Galasi 2:21 - A SƐB-SÕW

²¹ Ɩ̃ bɛ zawrɛ a Naaŋmɩn maalʋ bɛrɛ ɩ, bʋ̃ʋ n'ʋ vɛ̃, alɛ wa ɩ a Wulu sàwfʋ zũú n'a a nɩsaal mɩ́ páw a mɩnʋ a Naaŋmɩn niŋé a, a Kɩrɩta kpi n zawlalɛ.

Galasi 2:21 Referans Kwoze

Ʋrɔm 11:6

Ʋlɛ wa kaa ír bɛ a ʋ maalʋ zũú a, a bɛ ɩ-ɩrɩ zũú bɛ n'a ɩ, alɛ bɛ ɩ lɛ a, a maalʋ bɛ cãà ɩ maalʋ ɛ.

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Ebre 7:11

A bàwr-maalɛ ɩb a Levi pal pʋɔ n'ʋ tɩ so a nʋɔr bɛ na kʋ̀ a Ɩsɩrayɛl nɩbɛ a. Ɛcɛ a Levi pal pʋɔ bàwr-maalbɛ tɩ tõ ton na vɩɛl ʋ za a, a kʋ̃ʋ lɛb fɛrɛ kɛ́ bàwr-maal-yũo yi ɩ mɛ̃ a Mɛlkɩsedɛkɩ na tɩ ɩ a bàwr-maalɛ a ɩ, ɛ́ bɛ ɩ mɛ̃ a lɛ a Aarɔ̃ na tɩ ɩ a bàwr-maalɛ a ɩ.

1 Korɛ̃tɩ 15:14

ɛ́ a Kɩrɩta bɛ wa lɛb yi a kũu pʋɔ a, a yele tɩ na hiere yere kʋ̀rɛ nyɩ a ɩ n zawla, ɛ́ a nyɩ naaŋmɩn-sàw-deb mɩ̀ ɩ n zawla.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Ʋrɔm 10:3

Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ.

Ɩzayi 49:4

Mãa ƴãw a, ɩ̃ tɩ yere na: «Ɩ̃ bàl'ɩ ɩ̃ tʋɔra zawla, ɩ̃ hanɩ na ɛ́ a wa ɩ zi-vuo, ɛ́ a bɛ wa tɛr pɛr ɛ». Zɩ̃ k'aa ʋlɩ bom nɛ ɩ̃ na sɛw taa nɩ a tɩ gùre mɛ̃ nɩ a Sore zie, a ɩ̃ maalʋ tɩ be n a ɩ̃ Naaŋmɩn zie.

1 Korɛ̃tɩ 15:2

Ʋlɛ n'ʋ na faa nyɩ, nyɩmɛ wa tɛr ʋ vla mɛ̃ a lɛ ɩ̃ na wa wa man ʋ kʋ̀ nyɩ a. Alɛ bɛ wa ɩ lɛ a, nyɩ nãà wa sàw na de zawla.

Galasi 2:18

Bʋ̃ʋ n'ʋ vɛ̃, mãa wa lɛb de a Wulu ɩ̃ na zawrɩ bɛr a, mãa mɩŋa n'ʋ wul k'ɩ̃ɩ ɩ n nɔ-zawrɛ.

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Markɩ 7:9

Ʋ tɩ yel'a ƴãw pʋɔ: «Nyɩ sʋ̃ɔm'a bul zawrɩ a Naaŋmɩn nɔ-ƴãwna bɛr ɛ́ tuur a nyɩ ɩ-ɩrɩ.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

1 Korɛ̃tɩ 15:17

Ɛ́ a Kɩrɩta bɛ wa lɛb yi a, a nyɩ Naaŋmɩn sàwfʋ ɩ n zawla, ɛ́ nyɩ cãà na be a nyɩ yel-bebe pʋɔ.

Zeremi 8:8

Nyɩ yere na: «Yã-bãwnbɛ n'ɩ tɩ, tɩmɛ nɛbɛ tɛr a Sore wulu.» Ɛcɛ ŋmɩŋmɩn n'a nyɩ na tʋ̃ɔ́ yere a lɛ? A wulu bãw-bãw-karɩ ɩ n zir-ŋmarbɛ na ɩ a wulu bɛ cãà tori a.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.