Galasi 3:18 - A SƐB-SÕW

¹⁸ Ɛcɛ, a gbã-dɩ-bom páwfʋ wa yi a Naaŋmɩn wulu sàwfʋ zie a, a bɛ cãà ɩ nʋɔr Naaŋmɩn na ƴãw a zũú n'a ɩ, ɛcɛ nʋɔr Naaŋmɩn na ƴãw a zũú n'a ʋ kʋ̀ a ʋ maalʋ a Abraham.

Galasi 3:18 Referans Kwoze

Galasi 2:21

Ɩ̃ bɛ zawrɛ a Naaŋmɩn maalʋ bɛrɛ ɩ, bʋ̃ʋ n'ʋ vɛ̃, alɛ wa ɩ a Wulu sàwfʋ zũú n'a a nɩsaal mɩ́ páw a mɩnʋ a Naaŋmɩn niŋé a, a Kɩrɩta kpi n zawlalɛ.

Sɛb-sõw yielu 105:42

Ʋ tɩ sɩrɩ na bãwnɩ a ʋ nɔ-sõw, ʋ na tɩ ƴɛ̀r a ʋ tõ-tõ-bie Abraham zie a.

Galasi 3:29

Ɛ́ a Kɩrɩta wa so nyɩ a, nyɩ ɩ n a Abraham bʋ̃-dɔwrɩ, ɛ́ nyɩ na páw nɩ a gbã-dɩ-bom a Naaŋmɩn na yel k'ʋʋ na tɩr'a a.

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Galasi 3:16

Ɛcɛ, a Abraham nɩ a ʋ bʋ̃-dɔwra nɛbɛ a Naaŋmɩn tɩ ƴãw a ʋ maalʋ nɛ́ɛ kʋ̀. A Sɛb-sõw bɛ yel kɛ́ nɩ a ʋ bʋ̃-dɔwrɩ ɛ, mɛ̃ nɩ-yaga nɛbɛ bɛ yere a ɩ, ʋ yel'a kɛ́: «Nɩ a fʋ bʋ̃-dɔwra», a wul kɛ́ nɩ-been yõ n'ʋ bɛ yere, a Kɩrɩta.

Galasi 3:12

Ɛcɛ a Naaŋmɩn wulu bɛ yi a naaŋmɩn-sàw-deb pʋɔ ɩ, bɛ nɩ̃ɛ na mɩ̀ cãà sɛb: «Sob nɛ na tuur a Wulu nɛ-ƴãwnɩ a, a na ɩ na ʋ vʋʋrɛ.»

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»