Galasi 5:11 - A SƐB-SÕW

¹¹ Mãa ƴãw a, yɛbr i, mãa tɩ ɩ mɛ̃ ɩ̃ cãà na kanɛ k'aa fɛr'a kɛ́ bɛ mɩ́ ŋmãa a yʋ̀ɔr a, bʋ̃ʋ ƴãw n'a bɛ nãá cãà dɔwrɛ mɛ̃? A lɛ pʋɔ a, a Kɩrɩta da-gara zu kũu ƴɛ̀rʋ kʋ̃ʋ damnɛ nɩr za ɩ.

Galasi 5:11 Referans Kwoze

1 Korɛ̃tɩ 1:23

Ɛcɛ tɩɩm a, Kɩrɩta bɛ na kpa da-gara zu a n'ʋ tɩ hiere: ʋ ɩ n yel-faa na bɛ sɛw taa nɩ a, a Zifʋ mɩnɛ zie, ɛ́ ɩ gẽgemi a nɩ-bʋʋr-yoru zie.

Galasi 6:12

A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ.

Galasi 4:29

Ɛcɛ mɛ̃ a lɛ a koro za, a bie ʋl na tɩ dɔw a dɔwfʋ tu nɩsaal dɔwfʋ a na tɩ dɔwrɛ a bie ʋl na dɔw a tu Vʋʋrʋ Sõw a, lɛ n'a a mɩ̀ cãà ŋmɛ̃ a ƴɛrɛŋa.

Galasi 2:3

Ɛcɛ a Títɩ̀ na bɩɛlɛ mɛ̃, ɛ́ ɩ Gɩrɛkɩ a, bɛ bɛ tɩ fɛr ʋ k'ʋʋ ɩ bɛ ŋmãa a ʋ yʋ̀ɔr ɛ,

1 Korɛ̃tɩ 15:30

Ɛ́ a tɩɩm tɛɛ za, bʋ̃ʋ so a kũu mɩ́ jɩɛrɛ tɩ kʋralɛ.

Nɩ-toni 21:21

Ɛcɛ bɛ wone nɩ a lɛ a nɩbɛ na ƴɛ̀rɛ a fʋ ƴãw a: a nɩbɛ yere na kɛ́ fʋ wule nɩ a Zifʋ mɩnɛ na kpɩɛr a nɩ-bʋʋr-yoru pʋɔ a, kɛ́ bɛ ta tuur a Wulu a Moyiir na ƴãw a ɩ, kɛ́ fʋ cãà na mɩ̀ lɛb yere kʋ̀rɛ bɛ kɛ́ bɛ ta ŋmarɛ a bɛ bibiir yɛɛ ɩ, ɛ́ mɩ̀ ta tuur a Zifʋ mɩnɛ ɩ-ɩrɩ ɛ.

Galasi 6:17

Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

Nɩ-toni 21:28

Bɛ tɩ cɩɩrɛ na yere nɩ: «Ɩsɩrayɛl biir i, nyɩ wa faa tɩ! Nyɩ nyɛ̃ ʋ! A nɩr ŋa wule nɩ a nɩbɛ a ziir za kɛ́ bɛ hɩ̃ɛn a tɩ nɩ-bʋʋrɛ nɩ a tɩ zi-sõw ŋa, kɛ́ bɛ ta tuur a Wulu a Moyiir na ƴãw kʋ̀ tɩ a ɩ. Ʋ sʋ̃ɔm'a bul tɛr Gɩrɛkɩ mɩnɛ kpɛ n a Ŋmɩn-yir-kpɛ̃ɛ pʋɔ, dɛw nɩ a zi-sõw ŋa bɛr.»

Nɩ-toni 16:3

A Pol tɩ bɔbr'a k'ʋʋ tɛr ʋ cen nɩ, lɛ n'a ʋ tɩ de ʋ ŋmãa a yʋ̀ɔr, a Zifʋ mɩnɛ na tɩ kpɩɛr a alɩ voru nɛ pʋɔ a ƴãw. Bʋ̃ʋ n'ʋ vɛ̃, bɛ za tɩ bãwnɩ a na a ʋ sãà na ɩ Gɩrɛkɩ a.

Ɩzayi 8:14

Ʋ na ɩ n zi-sõw, kʋsɩɛr ƴãw bɛ na ŋmɩɛr gbɛ́ɛ a, pìir kʋsɩɛr na ɩrɛ bɛ lore a, a Ɩsɩrayɛl yie a za ayi ƴãw. Ʋ na ɩ n mɩ̃ɛ nɩ bɛra a Zerizalɛm tẽw dem ƴãw.

Galasi 3:1

'Woi Galasi tẽw dãbole bɛ ŋan i! Ãa n'ʋ ɩ a ʋ sɔ-ɩb nyɔw nɩ nyɩ? Nyɩɩm na wõ a Yeezu Kɩrɩta yele vla, a ɩ mɛ̃ a nyɩ mimié n'a bɛ kpa ʋ a da-gara zu a!