A naaŋmɩn-ƴèr-manɛ Oze sɛbɛ 8:13 - A SƐB-SÕW

¹³ Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

A naaŋmɩn-ƴèr-manɛ Oze sɛbɛ 8:13 Referans Kwoze

A naaŋmɩn-ƴèr-manɛ Oze sɛbɛ 9:9

Nyɩ maal'ɩ a faa tɩ tɔ, mɛ̃ a lɛ nyɩ na tɩ ɩ a Givea tẽw a. Naaŋmɩn na lɛb'a bãwnɩ a nyɩ ɩ-faar, ʋ na dɔwrɩ nyɩ nɩ a nyɩ yel-bebe ƴãw.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Amɔsɩ 8:7

A Sore pɔ n nɩ a tẽw ʋl a Ɩsɩrayɛl na nyʋʋr'ɩ a, yel à ŋá: «Ɩ̃ bɛ be za na yiiri a bɛ ɩ-faar been kãw za bɛr ɛ!

Amɔsɩ 5:22

Ɩ̃ bɛ bɔbr a nyɩw-a-za-bagɛ nyɩ na maalɛ kʋ̀rɛ mɛ̃ a ɩ, a nyɩ de-kʋ̀b bome been kãw za bɛ pɛlɩ a ɩ̃ pʋɔ ɩ. Ɩ̃ ŋmɛlɩ nɩ kpaar cɔw a nyɩ dʋ̃-'wɔɛ bàwr.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 5:6

Bɛ waar'ɩ nɩ píir nɩ nĩi kɛ́ bɛ wa bɔ n a Sore, ɛ́ bɛ kʋ̃ nyɛ̃ ʋ ɛ, bʋ̃ʋ n'ʋ vɛ̃, ʋ taw na zãá nɩ bɛ.

Zeremi 14:10

À ŋá n'a a Sore ƴɛ̀rɛ a nɩbɛ bɛ ŋa ƴãw: «Sɩza, a nɩbɛ bɛ ŋa nɔnɛ nɩ cɔlʋ, bɛ bɛ zɩnɛ zi-been ɛ.» Ɛcɛ, bɛ na bɛ pɛlɩ a Sore pʋɔ a, ƴɛrɛŋa a, ʋ lɛb'a tɩɛrɩ a bɛ sãwna ɛ́ na dɔwrɩ bɛ a bɛ yel-bebe zũú.

Ɩzayi 1:11

A Sore yere na: “Bʋ̃ʋ n'ʋ a nyɩ bàwr-yaga yaga ɩrɛ mɛ̃? Ɩ̃ sɛw na nɩ a pʋ́rɩ nyɩw-a-za-bagɛ nɩ a náli nɛn-kãánɩ! A nadɛɛ, a péli nɩ a bʋrali zɩ̃ɩ a, ɩ̃ bɛ cãà bɔbr a ɩ.

Wulu-ayi-sob 28:68

A Sore na tɛr nyɩ nɩ gbee pʋɔ lɛb wa n a Eziptɩ. Ʋ na ɩ na nyɩ lɛb wa a tẽw ŋa pʋɔ, ɩ̃ na tɩ yel kʋ̀ nyɩ kɛ́ nyɩ kʋ̃ lɛb nyɛ̃ ʋ towtow a. A be a, nyɩ na tɩ bɔbr'a kɛ́ nyɩ kʋɔrɩ nyɩ tʋɔra ɩ gbãgbaar, ɛ́ daarɛ kʋ̃ ka be ɩ.

Yel-wula 16:19

A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.

1 Korɛ̃tɩ 11:29

bʋ̃ʋ n'ʋ vɛ̃, sob nɛ na 'wɔbr a dipɛ̃ ɛ́ nyúur a koli-nyúura pʋɔ divɛ̃, ɛ́ bɛ tɩɛrɩ bãw k'aa Sore ƴã-gan n'ʋ a, a ʋ sob bɔbr'ɩ ƴɛ̀rʋ ƴãwnɛ ʋ tʋɔra.

1 Korɛ̃tɩ 11:20

Nyɩ na mɩ́ wa ɓã taa a, a Sore dɩb bɛ n'ʋ nyɩ mɩ́ dɩrɛ ɩ.

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 7:16

Bʋ̃-zawlɛ zie n'a bɛ lɛbr cere, bɛ ŋmɛ̃ na mɛ̃ tã-kaba a. Zɛbr-sɔ-kpɛ̃ɛ n'ʋ na kʋ a bɛ niw-dierbɛ a bɛ nyɔka-ƴɛ̀rʋ ƴãw, lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

A naaŋmɩn-ƴèr-manɛ Oze sɛbɛ 4:9

A bom nɛ na na ɩ a ɩ̃ nɩ-bʋʋrɛ a, ʋl tɔr za n'ʋ na ɩ a bàwr-maalbɛ. Ɩ̃ na dɔwrɩ bɛ na a bɛ cenu na bɛ vɩɛl a ƴãw, ɩ̃ na yáa nɩ a bɛ ɩ-faar san.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Eziptɩ tẽw yib 20:3

«Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.»

Luka 12:2

Bom bɛ be be sɔwlɩ kʋ̃ʋ wa sãá ɩ, ɛ́ yel-sɔwla za bɛ be be bɛ kʋ̃ʋ wa bãw ɛ.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Ezekɩɛl 29:16

A Ɩsɩrayɛl nɩbɛ kʋ̃ cãà ƴãw a bɛ tɩɛrʋ a bɛ ƴãw towtow ɛ. A na ɩ lɛ a, a kʋ̃ cãà ƴãw a Ɩsɩrayɛl nɩbɛ bɔbr sõwfʋ a Eziptɩ tẽw dem zie maalɛ yel-bier ɛ. Lɛ n'a nɩr za na bãw kɛ́ mãa n'ɩ a Sore.»

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Amɔsɩ 3:2

«A tẽ-daa zu yie za pʋɔ a, nyɩɩm tɛwr zie n'a ɩ̃ kaa. Alɛ so ɩ̃ na ƴãw nyɩ manɩ a nyɩ ɩ-faar za pɛr.»