Habakukɩ 1:8 - A SƐB-SÕW

⁸ A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Habakukɩ 1:8 Referans Kwoze

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

Ezekɩɛl 17:3

Yel kʋ̀ bɛ k'aa mãa Sore Naaŋmɩn n'ʋ suole suolu kʋ̀rɛ bɛ. Ʋlɛ n'ɩ ŋa: “Sɩl-kpɛ̃ɛ kpɛ̃ɛ tɩ be n be tɛr pɩw-yɛlsɩ, kɔbl-wowr a sãáfʋ bʋʋrɛ na yãwmɛ a. Ʋ tɩ ƴaw na tɩ ta a Libã tan ƴãw. Ʋ tɩ ka n sɛɛdɩr tɩɛ yã.

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Luka 17:37

A po-tuurbɛ tɩ de nɩ a ƴɛ̀rʋ sowr'ʋ: «Nyɩnɛ n'a à á ŋá za na ɩ, Sore e?» Ʋ tɩ sɔw bɛ na: «A be a bʋ̃-kũu na na be a, be n'a a sidume mɩ̀ na gbone taa.»

Matie 24:28

Be a bʋ̃-kũu na be a, be n'a a sidume na ɓã taa.»

Ezekɩɛl 17:12

«Sowri a nɩ-gaarɩ bɛ ŋa nyɛ̃ bɛlɛ bɛ wa bãw a zʋkpar ŋa pɛr a. Lɛb sɩ̃w a bɛ tɩɛrʋ à ŋá: A Babɩlɔn tẽw nãà kpɛ n a Zerizalɛm, ʋ nyɔw nɩ a nãà nɩ a nɩ-bɛrɛ cen nɩ a Babɩlɔn tẽw.

A Lãw-mʋɔlɛ 4:19

A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

A Zɔb sɛbɛ 9:26

a tɔl'a mɛ̃ bàa-kɛkɛɛ gbor-kpɛ̃ɛ na tʋ̃ɔ̀nɛ kʋ̃ɔ zu a, a tɔl'a mɛ̃ sɩla na siw fĩi ʋ nɛn ƴãw a.

Ɩzayi 11:14

Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

Zeremi 48:40

À ŋá n'a a Sore yere: «A ɩ na mɛ̃ sidum yɛ̀r'ɩ a ʋ pɩgɛ laarɛ nɩ a Mowab tẽw zu-sɔw a.»

Zeremi 50:42

A bɛ zɛbr-nɩbɛ tɛrɩ tamɛ nɩ kafine, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ gɔmɛ a. Bɛ zɔm'ɩ wie, bɛ pɩɛrɩ na tu taa vla vla kɛ́ bɛ zɛb'ɩ fʋ, Babɩlɔn i.

Ezekɩɛl 26:11

Bɛ na nɛb'ɩ a fʋ sɛ́ɛ tẽsɔw ɓuoli nɩ a bɛ wie gbɛ-nafɩlɛ, bɛ na kʋ n a bɛlɩ dem na kpɩɛr a fʋ pʋɔ a nɩ zɛbr-sɔ-kpɛ̃ɛ, ɛ́ ɩ a fʋ kpul-kpɛn kpɛn lo tẽw.

Nahum 2:5

A zɛbr-torkori ŋmʋrɛ nɩ a zɛbr ƴãw, a sɛ́ɛ pʋɔ nɩ a nɩbɛ tuor-taa ziir, mɛ̃ dʋn na fʋʋrɛ a. A ɩ na mɛ̃ mɔ̃-'lena vũuni a, ɛ́ pawr mɛ̃ saa na mɩ́ nyɩwrɩ a.