A naaŋmɩn-ƴɛ̀r-manɛ Aaze sɛbɛ 2:22 - A SƐB-SÕW

²² Ɩ̃ na vɩr'ɩ naalʋ-dà-kɔwr lɔb, ɛ́ ɩ a tẽw zu naalʋ-ten fãw baarɩ. Ɩ̃ na cã n a zɛbr-torkori nɩ a bɛlɩ dem na dãanɛ a a lɔb. A wie nɩ a zɔmnbɛ na lo na, ɛ́ a wi-zɔmnbɛ kʋ taa nɩ a bɛ zɛbr-sɔ-bɛrɛ.

A naaŋmɩn-ƴɛ̀r-manɛ Aaze sɛbɛ 2:22 Referans Kwoze

Mise 5:10

Ɩ̃ na ŋmɛr'ɩ a nyɩ tẽw tẽ-bɛrɛ bɛr, ɩ̃ na dà n a nyɩ zɛbr-yir-kpɛn lɔb.

Ƴɛ̀r-dɩrbɛ 7:22

A nɩbɛ kɔbr ata (300) na tɩ pɛblɛ a wɩ́ɛ a lɛn daar a, a Sore tɩ ɩ na a Madian tẽw dem lɛb ŋmɛlɩ cɔ̀rɛ taa kʋrɛ a laɩ za pʋɔ. A bɛl na wa cɛ a tɩ zɔ na tɩ ta Bɛtɩ-Sɩta, Serera lowr, ɛ́ tɩ ta Avɛl-Mehola tẽw na pɩɛlɩ Tabatɩ a.

Matie 24:7

Tẽw ŋa na mɩ́ ŋmãa nɩ nɩ tẽw ŋa zɛbr, nãà ŋa na mɩ́ ír'a taw tuori nãà ŋa. Kɔ̃ nɩ tẽsɔw kɔbr damnʋ na be n ziir a mɩnɛ.

Zakari 10:11

Bɛ na lo na gãw a Kpɩɛrʋ kʋ̃ɔ-kpɛ̃ɛ, a mãa, a Sore, ɩ̃ na ŋmɛ n a kʋ̃ɔ-mie siwri, a Nɩl bà-dĩo tɔr za na ko na. A Asiiri na ɩrɛ pɔ̀lʋ a na lo na, ɛ́ a Eziptɩ naalʋ-dɩb za na baar'a.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Ezekɩɛl 39:20

A ɩ̃ cuw dɩb ŋa zie a, nyɩ na 'wɔb'ɩ wie nɩ wi-zɔmnbɛ, sojarɩ nɩ zɛbr-nɩ-pɛ-bʋʋrɛ za. A mãa Sore Naaŋmɩn n'ʋ yere.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Sɛb-sõw yielu 76:6

Bɛ fa n a soja-gãdaar bome za, bɛ gúr'ɩ a kũu gʋ̃ɔ. A zɛbr-nɩbɛ bɛ ŋa bɛ tʋ̃ɔ́ ɩ ɩb kãw za ɩ.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Zakari 14:3

Al pùorí, a Sore na zɛb'ɩ nɩ a nɩ-bʋʋr-yoru bɛ ŋa, ʋ na zɛb'a mɛ̃ a lɛ ʋ na mɩ́ zɛb, a zɛbr daar a.

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Ezekɩɛl 21:27

A pĩi ʋl na wul a Zerizalɛm a lo n a ʋ dʋrʋ-lowr. Ʋ na lɔb'ɩ zɛbr cɛlsɩ ƴãw bɛ cen tɩ kʋ a nɩbɛ a be. Ʋ na bin nɩ zɛbr bome a tẽ-kpɛ̃ɛ dɩ̃dɛɛ ƴãw. Ʋ na mɛ n zɛbr dacine ɛ́ wɛr bɔwrɩ.

Ɩzayi 60:12

A nɩ-bʋʋrɛ bɛl bɩɩ a naalʋ-tẽw ʋl nãà wa zawrɩ na tone a fʋ tome a, bɛ kʋ̃ cãà ɩ. A nɩ-bʋʋrɛ bɛl na lo n pelẽpelẽ.

Ɩzayi 19:2

A Sore yere na: «Ɩ̃ na ƴãw nɩ a Eziptɩ tẽw dem tãá, bɛ na zɛbr'ɩ taa a bɛ cara pʋɔ, yɛb nɩ yɛb, tɔ nɩ tɔ, tẽ-kpɛ̃ɛ nɩ tẽ-kpɛ̃ɛ naalʋ-tẽw nɩ naalʋ-tẽw.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

2 Bibie za yel-manɩ 20:22

A lɛn daar bɛ na tɩ yiele a danʋ yielu a, a Sore tɩ ƴãw nɩ taw-taa a Amɔ̃ tẽw dem, a Mowab tẽw dem nɩ a Edɔm tẽw nɩbɛ cará bɛ lɛb ŋmɛlɩ zɛbr taa, bɛl na tɩ wa a Zuda nɩbɛ ƴãw a.

1 Samɩɛl 14:16

A Sawul zi-piwrbɛ tɩ be n a Bɛ̃zamɛ tẽw Givea ɛ́ jɩ́rɛ. Bɛ tɩ nyɛ̃ nɩ a nɩbɛ na zɔ tu a ziir za a.

Eziptɩ tẽw yib 15:19

A lɛn daar a Faarawɔ̃ wie, a ʋ zɛbr-torkori nɩ a ʋ wi-zɔmnbɛ na tɩ kpɛ a kʋ̃ɔ-kpɛ̃ɛ pʋɔ a, a Sore tɩ ɩ na a kʋ̃ɔnɩ lɛb wa paalɩ pàw bɛ. Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon.

Eziptɩ tẽw yib 14:28

A kʋ̃ɔ tɩ lɛb'a wa wa paalɩ pàw a Faarawɔ̃ zɛbr-nɩbɛ torkori za na tɩ tu a Ɩsɩrayɛl nɩbɛ kpɛ a kʋ̃ɔ-kpɛ̃ɛ pʋɔ a. Nɩr za bɛ tɩ cɩ̃ɛ ɩ.

Eziptɩ tẽw yib 14:17

Mãa ƴãw a, ɩ̃ na ɩ na a Eziptɩ tẽw nɩbɛ kpãa tobr, ɛ́ tu a nyɩ pùor kpɛ a kʋ̃ɔ-kpɛ̃ɛ pʋɔ. Lɛ n'a ɩ̃ na tʋ̃ɔ́ a Faarawɔ̃ nɩ a ʋ zɛbr-nɩbɛ za, a ʋ zɛbr-torkori, a ʋ wi-zɔmnbɛ, lɛ n'a ɩ̃ na tʋ̃ɔ́ bɛ pẽlẽpẽlẽ, wul a ɩ̃ yúor-vɩɛlʋ-danʋ.

Eziptɩ tẽw yib 15:4

A Faarawɔ̃ zɛbr-torkori nɩ a ʋ zɛbr-nɩbɛ, a ʋ soja-zɛb-bãw-karɩ, ʋ lɔb bɛ na ƴãw a kʋ̃ɔ-kpɛ̃ɛ pʋɔ. A Bàa-kɛkɛɛ kʋ̃ɔ-kpɛ̃ɛ kʋ̃ɔ paal'a pàw bɛ.

2 Bibie za yel-manɩ 20:23

A Amɔ̃ tẽw dem nɩ Mowab tẽw dem tɩ tĩ na zɛbr'ɩ a Edɔm tẽw nɩbɛ, ɛ́ kʋ bɛ pàw pɛr. Bɛ na wa kʋ a Edɔm tẽw nɩbɛ baar'a, bɛ tɩ lɩɛb'a kʋrɛ taa.

Ezekɩɛl 26:16

A kʋ̃ɔ-kpɛ̃ɛ nʋɔr nɩbɛ na-mɩnɛ na siw nɩ a bɛ naalʋ-dà-kɔwr zu, bɛ na yaa nɩ a bɛ bʋ̃-suur-vɩɛlɩ vɩɛlɩ nɩ a bɛ kpar-mawrɩ bɛr. Bɛ na ɩ n dɛ̃bɩ̃ɛ tɛwr, ɛ́ bɛ na zɩ̃ n tẽsɔw. Bɛ kʋ̃ bɛr a mawfʋ ɛ, ɛ́ pʋl-vʋ̃ɔ na tɛr bɛ nɩ yaga za a fʋ zũú.

Ezekɩɛl 38:21

A ɩ̃ tan za zu a, ɩ̃ na zɛb'ɩ fʋ na, Gɔgɩ i, a mãa Sore Naaŋmɩn n'ʋ yere. A fʋ sojarɩ na lɛb'a ŋmɛlɩ kʋ taa.

Amɔsɩ 2:15

A tam-tɛbrɛ kʋ̃ cãà ɩ, a sob nɛ na zɔrɛ bɛ wone a kʋ̃ cɩ̃ɛ ɩ, lãwnɩ a wur-zɔmnɛ.

Mise 7:16

Nɩ-bʋʋr-yoru na nyɛ̃ a na, ɛ́ vĩ kpɛ bɛ, bɛlɛ nɩ a bɛ fãw za bɛ na tɛr a. Nʋɔr na ɓãá bɛ na, bɛ bɛ tɛr ƴɛ̀rʋ ɛ, ɛ́ bãw kɛ́ ɩ won.

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.

2 Bibie za yel-manɩ 15:6

Tẽ-kpɛ̃ɛ ŋa mɩ́ tɩ ìr'a lo tẽ-kpɛ̃ɛ ŋa zu, tẽw ŋa ìr lo tẽw ŋa zu, bʋ̃ʋ n'ʋ vɛ̃, Naaŋmɩn tɩ dam bɛ na nɩ kpɩɛrʋ bʋʋrɛ bʋʋrɛ za.

Mise 5:9

A Sore yere na: «Bio waar'a na vɩɛ, ɩ̃ na kʋ a nyɩ wie pàw pɛr, ɛ́ ɩ a nyɩ zɛbr-torkori a bɔr.

Zakari 12:9

A Sore yere na: A lɛn daar a, ɩ̃ na ƴãw nɩ fãw kʋ a nɩ-bʋʋrɛ bɛl za na na wa wa zɛbr'ɩ a Zerizalɛm a pàw pɛr.