A naaŋmɩn-ƴɛ̀r-manɛ Aaze sɛbɛ 1:9 - A SƐB-SÕW

⁹ Nyɩ tɩ tɩɛrɛ na kɛ́ nyɩ na cɛ n yaga za, ɛ́ a wa ɩ pʋrɩlɛ. A pʋrɩ al nyɩ na kul'ɩ a, ɩ̃ pɛblɩ a na yaarɩ. Bʋnʋ ƴãw n'a? Ɩ̃ sowre nyɩ na, a mãa Sore Kpɛnʋ-za-sob. A ɩ̃ yir-kpɛ̃ɛ na lo gã, ɛ́ ŋa za mɩ́ su zu kaarɛ a ʋ yir zie a ƴãw n'a.

A naaŋmɩn-ƴɛ̀r-manɛ Aaze sɛbɛ 1:9 Referans Kwoze

A naaŋmɩn-ƴɛ̀r-manɛ Aaze sɛbɛ 1:4

A sɛw na kɛ́ nyɩ kpɩɛr a nyɩ yir-vɩɛlɩ vɩɛlɩ, ɛ́ a ɩ̃ yir lo gã ʋ?

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.

A naaŋmɩn-ƴɛ̀r-manɛ Aaze sɛbɛ 1:6

Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!

Ɩzayi 40:7

A mʋ̃ɔ mɩ́ ko na, a va-puuru mɩ́ var'a, a Sore sɛsɛb wa fu ŋmɛ a a. — Sɩza n'a, a nɩsaalbɛ bɛ tɛr tʋɔr mɛ̃ a mʋ̃ɔ a ɩ—.

Yel-wula 2:4

Ɛcɛ, ɩ̃ yere fʋ na: fʋ na bɛ cãà nɔnɛ mɛ̃ mɛ̃ a pɛr-tib daar a.

A Zɔb sɛbɛ 10:2

Ɩ̃ na yel'ɩ a Naaŋmɩn: ta ɩrɛ mɛ̃ mɛ̃ sãwna sob a ɩ, wul mɛ̃ a bom nɛ ɩ̃ na ɩ sãw fʋ a.

2 Na-mɩnɛ 19:7

A bɛ nãà na wõ n yel. Lɛ n'a mãa mɩŋa na ƴãw ʋ a tɩɛrʋ k'ʋʋ lɛb kul a ʋ tẽw. Be n'a ɩ̃ na tɩ ƴãw bɛ kʋ ʋ.”»

2 Samɩɛl 22:16

Sore e, a fʋ tanʋ nɩ a fʋ suur sɛsɛb, tɩ ɩ na a kʋ̃ɔ-kpɛ̃ɛ pɛr sãá, a tẽsɔw-kɔbr pɛr sãá.

2 Samɩɛl 21:1

A Daviir naalʋ-dɩb daar, kɔ̃ tɩ lo n yome ata tu taa. A Daviir tɩ sowr'ɩ a Sore, ʋ sɔw ʋ à ŋá: «A Sawul nɩ a ʋ yir dem nɩ-kʋ yele n'a so, bɛ na kʋ a Gabaɔ̃ tẽw dem a ƴãw.»

Zʋkpaɩ 27:20

A kpɩmɛ tẽw nɩ a bɔw-zulu bɛ tɛr sɛwfʋ ɛ, lɛ mɩ̀ n'a a nɩsaal mimie mɩ̀ kʋ̃ tʋ̃ɔ́ tɩw ɛ.

Ekilezɩasɩ 1:8

A ƴɛ̀r-bie za kor'a, a bɛ cãà tɛr yelu ɛ: a mimir bɛ dãw nyɛ̃ sɛw ɛ, a tobr bɛ dãw wõ a man ɛ.

Ezekɩɛl 21:31

À ŋá n'a a mãa Sore Naaŋmɩn yere: Fʋ kʋ̃ cãà tɛr a fʋ naalʋ bãwfʋ ɛ, bɛ na vɔw nɩ a fʋ naalʋ-kpawʋɔ. A yele lɩɛb'a! Bɛ na zɛw nɩ a nɩ-bɛ-tɛr-yée ɛ́ siwri a nɩ-yée.

Levitɩ mɩnɛ 19:25

Nyɩ na tʋ̃ɔ́ na dɩrɛ a wɔmɛ a yome anũu sob. À ŋá n'a a nyɩ bʋ̃-dieri na dɔwlɛ cere. Mãa n'ɩ a Sore nyɩ Naaŋmɩn.»

Wulu-ayi-sob 28:38

Nyɩ na mɩ́ bʋ̀r'ɩ a nyɩ póru yaga, ɛ́ wa cɛ̀ a bɛ saalɩ ɛ, a sãsoge na na mɩ́ 'wɔb a za a ƴãw.

Zʋkpaɩ 11:24

Bɛ mɩnɛ mɩ́ tɩrɛ nɩ yaga ɛ́ kpɩɛr naalʋ dɔwlɛ, ɛ́ bɛ mɩnɛ gbɔbr bine yaga zuo ɛ́ lɩɛbɛ nan dem.

Ɩzayi 5:10

Ɛtaar ata divɛ̃ tɩɩr púo wɔmɛ divɛ̃ kʋ̃ mɩ́ ta litɩr lɩz'a ayi nɩ pie ɩ. Ɛ́ nɩr wa bʋ̀r kilo kʋba ble a, ʋ na cɛ n kilo pie tɛwr.»

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.