Galasi 3:22 - A SƐB-SÕW

²² Ɛcɛ a Sɛb-sõw yel a k'aa yel-bier fãw so nɩ a tẽ-daa za, k'aa maalʋ a Naaŋmɩn na yel k'ʋʋ na tɩr'a a, tʋ̃ɔ́ ta a bɛlɩ dem na sàw de a, bɛ na sàw de a Yeezu Kɩrɩta a zũú.

Galasi 3:22 Referans Kwoze

Ʋrɔm 11:32

Bʋ̃ʋ n'ʋ vɛ̃, Naaŋmɩn pàw nɩ a nɩsaalbɛ za a nʋɔr-zawrʋ gaso pʋɔ, k'ʋʋ tʋ̃ɔ́ wul bɛ za a ʋ su-ɓaarʋ.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.

Galasi 3:23

A naaŋmɩn-sàw-deb na bɛ tɩ wa sɛr a, a Naaŋmɩn wulu tɩ tɛr tɩ nɩ a ʋ gaso pʋɔ gùre nɩ a naaŋmɩn-sàw-deb bɛ nãà wa wul ʋ sãá a.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

2 Pɩɛr 3:13

Mɛ̃ a lɛ a Naaŋmɩn na ƴãw a nʋɔr a, salom-paala nɩ tẽsɔw-paala pʋɔ mɩnʋ na be a, alɛ n'a tɩ gùre.

2 Pɩɛr 1:4

A ʋ yúor-vɩɛlʋ-danʋ nɩ a ʋ fãw ƴãw, tɩ páw nɩ a bome na vɩɛl bɛ tɛr tɔ ʋ na dãw ƴãw nʋɔr kɛ́ tɩ na páw na a. Ɛ́ a bʋ̃-vɩɛlɩ á ŋá ɩ na nyɩ pʋɔ a naaŋmɩnʋ pʋɔ ɛ́ yi zaa a faalʋ pʋɔ, a faalʋ a tɛra vʋla na guole a tẽ-daa zu a.

2 Timote 1:1

A mãa Pol Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, a tu a lɛ ʋ na yel k'ʋʋ na kʋ̀ tɩ nɩ a nyɔ-vʋʋrʋ a Kɩrɩta Yeezu ƴãw a,

Galasi 3:29

Ɛ́ a Kɩrɩta wa so nyɩ a, nyɩ ɩ n a Abraham bʋ̃-dɔwrɩ, ɛ́ nyɩ na páw nɩ a gbã-dɩ-bom a Naaŋmɩn na yel k'ʋʋ na tɩr'a a.

Ʋrɔm 10:9

A fʋ nʋɔr wa háa yel k'aa Yeezu n'ɩ a Sore a, ɛ́ fʋ̃ʋ wa sàw de nɩ fʋ pʋɔ za k'aa Naaŋmɩn ɩ na k'ʋ lɛb yi a kũuni pʋɔ a, fʋ na nyɛ̃ nɩ a faafʋ.

Ʋrɔm 5:12

Nɩ-been yõ, a Adama, ʋlɛ n'ʋ so a yel-bier wa a tẽ-daa zu, ɛ́ a yel-bier'ʋ wa n a kũu. Ɛ́ à à ŋá n'a a kũu lʋ̃ɔ a nɩsaalbɛ za, bɛ za na maalɩ a yel-bier a ƴãw.

Ʋrɔm 3:23

bɛ za nɛbɛ maalɩ a yel-bier, bɛ za nɛbɛ bɛ páw a Naaŋmɩn yúor-vɩɛlʋ-danʋ ɛ.

Nɩ-toni 16:31

Bɛ tɩ sɔw ʋ na: «Sàw de a Sore Yeezu ɛ́ fʋ na páw nɩ a faafʋ, fʋ̃ʋ nɩ a fʋ yir dem za.»

Zã 20:31

À á ŋá bɛ na sɛb ƴãw a, bɛ sɛb'a ƴãw kɛ́ nyɩ sàw de kɛ́ a Yeezu sɩrɩ na ɩ a Kɩrɩta, a Naaŋmɩn Bie, ɛ́ a nyɩ sàwfʋ zũú n'a nyɩ na páw a nyɔ-vʋʋrʋ a ʋ yúor ƴãw.

Zã 6:40

A ɩ̃ Sãà pʋ-tɩɛrʋ sɩrɩ n'ɩ ŋa: kɛ́ sob ŋa za na nyɛrɛ a Bie ɛ́ sàwr dier ʋ a, ʋ tɛr a nyɔ-vʋʋrʋ na be kʋralɛ a, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.»

Galasi 3:17

À ŋá n'a ɩ̃ bɔbr k'ɩ̃ɩ yel: Naaŋmɩn tɩ de nɩ niwn maalɩ Wõ-taa ɛ́ yel k'ʋʋ na maal'a tɛr ʋ. A Naaŋmɩn wulu na wa wa yome kɔbr anaar dɔwlɩ lɩzɛr'ɩ pie (430) pùorí a kʋ̃ tʋ̃ɔ́ sãw a wõ-taa bɛr ɛ́ ír a maalʋ nʋɔr a Naaŋmɩn na ƴãw a bɛr ɛ.

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ: