Galasi 3:17 - A SƐB-SÕW

¹⁷ À ŋá n'a ɩ̃ bɔbr k'ɩ̃ɩ yel: Naaŋmɩn tɩ de nɩ niwn maalɩ Wõ-taa ɛ́ yel k'ʋʋ na maal'a tɛr ʋ. A Naaŋmɩn wulu na wa wa yome kɔbr anaar dɔwlɩ lɩzɛr'ɩ pie (430) pùorí a kʋ̃ tʋ̃ɔ́ sãw a wõ-taa bɛr ɛ́ ír a maalʋ nʋɔr a Naaŋmɩn na ƴãw a bɛr ɛ.

Galasi 3:17 Referans Kwoze

Yele-za-pɛr-tib 15:13

A Sore tɩ yel ʋ na: «Bãwnɩ a vla a fʋ bʋʋrɛ na na ɩ nʋʋrɩ tẽw bɛ na bɛ so a pʋɔ a. Bɛ na ɩ n gbãgbaar a be, ɛ́ bɛ dɔwrɩ bɛ yome kɔbr anaar (400).

2 Korɛ̃tɩ 1:20

A maalʋ al za a Naaŋmɩn na yel k'ʋʋ na tɩr a a, a ʋ pʋɔ n'a a za «ʋ̃ʋ» be. A na ɩ lɛ a, a Yeezu Kɩrɩta n'ʋ so tɩ mɩ́ sɔw «Amɛn», a Naaŋmɩn yúor-vɩɛlʋ-danʋ ƴãw.

Ʋrɔm 3:3

Ɛ́ bʋnʋ? Bɛ mɩnɛ kãw wa lɛb pùor a bɛ naaŋmɩn-sàw-deb pʋɔ a, a bɛ pùor-lɛbrʋ na ɩ na a Naaŋmɩn mɩ̀ lɛb pùor bɩɩ?

Kɔlɔsɩ 2:4

Ɩ̃ yere nɩ à ŋá kɛ́ nɩr za ta tʋ̃ɔ́ bɛlɩ nyɩ nɩ nɔ-kãá ƴɛ̀rʋ ɛ.

Galasi 5:4

Nyɩɩm na bɔbr k'aa Wulu ɩ nyɩ ɩ nɩ-mɩn a, a baar'a nyɩɩm nɩ a Kɩrɩta cara pʋɔ, ɛ́ nyɩ mɩ̀ kʋ̃ lɛb páw a Naaŋmɩn maalʋ ɛ.

Galasi 3:15

Yɛbr i, ɩ̃ na de nɩ manʋ a nɩsaalbɛ ɩ-ɩrɩ pʋɔ: nɩr na maalɩ a ʋ kũu daar pʋ-tɩɛrʋ sɛbɛ mɛ̃ a lɛ a na tu sɔ́r a, nɩr kʋ̃ tʋ̃ɔ́ sãw a sɛbɛ ŋa bɛr bɩɩ ƴãw bom dɔwlɩ ɛ.

1 Korɛ̃tɩ 1:17

A Kɩrɩta bɛ tõ m k'ɩ̃ɩ tɩ tɩrɛ suob ɛ, ʋ tõ m'a k'ɩ̃ɩ tɩ hiere a Yel-nʋ̃ɔ̀, ɛ́ ta hiere ʋ tu n a ƴɛ̀r-bãw wa mab ɩ a Kɩrɩta da-gara zu kũu ɩ zawla ɩ.

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Ɩzayi 14:27

A Sore, a kpɛnʋ-za-sob, wa yel k'ʋʋ na ɩ n bom, ãa n'ʋ na ɩ a bɛ tʋ̃ɔ́? Ʋlɛ wa zɛw a nũu a, ãa n'ʋ na ɩ ʋ lɛb bɛr?

1 Pɩɛr 1:20

Ʋlɛ n'ʋ a Naaŋmɩn tɩ dãw bãwnɩ, ʋ na bɛ tɩ ír a tẽ-daa sɛr a, ɛ́ pãa wa wul ʋ sãá a nyɩɩm ƴãw, a vuo ŋa pʋɔ na ɩ a vo-pɛ-baara a.

Ebre 11:13

A sàw-deb'ʋ a nɩbɛ bɛ ŋa za tɩ tɛr kpi n, ɛ́ bɛ páw a bome a Naaŋmɩn na yel k'ʋʋ na kʋ̀ bɛ na ɩ, ɛcɛ bɛ tɩ cãà na zãá ɛ́ nyɛ̃ a, ɛ́ puor'a, ɛ́ sàw kɛ́ bɛ ɩ n nʋʋrɩ nɩ sɔr-tɔlbɛ a tẽw zu.

Ebre 7:18

A na ɩ à ŋá a, bɛ ír'ɩ a koro za tub na bɛ tɛr yel-ɩra, ɛ́ bɛ tɛr fãw na ɩ bom a bɛr.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

2 Korɛ̃tɩ 9:6

Nyɩ lɛb tɩɛrɩ a yel ŋa: Sob nɛ na bʋ̀r zaa pʋrɩ a, zaa pʋrɩlɛ n'a ʋ na cɛ, ɛ́ sob nɛ na bʋ̀r yaga a, yaga n'a ʋ na cɛ.

1 Korɛ̃tɩ 10:19

Bʋ̃ʋ n'ʋ ɩ̃ bɔbr k'ɩ̃ɩ yel? K'aa nɛn bɛ na kʋ ƴãw a tɩɩb ƴãw a, bɩɩ k'aa tɩɩb ɩ n bʋ̃-sɩza bɩɩ?

1 Korɛ̃tɩ 7:29

Yɛbr i, yel ŋa n'ʋ ɩ̃ bɔbr k'ɩ̃ɩ yel: a nɩdaar bɛ cãà zãá ɩ. Dɩ̃a na ta a, a pɔw-tɛrbɛ, bɛ ɩ mɛ̃ bɛ bɛ tɛr pɔwbɛ a,

1 Korɛ̃tɩ 1:12

Ɩ̃ manɩ nyɩ nyɛ̃: a nyɩ pʋɔ a, ŋa mɩ́ yel'a: «Pol so m», ŋa kɛ́: «Apɔlɔsɩ so m», ŋa yel kɛ́: «Pɩɛr so m», ɛ́ ŋa kɛ́: «Kɩrɩta so m».

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Nɩ-toni 7:6

A Naaŋmɩn tɩ yel ʋ na: “A fʋ bʋʋrɛ na zɩ̃ n tẽ-yoru pʋɔ, bɛ na ɩ na bɛ lɩɛbɩ gbãgbaar a be, bɛ dɔwrɩ bɛ yome kɔbr anaar (400).

Ɩzayi 28:18

Nyɩmɛ nɩ a kũu wõ-taa na sãw na, nyɩmɛ nɩ a kpɩmɛ tẽw nɔ-lãw kʋ̃ nyɔw ɛ. A bʋ̃-faa wa wa a, ʋ na tʋ̃ɔ́ nyɩ nɩ pelẽpelẽ.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

A Zɔb sɛbɛ 40:8

Fʋ bɔbr'a kɛ́ fʋ yel k'ɩ̃ɩ bɛ ɩ nɩ-mɩŋa ɩ? Fʋ bɔbr'a k'ɩ̃ɩ ɩ sãwna sob fʋ tʋ̃ɔ́ tɛr yel-mɩŋa a?

Sɔr-nɛ́ɛ 30:8

A sɩr wa wõ a a ʋlɩ bibir nɛ ɛ́ bɛ yel yel kʋ̀ ʋ a, a fɛrɛ ʋ na k'ʋʋ tu a ʋ nɛ́ɛ.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Yele-za-pɛr-tib 17:19

Ɛcɛ a Naaŋmɩn tɩ lɛb'a yel: «Lɛ bɛ n'a ɩ! A fʋ pɔw Saara na dɔw nɩ dɛble kʋ̀ b, fʋ por a yúor Ɩzaakɩ. Ɩ̃ na bin nɩ a ɩ̃ wõ-taa mãa nɩ a ʋl nɩ a ʋ bʋʋrɛ cara pʋɔ a ʋ pùorí. Ʋ na ɩ n wõ-taa na be kʋralɛ a.

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

Galasi 5:16

A na ɩ à ŋá a, yel ŋa n'ʋ ɩ̃ bɔbr k'ɩ̃ɩ yel kʋ̀ nyɩ: nyɩ bɛr a nyɩ nyɔ-vʋʋrʋ kʋ̀ a Vʋʋrʋ Sõw ɛ́ nyɩ kʋ̃ ɩrɛ a lɛ a nyɩ nɩsaalʋ na bɔbr a ɩ.

Sɛb-sõw yielu 105:9

A wõ-taa ʋ na maal'ɩ a Abraham a n'ʋ, a pɔb ʋ na pɔ a Ɩzaakɩ zie a n'ʋ.

Efɛɛzɩ 2:12

Nyɩ lɛb tɩɛrɩ bãwnɩ a k'aa lɛn daar nyɩ bɛ tɩ bãw a Kɩrɩta ɩ, bɛ bɛ tɩ sɔ́r nyɩ ƴãw a Ɩsɩrayɛl bʋʋrɛ pʋɔ ɩ, nyɩ tɩ ɩ n sãanbɛ a Wõ-taa ƴãw a Naaŋmɩn na ƴãw nʋɔr maal'ɩ a ʋ nɩ-bʋʋrɛ a, nyɩ bɛ tɩ ƴãw a nyɩ tɩɛrʋ bom kãw za ƴãw ɛ, ɛ́ bɛ tɛr Naaŋmɩn a tẽw zu ɛ.