Galasi 2:9 - A SƐB-SÕW

⁹ Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Galasi 2:9 Referans Kwoze

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.

Galasi 2:2

Yel-wula Naaŋmɩn na ɩ ɩ̃ bãw a n'a so ɩ̃ tɩ do. Ɩ̃ tɩ man nɩ a Yel-nʋ̃ɔ̀ ɩ̃ na hiere a nɩ-bʋʋr-yoru sɔgɔ a kʋ̀ a kɩrɩta-nɩbɛ, al pùorí, ɩ̃ man ʋ kʋ̀ a nɩ-bɛrɛ, bɛ tɛwr zie. Ɩ̃ bɛ tɩ bɔbr k'aa tome ɩ̃ na tõ ɛ́ cãà tone a ɩ zawla ɩ.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

1 Zã 1:3

Bom nɛ tɩ na nyɛ̃ ɛ́ wõ a, tɩ yere ʋ na kʋ̀rɛ a nyɩɩm mɩ̀, kɛ́ nyɩ mɩ̀ tʋ̃ɔ́ lãw nɩ tɩ, ɛ́ a tɩ lãw-taa ɩ n lãw-taa na be tɩɩm nɩ a Naaŋmɩn Sãà cara pʋɔ, ɛ́ be tɩɩm nɩ a ʋ Bie Yeezu Kɩrɩta cara pʋɔ a.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

2 Korɛ̃tɩ 8:4

Bɛ lɔb'ɩ nuru zɛlɩ nɩ tɩ yãayãa, kɛ́ tɩ sàw bɛ pʋɔ sõw kɛ̀ bɛ tɩr bom kʋ̀ a Zude tẽw kɩrɩta-nɩbɛ.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

Ʋrɔm 15:15

Ɛcɛ ɩ̃ nyɔw nɩ nyãa bʋʋrɛ kãw sɛb'ɩ nyɩ a ɩ̃ sɛbɛ ziir a mɩnɛ, k'ɩ̃ɩ tʋ̃ɔ́ sɩ̃w a nyɩ tɩɛrʋ. Ɛ́ mãa wa sɛb a lɛ a, a ɩ n a maalʋ a Naaŋmɩn na kʋ̀ m a zũú n'a,

Nɩ-toni 15:13

Bɛ na wa ƴɛ̀r baar'a, Zakɩ mɩ̀ tɩ de nɩ a ƴɛ̀rʋ yel: «Yɛbr i, nyɩ bɛrɛ wone.

Nɩ-toni 15:7

Bɛ na tɩ ŋmɛ a nɔkpɛn a tɩ cɛlɩ a, Pɩɛr tɩ ìr'a yel: «Yɛbr i, nyɩ bãwnɩ a na a Naaŋmɩn na kaa ír mɛ̃ koro za a nyɩ pʋɔ, k'aa nɩ-bʋʋr-yoru tʋ̃ɔ́ wõ a Yel-nʋ̃ɔ̀ a ɩ̃ nʋɔrɩ́ ɛ́ sàw de a.

Nɩ-toni 4:36

À ŋá n'a Zuzɛb, a nɩ-toni na kpɔwrɛ bʋɔlɛ Banabasɩ, a pɛr lɛ kɛ́ Mɔwl-mɔwlɛ a, tɩ tɛr púo. Ʋ tɩ ɩ n Levitɩ ɛ́ yi Sɩɩpʋr.

Matie 16:18

Ɛ́ ɩ̃ yere na kʋ̀rɛ fʋ, fʋ ɩ n Pɩɛr, a pɛr lɛ kɛ́ kʋsɩɛr, ɛ́ a kʋsɩɛr ŋa zu n'a ɩ̃ na ŋmãa a ɩ̃ Lãw-yir, ɛ́ a kũu kpɛnʋ bʋʋrɛ za kʋ̃ tʋ̃ɔ́ ɩ ʋ bom za ɩ.

2 Na-mɩnɛ 10:15

A Yehu tɩ yi n a be cere tɩ tuori Erekaavʋ bidɛb, Yonadavʋ, na tuore ʋ a. A Yehu tɩ puor'ʋ na, ɛ́ yel ʋ: «A fʋ pʋɔ de m'a, mɛ̃ a lɛ a ɩ̃ pʋɔ na de fʋ a?» A Yonadavʋ sɔw: «Ʋ̃ʋ.» A Yehu yel ʋ: «Alɛ wa ɩ lɛ a, fʋ̃ʋ ɩ tɩ nyɔw taa nuru, puori taa.» Bɛ tɩ nyɔw nɩ taa nuru, puori taa. Al pùorí a Yehu ƴãw ʋ do kpɛ a ʋ zɛbr-torko pʋɔ.

Luka 22:8

A Yeezu tɩ tõ n Pɩɛr nɩ Zã ɛ́ yel bɛ: «Nyɩ cen tɩ cɔbrɩ a Tɔl-gãw cuw dɩb tɩ dɩ.»

Zã 1:42

Ʋʋ tɩ tɛr'ɩ a Pɩɛr cen nɩ a Yeezu zie. A Yeezu tɩ jɩ́r'ɩ a Pɩɛr gbẽgbẽ ɛ́ yel: «Fʋ̃ʋ n'ɩ a Sɩmʋ̃, Zã bidɛb, bɛ na bʋɔlɛ fʋ nɩ Kefasɩ», a pɛr lɛ kɛ́: Kʋsɩɛr.

Nɩ-toni 12:17

A Pɩɛr tɩ kabr'a yel kɛ́ bɛ bɛr gɔmɛ, ʋʋ manɩ kʋ̀ bɛ a lɛ a Sore na ɩ tɛr ʋ yi n a gaso pʋɔ a. Ʋ na wa ƴɛ̀r baar'a, ʋ cãà na lɛb yel bɛ: «Nyɩ cen tɩ manɩ kʋ̀ a Zakɩ nɩ a yɛbr bɛl na cɛ a.» Al pùorí, ʋ tɩ yi na lo a sɔ́r cen zi-yũo.

2 Korɛ̃tɩ 11:5

Ɛcɛ, ɩ̃ bɛ tɩɛr kɛ́ a nyɩ nɩ-ton-gãdaar bɛ ŋa zuo mɛ̃ nɩ yel kãw za ƴãw ɛ.

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

Galasi 1:16

k'ʋʋ wul mɛ̃ a ʋ Bie ɩ̃ tʋ̃ɔ́ manɛ ʋ kʋ̀rɛ a nɩ-bʋʋr-yoru a, ɩ̃ bɛ tɩ sowri bom nɩsaal kãw za ɩ.

Galasi 1:18

Yome ata pùorí n'a ɩ̃ tɩ do a Zerizalɛm k'ɩ̃ɩ tɩ bãw a Pɩɛr, ɩ̃ɩ tɩ maal'ɩ bibie pie nɩ anũu a ʋ zie.

Galasi 2:1

Yome pie nɩ anaar pùorí, ɩ̃ tɩ lɛb'a cen a Zerizalɛm, mãa nɩ Banabasɩ. Ɩ̃ mɩ̀ tɩ tɛr'ɩ Títɩ̀ ƴãw pʋɔ.

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.