Galasi 3:23 - A SƐB-SÕW

²³ A naaŋmɩn-sàw-deb na bɛ tɩ wa sɛr a, a Naaŋmɩn wulu tɩ tɛr tɩ nɩ a ʋ gaso pʋɔ gùre nɩ a naaŋmɩn-sàw-deb bɛ nãà wa wul ʋ sãá a.

Galasi 3:23 Referans Kwoze

Galasi 5:18

A Vʋʋrʋ Sõw wa n'ʋ wule nyɩ a, a Moyiir wulu bɛ cãà fɛrɛ nyɩ ɛ.

Galasi 3:19

A na ɩ à ŋá a, a Naaŋmɩn wulu yel-ɩra tɩ n'ɩ bo? Bɛ ƴãw ʋ na dɔwlɩ k'ʋʋ tʋ̃ɔ́ mɩ́ wul a nʋɔr-zawrʋ ɩ-ɩrɩ a sãá, gùre nɩ a Abraham bʋ̃-dɔwra ʋl bɛ na ƴãw a maalʋ nʋɔr kʋ̀ a. Malkɩ mɩnɛ nɛbɛ tu lɔ̃lʋɔrɛ ƴãw a Wulu ŋa.

Ʋrɔm 11:32

Bʋ̃ʋ n'ʋ vɛ̃, Naaŋmɩn pàw nɩ a nɩsaalbɛ za a nʋɔr-zawrʋ gaso pʋɔ, k'ʋʋ tʋ̃ɔ́ wul bɛ za a ʋ su-ɓaarʋ.

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 11:13

A sàw-deb'ʋ a nɩbɛ bɛ ŋa za tɩ tɛr kpi n, ɛ́ bɛ páw a bome a Naaŋmɩn na yel k'ʋʋ na kʋ̀ bɛ na ɩ, ɛcɛ bɛ tɩ cãà na zãá ɛ́ nyɛ̃ a, ɛ́ puor'a, ɛ́ sàw kɛ́ bɛ ɩ n nʋʋrɩ nɩ sɔr-tɔlbɛ a tẽw zu.

Galasi 4:21

Nyɩɩm na bɔbr k'aa Wulu so nyɩ a, nyɩ bɛ wone a lɛ a Wulu ŋa na yere a ɩ?

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.