Galasi 2:14 - A SƐB-SÕW

¹⁴ Ɛcɛ ɩ̃ na wa nyɛ̃ k'aa bɛ ɩb bɛ tori tu a Yel-nʋ̃ɔ̀ yel-mɩŋa a, ɩ̃ yel'ɩ a Pɩɛr a nɩbɛ za niŋé: «Fʋ̃ʋ na ɩ Zifʋ a, fʋ bɛ ɩrɛ mɛ̃ Zifʋ a ɩ, ɛ́ ɩrɛ mɛ̃ nɩ-bʋʋr-yoru nɩr a, ŋmɩŋmɩn za n'a, fʋ na tʋ̃ɔ́ fɛr nɩ-bʋʋr-yoru nɩbɛ ƴãw bɛ ɩrɛ mɛ̃ Zifʋ mɩnɛ a?»

Galasi 2:14 Referans Kwoze

Galasi 2:5

Tɩ bɛ tɩ sàw kʋ̀ a nɩbɛ bɛ ŋa ɛ́ a ɩ zaa pʋrɩ ɛ, k'aa Yel-nʋ̃ɔ̀ yel-mɩŋa cãà be be a nyɩ ƴãw.

Nɩ-toni 10:28

Ʋ tɩ yel bɛ na: «Nyɩ bãwnɩ a na, a bɛ sɛw kɛ́ Zifʋ bʋʋrɛ nɩ nɩ-bʋʋr-yoru nɩr cere tʋɔr taa ɩ, a mɩ̀ bɛ sɛw kɛ́ Zifʋ bʋʋrɛ kpɛ nɩ-bʋʋr-yoru yir ɛ. Ɛcɛ daar tɛwr, Naaŋmɩn daar wul mɛ̃ na kɛ́ a bɛ tɛr sɔ́r k'ɩ̃ɩ yel kɛ́ nɩr ɩ n nɩ-ciira bɩɩ nɩ-dɛwr ɛ.

1 Timote 5:20

Mɩ́ yel a sãwna dem sãwna a nɩbɛ za niŋé, kɛ́ a bɛl na cɛ a tʋ̃ɔ́ zɔrɛ dɛ̃bɩ̃ɛ.

Galasi 6:12

A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ.

Zʋkpaɩ 2:7

Ʋ mɩ́ sõw nɩ a nɩsaal-dẽdẽ mɩnɛ. Ʋ ɩ na mɛ̃ zɛbr-kur-pãgala a, a bɛlɩ dem na ɩrɛ vla a zie.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Ebre 12:13

Nyɩ maalɩ soli-dẽdẽ a nyɩ gbɛ́ɛ ƴãw, a wʋba gbɛ́r taa nʋrɛ ɩ, ʋʋ nɩ̃ɛ sanɩ.

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Galasi 2:7

Bɛ nɩ̃ɛ na tɩ nyɛ̃ k'aa Naaŋmɩn kʋ̀ m'ɩ a Yel-nʋ̃ɔ̀ hieru ton a bɛl na bɛ ɩ Zifʋ a ƴãw, mɛ̃ a lɛn tɔr za ʋ na tɩ kʋ̀ a Yel-nʋ̃ɔ̀ hieru ton a Pɩɛr a Zifʋ mɩnɛ ƴãw a.

Ʋrɔm 14:14

A Sore Yeezu ƴãw a, ɩ̃ bãwnɩ a nɩ yel-mɩŋa, kɛ́ bom bɛ be be à ŋá ɩ bʋ̃-dɛwr ɛ. Ɛcɛ nɩr wa tɩɛrɛ kɛ́ bom ɩ n bʋ̃-dɛwr a, ʋ mɩ́ ɩ n bʋ̃-dɛwr a ʋ zie.

Nɩ-toni 15:24

Tɩ wõ na k'aa tɩ nɩbɛ bɛ mɩnɛ, tɩ na bɛ tõ a, wa na wa ƴãw bʋnʋ a nyɩ zie, ɛ́ dam a nyɩ tɩɛrʋ nɩ a bɛ ƴɛ̀rʋ.

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Sɛb-sõw yielu 141:5

Nɩ-mɩŋa na tʋ̃ɔ́ na ŋmɛ m, ɛ́ kpãa mɛ̃, báalʋ zũú. Ɛcɛ a nɩ-faar nɔ̃wfʋ ɩb a, ɩ̃ bɛ bɔbr a ɩ. Ɛcɛ ɩ̃ bɔbr'a k'ɩ̃ɩ cãà puore, bɛ na saa ɩrɛ a ɩ-faar a.

Sɛb-sõw yielu 58:1

Yiel-yielbɛ nɩ-kpɛ̃ɛ sɛbɛ pʋɔ yielu. «Ta sãw bɛr» yielu kɔkɔr'ʋ. Daviir danʋ yielu.

Sɛb-sõw yielu 15:2

— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

Levitɩ mɩnɛ 19:17

«Nyɩ taa tɛrɛ nɩ a nyɩ yɛb dɔ̃ ɩ, ɛcɛ nyɩ taa vɛnɛ a ʋ yelu ɛ, lɛ n'a nyɩ kʋ̃ tɛr yel-bier a ʋ ƴãw ɛ.

Galasi 2:3

Ɛcɛ a Títɩ̀ na bɩɛlɛ mɛ̃, ɛ́ ɩ Gɩrɛkɩ a, bɛ bɛ tɩ fɛr ʋ k'ʋʋ ɩ bɛ ŋmãa a ʋ yʋ̀ɔr ɛ,

Nɩ-toni 15:1

Nɩbɛ bɛ mɩnɛ kãw na tɩ yi a Zude siw wa a Ãtɩɔsɩ a tɩ tĩ na kanɛ nɩ a yɛbr yere à ŋá: «Nyɩmɛ bɛ wa ƴãw bɛ ŋma nyɩ a yɛɛ, mɛ̃ a lɛ a Moyiir nʋɔr na ƴãw a, nyɩ kʋ̃ tʋ̃ɔ́ nyɛ̃ a faafʋ ɛ.»

Nɩ-toni 15:5

A Faarizɩ̃ɛ mɩnɛ lãw nɩbɛ bɛ mɩnɛ, na tɩ sàw de a Yeezu yele a, tɩ ìr'a yel: «A fɛr'a kɛ́ bɛ ŋma a nɩ-bʋʋr-yoru bɛl na sàw de a Yeezu yele a yɛɛ, ɛ́ ƴãw bɛ tuur a Moyiir wulu.»

Galasi 1:6

Nʋɔr ɓãá mɛ̃ na, nyɩ na gùr pùor fɔ̃wlɛ kʋ̀ a Naaŋmɩn na bʋɔlɩ nyɩ a Kɩrɩta maalʋ zũú, ɛ́ tu Yel-nʋ̃ɔ̀ yũo pùor a.

Galasi 1:18

Yome ata pùorí n'a ɩ̃ tɩ do a Zerizalɛm k'ɩ̃ɩ tɩ bãw a Pɩɛr, ɩ̃ɩ tɩ maal'ɩ bibie pie nɩ anũu a ʋ zie.

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.