̀rʋ, nyɩɩm nɩ-ɩ-laarbɛ na kaarɛ a Zerizalɛm nɩbɛ bɛ ŋa zie a:

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ezekɩɛl 13:2

«A fʋ̃ʋ nɩsaal bie, a ɩ̃ yúor ƴãw, wo a bɛl na bʋɔlɛ bɛ tʋɔra naaŋmɩn-ƴɛ̀r-manbɛ a Ɩsɩrayɛl tẽw pʋɔ, ɛ́ mɩ́ ƴɛ̀r a bɛl mɩŋa yúor ƴãw a. Yel bɛ kɛ́ bɛ bɛrɛ wone a ɩ̃ ƴɛ̀rʋ.

Mise 3:1

Ɩ̃ yere na kʋ̀rɛ nyɩ: «Nyɩ bɛrɛ wone, nyɩɩm Zakɔb bʋʋrɛ nɩ-bɛrɛ ɛ, nyɩɩm Ɩsɩrayɛl nɩbɛ ƴɛ̀r-dɩrbɛ ɛ. A nyɩ tõ-nʋɔr bɛ n'ɩ kɛ̀ nyɩ kaarɛ a lɛ-na-tu-sɔr-a zie ɩ?

Ezekɩɛl 16:35

A na ɩ à ŋá a, Zerizalɛm i, fʋ̃ʋ na tone pɔw-yɛm tome a, bɛrɛ wone a Sore ƴɛ̀rʋ!