A naaŋmɩn-ƴèr-manɛ Oze sɛbɛ 14:9 - A SƐB-SÕW

⁹ Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

A naaŋmɩn-ƴèr-manɛ Oze sɛbɛ 14:9 Referans Kwoze

Zʋkpaɩ 10:29

A Sore mɩ́ gù n nɩ fãw a sob nɛ a ɩb na tori a. Ɛcɛ ʋ mɩ́ sãw nɩ a nɩ-faar bɛr.

Sɛb-sõw yielu 107:43

Nɩr wa ɩ yã-bãwnɛ a, ʋ cɛlɛ a yele á ŋá zie vla, ʋʋ na nyɛ̃ na bãw a Sore nɔ̃wfʋ!

Zã 8:47

Sob nɛ na yi a Naaŋmɩn zie a bɛrɛ na wone a Naaŋmɩn ƴɛ̀rʋ. Nyɩ na bɛ yi a Naaŋmɩn zie a n'a so nyɩ bɛ bɛrɛ wone a ɩ̃ ƴɛ̀rʋ ɛ.»

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Zã 18:37

Lɛ n'a a Pɩlatɩ sowr'ʋ: «A ɩ lɛ fʋ ɩ nãà ʋ?» A Yeezu sɔw: «Fʋ̃ʋ n'ʋ yere k'ɩ̃ɩ ɩ n nãà. Ɩ̃ dɔw na, ɩ̃ɩ wa n a tẽ-daa zu k'ɩ̃ɩ wa dɩ a yel-mɩŋa dãsɩɛ. Nɩr za na ɩ yel-mɩŋa nɩr a bɛrɛ na wone a ɩ̃ ƴɛ̀rʋ.»

Ɩzayi 26:7

Sore e, a nɩ-mɩŋa sɔ́r cere nɩ daadaa, fʋ ɩ na a ʋ sɔr-dẽdẽ man taa.

Sɛb-sõw yielu 119:128

A fʋ tub a na fɛr kɛ́ bɛ tuur a, ɩ̃ nyɛ̃ nɩ a za a ɩ yel-mɩŋa, yel za na ɩ ziri a, ɩ̃ bɛ nɔnɛ ʋ towtow ɛ.

Sɛb-sõw yielu 119:75

Sore e, ɩ̃ sàw na k'aa fʋ ƴɛ̀rʋ-dɩb tu n yel-mɩŋa, ɛ́ fʋ tɛr yel-mɩŋa fʋ na bɛr mɛ̃ a kpɩɛrʋ pʋɔ a.

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Ʋrɔm 7:12

A na ɩ à ŋá a, a Naaŋmɩn wulu ɩ n sõw ɛ́ a nɔ-ƴãwna ɩ sõw, tu sɔ́r ɛ́ vɩɛl.

Zã 15:24

Ɩ̃ tõ n tome a bɛ sɔgɔ nɩsaalɛ za na bɛ tõ a. Mãa bɛ tɩ tõ a tome á ŋá a, bɛ kʋ̃ʋ tɩ tɛr yel-bier ɛ, ɛcɛ ƴɛrɛŋa bɛ na nyɛ̃ a a, bɛ cãà na hɩ̃ɛn mãa nɩ a ɩ̃ Sãà.

Zã 9:39

A lɛ n'a a Yeezu tɩ yel: «Ƴɛ̀rʋ-maalʋ ƴãw n'a ɩ̃ wa a tẽ-daa ŋa zu, kɛ́ a bɛlɩ dem na bɛ tɩ nyɛrɛ a, bɛ nyɛrɛ, ɛ́ a bɛlɩ dem na tɩ nyɛrɛ a, bɛ lɩɛbɩ zɔn.»

Luka 7:23

ɛ́ zu-nʋ̃ɔ̀ sob'ɩ a sob nɛ na kʋ̃ʋ zawrɩ a ɩ̃ sàw-deb bɛr a.»

Luka 2:34

A Sɩmɩ̃ɔ tɩ maalɩ bɛ na ɛ́ yel a bie mã Marya: «Nyɛ̃, a fʋ bie ŋa na so na nɩ-yaga lo ɛ́ nɩ-yaga lɛb ìr a Ɩsɩrayɛl bʋʋrɛ pʋɔ, ʋ na ɩ n bãwfʋ bɛ ŋmɩɛr'ɩ nɔkpɛn.

Matie 11:19

A Nɩsaal Bie wa dɩrɛ ɛ́ nyúur, ɛ̀ bɛ yel kɛ́: “Bʋ̃-dɩ-nɔ̃wnɛ nɩ dã-kuole n'ʋ! Zuru-yar-dierbɛ nɩ yel-bier-maalbɛ bá-pɛr'ʋ!” Ɛcɛ a Naaŋmɩn yã-bãwfʋ wul'ɩ a ʋ yel-mɩnʋ a sãá a ʋ ɩ-ɩrɩ pʋɔ.»

Ezekɩɛl 18:25

Ɛcɛ nyɩ mɩ́ yel'a: “A Sore ɩb bɛ tori ɛ.” Nyɩ bɛrɛ wone Ɩsɩrayɛl nɩbɛ ɛ: Mãa ɩb'a bɛ tori ɛ? A nyɩ ɩb bɛ n'a nɩ̃ɛ bɛ tori ɛ?

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Zʋkpaɩ 4:18

A nɩ-mɩn nyɔ-vʋʋrʋ nɩ̃ɛ na ɩ mɛ̃ zi-wɛl-paala cãà na mɩ́ dɔwlɛ cere tɩ ta a mʋ̃tɔ̃-tuo a.

Sɛb-sõw yielu 84:7

Bɛlɛ wa gãwnɛ bà-fʋɔl-kõw kõw a, Naaŋmɩn mɩ́ ɩ na ʋ lɩɛbɩ bul-nɛ́ɛ zie, ɛ́ a sa-dan mɩ́ paal'ʋ na nɩ maalʋ.

Sɛb-sõw yielu 84:5

Zu-nʋ̃ɔ̀ dem'ɩ a bɛlɩ dem na kpɩɛr a fʋ yir a, bɛ na tʋ̃ɔ́ na danɛ fʋ kʋralɛ! Tɛw-àrʋ

A Zɔb sɛbɛ 17:9

Bɛ yere na: «A nɩ-mɩŋa, ʋ cãà cere vla a ʋ cenu pʋɔ, ɛ́ a nɩr a nuru na bɛ mar dɛwr a lɛb bãw ƴãw fãw!»

Nɩ-toni 13:10

ɛ́ yel: «Gɛgɛra bie ŋa, nɩ-nɛb yã nɩ po-tuolu tɛwr'a fʋ bãw, fʋ̃ʋ na ɩ yel-mɩnʋ za dɔ̃ sob a! Debor'a fʋ na bɛr a Sore pʋ-tɩɛrʋ na ɩ dẽdẽ a sãw-bɛrʋ?

Yel-wula 15:3

Bɛ tɩ yiele nɩ a Naaŋmɩn tõ-tõ-bie Moyiir yielu, nɩ a Pele yielu à ŋá: «Sore Naaŋmɩn kpɛnʋ-za-sob i, a fʋ tome ɩ n tõ-bɛrɛ ɛ́ ɩ nɔ-ɓãa-tome. Ten za Nãà a, a fʋ ɩb tu n mɩnʋ nɩ yel-mɩŋa.

Zʋkpaɩ 16:21

Nɩr na mɩ́ dɩ a ƴɛ̀rʋ nɩ yã-bãwfʋ a tɛr'ɩ yã, ƴɛ̀rʋ na ƴɛ̀r bàalʋ bàalʋ a mɩ́ ƴɛ̀r'a tʋ̃ɔ́.

Ɩzayi 17:8

Ʋ kʋ̃ lɛb jɩ́r a bàwr-maal-kube na ɩ a ʋ nuru bʋ̃-maalɩ a ɩ, ʋ kʋ̃ lɛb nyɛ̃ a alɩ bome nɛ a ʋ nobie pie na maalɩ a ɩ: a dà-barɩ nɩ a parfɛ̃ bʋ̃-nyɩwrɩ.

Zeremi 29:12

Nyɩ na bʋɔlɛ mɛ̃ na, nyɩ na wa na wa puori mɛ̃, ɩ̃ɩ na de nɩ a nyɩ puoru.

Ezekɩɛl 11:18

Nyɩmɛ wa lɛb wa a ʋ pʋɔ a, nyɩ na ír'ɩ a puoru ɩ-ɩrɩ al na bɛ maal'ɩ wob a bɛlɩ dem na tɩ kpɩɛr a ʋ pʋɔ a na tɛr a ŋmɩn-bɛlɛbɛlɛ ƴãw a bɛr.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.