A naaŋmɩn-ƴèr-manɛ Oze sɛbɛ 9:17 - A SƐB-SÕW

¹⁷ A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.

A naaŋmɩn-ƴèr-manɛ Oze sɛbɛ 9:17 Referans Kwoze

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

Nɩ-toni 3:23

Sob nɛ za bɛ wa bɛrɛ wone a ƴɛ̀r-manɛ ŋa a, bɛ na ír ʋ na bɛr a Naaŋmɩn nɩ-bʋʋrɛ pʋɔ.”

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Ɩzayi 48:18

Fʋ̃ʋ tɩ ɩ mɛ̃ fʋ cɛlɩ nɩ a ɩ̃ nɛ-ƴãwnɩ zie a, a fʋ ƴã-ɓaarʋ nãà ɩ na mɛ̃ man a, ɛ́ a fʋ mɩnʋ ɩ mɛ̃ a kʋ̃ɔ-kpɛ̃ɛ kʋ̃ɔ-mie a!

Amɔsɩ 9:9

Bʋ̃ʋ n'ʋ vɛ̃, ɩ̃ ƴãwnɛ nɩ nʋɔr k'aa nɩ-bʋʋr-yoru ten za pʋɔ, bɛ dam a Ɩsɩrayɛl yir, bɛ dam ʋ mɛ̃ zɛla bɛ na tɛtɛwr ɛ́ kʋsɛ-bir kʋ̃ lo tẽw a.

A naaŋmɩn-ƴèr-manɛ Oze sɛbɛ 4:10

Bɛlɛ saa mɩ́ dɩrɛ sɛw ŋmɩn a, bɛ bɛ be za na tɩw ɛ. Bɛ na mɩ́ tu n a pɔw-yɛmɛ pùor, ɛ́ kʋ̃ dɔw yɛ̀r ɛ. Bʋ̃ʋ n'ʋ vɛ̃, bɛ bɛr'ɩ a mãa Sore ƴãwfʋ.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Sɛb-sõw yielu 31:14

Ɩ̃ wone nɩ a ziri a nɩbɛ na ŋmarɛ a, pʋl-vʋ̃ɔ n'a a ziir za, bɛ wone nɩ taa a ɩ̃ ƴãw, bɛ bʋ̀rɛ nɩ taa a ɩ̃ kʋb ƴãw.

Neemi 5:19

«Ɩ̃ Naaŋmɩn i, lɛb tɩɛrɩ a alɩ bome nɛ za ɩ̃ na ɩ a nɩ-bʋʋrɛ bɛ ŋa ƴãw a, ɛ́ tɛr pʋ-pɩɛlʋ a ɩ̃ zie!»

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

2 Bibie za yel-manɩ 18:13

Ɛcɛ a Mise tɩ sɔw ʋ na: «A Sore na vʋʋrɛ a zũú, a lɛ a ɩ̃ Naaŋmɩn na na yel kʋ̀ m a, lɛ tɛwr'a ɩ̃ na yel.»

Wulu-ayi-sob 32:26

Ɩ̃ tɩ yel'a k'ɩ̃ɩ na kʋ bɛ na pàw pɛr, ɛ́ ɩ nɩr za ta cãà tɛr bɛ tɩɛrʋ a tẽw zu ɛ.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

Filib 4:19

A ɩ̃ Naaŋmɩn na sõw nyɩ nɩ vla za nɩ a ʋ maalʋ na yi a Yeezu Kɩrɩta zie a, nyɩ páw a nyɩ bʋ̃-bɔbrɩ za kpɛ̃lɛ̃kpɛ̃lɛ̃.

Zã 20:28

A Toma tɩ sɔw na yel: «Fʋ ɩ n ɩ̃ Sore nɩ ɩ̃ Naaŋmɩn!»

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Zã 7:35

A Zifʋ mɩnɛ tɩ sowre nɩ taa: «Nyɩnɛ n'a ʋ pãa na cen ɛ̀ tɩ bɔ ʋ gù a? Ʋ na cen na tɩ páw a Zifʋ mɩnɛ bɛl na zɔ yaarɩ be a Gɩrɛkɩ bʋʋrɛ pʋɔ a bɩɩ? Ʋ na cen na tɩ wule a Gɩrɛkɩ mɩnɛ bɩɩ?

Amɔsɩ 8:2

Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

Zeremi 6:30

Bɛ bʋɔlɛ nɩ a nɩbɛ bɛ ŋa kɛ́: “Salm-pla bɛ na na lɔb bɛr a”, bʋ̃ʋ n'ʋ vɛ̃, a Sore lɔb bɛ na bɛr.

Wulu-ayi-sob 4:25

Nyɩmɛ wa kpɛ a Kanãa tẽw cɛlɩ a, tɛr bibiir nɩ yan a, nyɩ taa lore a yel-bier pʋɔ maalɛ tɩbɛ tɛrɛ bɩɩ maalɛ bom nɩ bom za dasuli ɛ. Nyɩ taa ɩrɛ bom na bɛ vɩɛl a Sore nyɩ Naaŋmɩn zie ɛ́ ɩrɛ ʋ suur a ɩ.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:15

Ɩ̃ na diw nyɩ na bɛr nyɩ zãá nɩ mɛ̃, mɛ̃ a lɛ ɩ̃ na diw a nyɩ yɛbr, a Efarayim tẽw dem a.»

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.