Galasi 6:10 - A SƐB-SÕW

¹⁰ A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.

Galasi 6:10 Referans Kwoze

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

Zʋkpaɩ 3:27

Ta zawrɩ nɩr a na fɛrɛ a maalʋ ɛ, fʋ̃ʋ na na tʋ̃ɔ́ maal'ʋ a.

1 Tesalonikɩ 5:15

Nyɩ gù vla nɩr za taa mɩ́ wa maalɛ faa yaarɛ nɩ a faa san ɛ. Ɛcɛ nyɩ nɩ̃ɛ mɩ́ ƴãw fãw maalɛ a vla kʋralɛ, a nyɩ cara pʋɔ nɩ a nɩbɛ za zie.

Títɩ̀ 3:8

A ƴɛ̀rʋ ŋa ɩ n sɩza. Ɩ̃ bɔbr'a kɛ́ fʋ ƴɛ̀r gb'a a yaga a yele á ŋá ƴãw, k'aa bɛlɩ dem za na sàw de a Naaŋmɩn a, bɛ ƴãw fãw ɩrɛ vla dɔwlɛ a bɛ ɩ-vɩɛlɩ pʋɔ. À ŋá n'a vɩɛl ɛ́ tɛr yel-ɩra a nɩsaalbɛ zie.

Matie 25:40

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Efɛɛzɩ 2:19

A na ɩ à ŋá a, a nyɩɩm nɩ-bʋʋr-yoru bɛ cãà ɩ nɩ-sãanbɛ nɩ nʋʋrɩ ɛ, nyɩ ɩ n a Naaŋmɩn nɩ-bʋʋrɛ tẽ-bi-taabɛ, nyɩ pʋɔ nɩ a ʋ yir nɩbɛ pʋɔ.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Zã 9:4

A zie na cãà nyɛrɛ a, a fɛr'a kɛ́ tɩ tone a sob nɛ na tõ m a tome. A zie sɔbr'a, nɩr na kʋ̃ tʋ̃ɔ́ tõ ton a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Filib 4:10

A ɩ m'ɩ nʋ̃ɔ̀ yaga za ɩ̃ na lãw nɩ a Sore a. Bʋ̃ʋ n'ʋ vɛ̃, nyɩ ɩ n a tɩɛrʋ nyɩ na tɛr a ɩ̃ ƴãw a ʋ pãa lɛb sãá. Sɩza, nyɩ tɛr'ɩ a ɩ̃ tɩɛrʋ, ɛcɛ vuo n'ʋ nyɩ bɛ tɩ nyɛ̃ na ɩ ʋ sãá ɩ.

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

3 Zã 1:11

Ɩ̃ bá-nɔna a, ta cɔwrɛ a yel-faa ɩ, cɔwrɛ a yel-vla. Sob nɛ na ɩrɛ vla a ɩ n Naaŋmɩn nɩ-sora, ɛ́ sob nɛ na maalɛ faa a bɛ bãw a Naaŋmɩn ɛ.

Kɔlɔsɩ 4:5

Nyɩ ɩrɛ a yẽw dem zie nɩ yã-bãwfʋ, nyɩ taa bɛrɛ vo-vla za ʋ tɔlɛ ɩ.

Efɛɛzɩ 5:16

na tɛr maal-ɩb a vuo ŋa pʋɔ a. A dɩ̃a zie ŋa sɩrɩ bɛ vɩɛl ɛ.

1 Zã 5:1

Nɩr za na sàw de k'aa Yeezu ɩ n a Kɩrɩta a ɩ n Naaŋmɩn bʋ̃-dɔwra. Ɛ́ sob nɛ za na nɔnɛ a dɔwrɛ a mɩ̀ mɩ́ nɔnɛ nɩ a ʋ bʋ̃-dɔwra.

Sɛb-sõw yielu 37:27

Dɛrɛ a faa, ɛ́ maalɛ a vla, ɛ́ fʋ na tɛr'ɩ kpɛb zie kʋralɛ,

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Markɩ 3:4

Al pùorí ʋ yel bɛ: «Sɔ́r be n be kɛ́ bɛ maalɩ yel-vla bɩɩ bɛ maalɩ yel-faa a pɩ̃ɛnʋ-bibir ɩ? Bɛ́ faa nɩr bɩɩ bɛ kʋ ʋ?» Ɛcɛ bɛ tɩ zɩ̃ n gbili.

Efɛɛzɩ 3:15

ʋl zie dɔwlʋ za na yi, a salom zu nɩ a tẽw zu ka a.

Matie 5:43

«Nyɩ wõ na kɛ́ bɛ tɩ yel'a: “Fʋ na nɔnɛ nɩ a fʋ tɔ sob, ɛ́ hɩ̃ɛn a fʋ dɔ̃ sob.”

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Matie 10:25

A po-tuure wa ŋmɛ̃ mɛ̃ a ʋ zu-sob a, a sɛw ʋ na, a tõ-tõ-bie wa ŋmɛ̃ mɛ̃ a ʋ tõ-tõ-nɩ-kpɛ̃ɛ a, a sɛw ʋ na. Bɛ nɩ̃ɛ na bʋɔlɩ a yir sob Bɛlɩzebul, ɛ́ bɛ nãà yere a yir biir i!»

Ekilezɩasɩ 3:12

Ɩ̃ bãwnɩ a na kɛ́ bʋ̃-vla za bɛ ka a nɩsaal ƴãw, a bɛ ɩ k'ʋʋ cɩlɛ ɛ́ páwr a ʋ nʋ̃ɔ̀ a ʋ nyɔ-vʋʋrʋ daar ɛ.

Nɩ-toni 6:7

A Sore ƴɛ̀rʋ tɩ yaarɛ nɩ a ziir za, a po-tuurbɛ nʋɔr mɩ̀ tɩ kɛrɛ nɩ yaga za a Zerizalɛm. A Zifʋ mɩnɛ bàwr-maalbɛ yaga yaga tɩ sàwr'a dier a Yeezu yele.

Galasi 1:23

Wob tɛwr'a bɛ tɩ wõ bɛ yere kɛ́: «A sob nɛ na tɩ dãw dɔwrɛ tɩ a, a ƴɛrɛŋa a, ʋ manɛ nɩ a naaŋmɩn-sàw-deb ʋ na tɩ ɩrɛ k'ʋʋ lo a.»

Efɛɛzɩ 4:28

Sob nɛ na tɩ dãw zure a, ʋ bɛr a nyãnyuwlu ɛ́ nɩ̃ɛ ƴãw fãw tone nɩ a ʋ nuru, mɛ̃ a lɛ a na sɛw a, tʋ̃ɔ́ mɩ́ páw bom ɩ kʋ̀ sob nɛ na bɛ tɛr a.

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

3 Zã 1:3

Nʋ̃ɔ̀ kpɛ m'ɩ yaga za, bʋ̃ʋ n'ʋ vɛ̃, yɛbr ta n a ka dɩ a yel-mɩŋa na sãá a fʋ nyɔ-vʋʋrʋ pʋɔ a dãsɩɛ: a fʋ̃ʋ a, fʋ vʋʋrɛ nɩ a yel-mɩŋa cãà pʋɔ.

3 Zã 1:10

Lɛ so mãa wa tɩ wa a lɛn daar a, ɩ̃ na wo n a ʋ ɩ-faar za, ʋl na mɩ́ bul ƴɛ̀r-faar tɛwr ƴɛ̀rɛ cáarɛ nɩ tɩ a. Ɛcɛ a za cãà bɛ n'a ɩ, a ʋl tɔr za bɛ mɩ́ sàw de a yɛbr a sãanʋ ɛ, ɛ́ a bɛlɩ dem na mɩ́ bɔbr kɛ́ bɛ nãá de bɛ a sãanʋ a, ʋ bɛ mɩ́ sàwr ɛ, ɛ́ diwr bɛ bɛrɛ a Lãw-yir pʋɔ.

2 Korɛ̃tɩ 2:8

Alɛ so ɩ̃ zɛlɛ nyɩ kɛ́ nyɩ wul nɔ̃wfʋ ɩb a ʋ zie.