Galasi 5:10 - A SƐB-SÕW

¹⁰ Mãa a, a Sore ɩ na ɩ̃ bɛr tɩɛrʋ a nyɩ ƴãw: ɩ̃ bãwnɩ a na nyɩ na kʋ̃ tɩɛrɛ bʋ̃-yoru a. Ɛcɛ a sob nɛ na ƴãwnɛ a damnʋ a nyɩ pʋɔ a na páw nɩ dɔwrʋ, ʋlɛ saa ŋmɛ̃ ŋmɩŋmɩn a.

Galasi 5:10 Referans Kwoze

Galasi 5:12

A bɛlɩ dem na ƴãwnɛ a damnʋ a nyɩ pʋɔ a, bɛ nãá mɩ́ tɛr lɛɛɛ tɩ ír a bɛ lamɛ mɩ̀.

Filib 3:15

A na ɩ à ŋá a, tɩɩm za na bɩ nɩbɛ baarɩ a Kɩrɩta sɔ́r pʋɔ a, tɩ ɩrɛ à à ŋá, ɛ́ yel kãw ƴãw nyɩmɛ bɛ wa ɩrɛ à à ŋá a, Naaŋmɩn na cãà na caalɩ a nyɩ yã a al ƴãw.

Galasi 1:7

A bɛ kaar mɛ̃ Yel-nʋ̃ɔ̀ kãw lɛb'a be be ɩ, ɛcɛ nɩbɛ bɛ mɩnɛ kãw nɛbɛ be be damnɛ nyɩ, ɛ́ bɔbr kɛ́ bɛ lɩɛbɩ a Kɩrɩta Yel-nʋ̃ɔ̀.

2 Korɛ̃tɩ 2:3

Alɛ so ɩ̃ sɛb nyɩ à à ŋá, k'aa bɛlɩ dem nãá tɩ ƴãw mɛ̃ nʋ̃ɔ̀ a, bɛ ta ɩ pʋ-sãwna tɛr mɛ̃ a lɛn daar ɩ̃ nãà ta a nyɩ zie a ɩ. A nyɩɩm ƴãw a, ɩ̃ bɛ bʋ́nɛ ɩ, a ɩ̃ nʋ̃ɔ̀ mɩ̀ na ɩ n a nyɩ za dem.

1 Timote 1:20

Imene nɩ Alɛsãdɩr pʋɔ nɩ a nɩbɛ bɛ ŋa pʋɔ. Ɩ̃ de bɛ na ƴãw Sɩtaana nuru pʋɔ kɛ́ bɛ zànɩ yã, taa lɛb tʋʋr Naaŋmɩn zʋm ɛ.

Galasi 6:17

Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.

Galasi 4:17

Bɛ mɩnɛ kãw mĩine nɩ a nyɩ ƴãw, ɛcɛ a bɛ tɩɛrʋ bɛ vɩɛl ɛ. Bom nɛ bɛ na bɔbr a n'ɩ kɛ́ bɛ bʋ́r mãa nɩ a nyɩɩm, nyɩ tʋ̃ɔ́ mĩine a bɛ ƴãw.

Galasi 3:1

'Woi Galasi tẽw dãbole bɛ ŋan i! Ãa n'ʋ ɩ a ʋ sɔ-ɩb nyɔw nɩ nyɩ? Nyɩɩm na wõ a Yeezu Kɩrɩta yele vla, a ɩ mɛ̃ a nyɩ mimié n'a bɛ kpa ʋ a da-gara zu a!

Galasi 2:6

Ɛcɛ a nɩ-bɛrɛ ƴãw a, — bɛlɩ nɩbɛ nɛ bʋʋrɛ bɛ na tɩ ɩ a lɛn daar a, ɩ̃ bɛ cɛlɛ a ɩ, bʋ̃ʋ n'ʋ vɛ̃, Naaŋmɩn bɛ jɩ́rɛ nɩr niwn ɛ — a nɩ-bɛrɛ bɛ ŋa bɛ tɩ ƴãw mɛ̃ fɛrʋ kãw dɔwlɩ ɛ.

Galasi 2:4

yɛb-bɛlɛbɛlɛ bɛ mɩnɛ kãw na saa tɩ kpɛ jɛr a tɩ pʋɔ, ɛ́ bɔbr kɛ́ bɛ ŋmãa ʋ a yʋ̀ɔr a. A nɩbɛ bɛ ŋa tɩ sɔwl'a kpɛ a tɩ pʋɔ, kɛ́ bɛ piwre a só-tɩ-tʋɔra tɩ na páw a Yeezu Kɩrɩta zie a, ɛ́ lɛb tɛr tɩ tɩ ƴãw a Naaŋmɩn wulu sàwfʋ gbãgbaalʋ pʋɔ.

2 Korɛ̃tɩ 10:6

Ɛ́ nyɩmɛ dɛ wa sàwr nʋɔr tɩ ɓɩɩlɩ a, tɩ cɔbr'a baarɩ gù kɛ́ tɩ dɔwrɩ nʋɔr-zawrʋ za.

1 Korɛ̃tɩ 5:5

nyɩ de a nɩr ŋa tɔ ƴãw Sɩtaana nũú a ʋ ƴã-gan kũu ƴãw, k'aa ʋ sɩ́ɛ páw a faafʋ a Sore waa bibir.

Nɩ-toni 15:24

Tɩ wõ na k'aa tɩ nɩbɛ bɛ mɩnɛ, tɩ na bɛ tõ a, wa na wa ƴãw bʋnʋ a nyɩ zie, ɛ́ dam a nyɩ tɩɛrʋ nɩ a bɛ ƴɛ̀rʋ.

Filemɔ̃ 1:21

Ɩ̃ na bãwnɩ a fʋ nʋɔr-sàwfʋ a n'a ɩ̃ sɛbr fʋ, ɩ̃ɩ mɩ̀ bãwnɩ a na fʋ na na maalɩ zuo a lɛ ɩ̃ na yere a.

2 Tesalonikɩ 3:4

A nyɩɩm ƴãw a, tɩ ɓãá nɩ ƴãw bɛr tɩɛrʋ a Sore zie: bom nɛ za tɩ na mɩ́ yel kɛ́ nyɩ maalɩ a, nyɩ mɩ́ maal'a, ɛ́ na cãà maalɛ.

Galasi 4:20

Bʋ̃ʋ pãa ɩ ɩ̃ bɛ be a nyɩ zie a ƴɛrɛŋa a! Ɩ̃ nãá ƴɛ̀r'a gaalɩ a kɔkɔr. Bʋ̃ʋ n'ʋ vɛ̃, ɩ̃ bɛ mɩ́ bãw a lɛ ɩ̃ na na ɩ a nyɩ zie a ɩ.

Galasi 4:11

Nyɩ ɩ na ɩ̃ zɔrɛ dɛ̃bɩ̃ɛ ɩ̃ nãà wa bàl ɩ̃ tʋɔra a nyɩ ƴãw zawlalɛ a.

2 Korɛ̃tɩ 13:10

Alɛ n'a so ɩ̃ zãá nɩ nyɩ ɛ́ sɛbr nyɩ a yel ŋa. Ɩ̃ bɛ bɔbr k'ɩ̃ɩ wa ta mʋ̃ɔ mimir ƴãw nyɩ ɛ, mɛ̃ a lɛ a Sore na kʋ̀ m a fãw a ɩ. A nyɩ maalʋ ƴãw n'a ʋ kʋ̀ m a fãw ŋa, a nyɩ loba ƴãw bɛ n'a ɩ.

2 Korɛ̃tɩ 10:2

ɩ̃ zɛlɛ nyɩ na, nyɩ ta sàw ɩ̃ wa wul nyɩ k'ɩ̃ɩ kpɛ n pʋra mãa wa wa a nyɩ zie a ɩ. Bʋ̃ʋ n'ʋ vɛ̃, ɩ̃ bɛ tɩɛr k'ɩ̃ɩ na bɛr'ɩ a bɛlɩ dem na yere k'aa tɩ ɩ-ɩrɩ tu n nɩsaalʋ tɛwr a ɩ.

2 Korɛ̃tɩ 8:22

Tɩ tone nɩ a tɩ yɛb lãwnɩ bɛ. Gb'a a ŋmɩn za, tɩ ɩ ʋ na kaa, ʋʋ wul ʋ na tʋlɛ a tome ƴãw a. Ƴɛrɛŋa a, ʋ tʋlɛ nɩ a tome ƴãw zuo lɛ, ʋ na de a nyɩ yele yaga za a ƴãw.

2 Korɛ̃tɩ 7:16

Ɩ̃ cɩlɛ na ɩ̃ na na tʋ̃ɔ́ bɛr tɩɛrʋ a nyɩ ƴãw a yele za pʋɔ a.

2 Korɛ̃tɩ 5:16

Lɛ n'a so tɩ bɛ cãà bãw nɩr za nɩsaalʋ bãwfʋ tɛwr ɛ. Tɩmɛ saa tɩ dãw bãw a Kɩrɩta nɩsaalʋ bãwfʋ a, ƴɛrɛŋa a, tɩ bɛ cãà bãw ʋ a lɛ ɩ.

2 Korɛ̃tɩ 2:6

A nyɩ yaga zie wa yel k'aa nɩr ŋa tɔ sãw na a, a man ʋ na.

2 Korɛ̃tɩ 1:15

A tɩɛrʋ ŋa na bɛ bʋ́nɛ a zũú n'a, ɩ̃ tɩ de niwn yel k'ɩ̃ɩ na wa n a nyɩ zie wa ɩ nyɩ páw maalʋ gb'a ayi dɔwlɩ,

Galasi 5:7

Nyɩ tɩ tĩ na zɔrɛ vla za! Ãa n'ʋ wa piw nyɩ a sɔ́r, bɛ bɔbr kɛ́ nyɩ tuur a yel-mɩŋa?