Galasi 3:11 - A SƐB-SÕW

¹¹ A mɔ̃ mɩ̀ ɩ n cãà kɛ́ nɩr kʋ̃ tʋ̃ɔ́ ɩ nɩ-mɩŋa a Naaŋmɩn wulu sàwfʋ tɛwr zũú ɛ. Bʋ̃ʋ n'ʋ vɛ̃, bɛ sɛb'ɩ à ŋá: «Sob nɛ na ɩ nɩ-mɩŋa a sàw-deb zũú a, ʋ na vʋʋrɛ na.»

Galasi 3:11 Referans Kwoze

Habakukɩ 2:4

Sɛb yel: a tɩɛr-faa sob fãw siwre na, ɛcɛ a nɩ-mɩŋa vʋʋrɛ na ʋ na tu a Naaŋmɩn bɛ lɛb pùor a zũú.

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

Ebre 10:38

Ɛcɛ a Naaŋmɩn yere na: Sob nɛ na ɩ nɩ-mɩŋa a ɩ̃ zie a na vʋʋrɛ nɩ a sàw-deb zũú, ɛcɛ ʋlɛ wa lɛb pùor a, ɩ̃ pʋɔ kʋ̃ cãà pɛlɩ a ʋ ƴãw ɛ.»

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Ekilezɩasɩ 7:20

A tẽw zu a, nɩ-mɩŋa bɛ be be na tʋ̃ɔ́ maalɛ vla ɛ́ faa bɛ jɛr ɛ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Zakɩ 3:2

Tɩ za tule nɩ yaga za. Nɩr bɛ wa tule towtow a ʋ ƴɛ̀rʋ pʋɔ a, ʋ ɩ n nɩ-vla baarɩ, ʋ na tʋ̃ɔ́ na nyɔw ʋ mɩŋa.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Sɛb-sõw yielu 19:12

A fʋ tõ-tõ-bie mɩ́ de a na a caalɛ ʋ, a pùor-tub tɛr'ɩ tɔnɛ yaga a ʋ zie.

A Zɔb sɛbɛ 40:4

Ɩ̃ bɛ tɛr pɛr ɛ, bʋ̃ʋ n'ʋ ɩ̃ na sɔw fʋ? Ɩ̃ pàw nɩ a ɩ̃ nʋɔr.

A Zɔb sɛbɛ 9:3

Alɛ ɩ mɛ̃ bɛ ŋmɩɛr'ɩ ʋ nɩ nɔkpɛn a, bɛ na ƴɛ̀r'ɩ ƴɛ̀r-bie túr, ʋʋ bɛ sɔw been ɛ.

1 Na-mɩnɛ 8:46

«A Ɩsɩrayɛl nɩbɛ wa zawrɩ a fʋ nʋɔr a, nɩsaal na bɛ be be bɛ zawrɛ nʋɔr a ƴãw a, fʋ̃ʋ wa nyɛ̃ nɩ bɛ suur, ƴãw bɛ a bɛ dɔ̃ dem nuru pʋɔ, bɛ tɛr bɛ a gbãgbaalʋ pʋɔ cen nɩ a bɛ ten a, ten na zãá bɩɩ pɩɛlɩ a,

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.