Galasi 1:15 - A SƐB-SÕW

¹⁵ Ɛcɛ, a Naaŋmɩn na kaa ír mɛ̃ bʋɔlɩ mɛ̃ a ʋ maalʋ zũú a ʋ tome ƴãw, ɩ̃ɩ cãà a ɩ̃ mã pùorí a, ʋ na tɩ nyɛ̃ a sɛw

Galasi 1:15 Referans Kwoze

Zeremi 1:5

«Ɩ̃ tɩ bãw fʋ na ɛ́ bɛ cɔbrɩ fʋ a fʋ mã puori sɛr ɛ, ɩ̃ tɩ ka n nũú ƴãw fʋ ɛ́ fʋ wa bãw dɔw, ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Efɛɛzɩ 1:5

Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

1 Korɛ̃tɩ 1:9

A Naaŋmɩn ŋmɛ̃ n ʋ ŋmɛ̃a, ʋl na bʋɔlɩ nyɩ kɛ́ nyɩ wa lãw nɩ a ʋ Bie tɩ Sore Yeezu Kɩrɩta a.

Ʋrɔm 1:1

A mãa Pol, Yeezu Kɩrɩta tõ-tõ-bie, a Naaŋmɩn bʋɔlɩ mɛ̃ na k'ɩ̃ɩ wa ɩ nɩ-tona, ʋ kaa na ír mɛ̃ a ʋ Yel-nʋ̃ɔ̀ hieru ƴãw.

Nɩ-toni 13:2

Bibir kãw bɛ na tɩ ɓã taa puore a Sore, tɛr'ɩ mʋta-tuo a, a Vʋʋrʋ Sõw tɩ yel bɛ na: «Nyɩ ír a Banabasɩ nɩ a Sol bɛr mɛ̃: ɩ̃ bʋɔlɩ bɛ nɩ tõ-nʋɔr kãw ƴãw.»

Nɩ-toni 9:15

Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a.

Ʋrɔm 8:30

A bɛlɩ dem a Naaŋmɩn na tɩ dãw bãwnɩ a, ʋ bʋɔlɩ bɛ na mɩ̀, a bɛlɩ dem ʋ na bʋɔlɩ a, ʋ mɩ̀ ɩ na bɛ lɩɛbɩ nɩ-mɩn, a bɛlɩ dem ʋ na ɩ bɛ lɩɛbɩ nɩ-mɩn a, ʋ mɩ̀ ɩ na kɛ̀ bɛ pʋɔ a ʋ yúor-vɩɛlʋ-danʋ pʋɔ.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Matie 11:26

Ɩ̃ Sãà a, à ŋá n'a fʋ nɔnɛ k'aa ɩ.»

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

Efɛɛzɩ 3:11

À á ŋá za tu n a lɛ a Naaŋmɩn na tɩ cɔbrɩ a yele bin kʋralɛ a, a yele ʋ na maalɩ a tɩ Sore Yeezu Kɩrɩta pʋɔ a.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Galasi 1:6

Nʋɔr ɓãá mɛ̃ na, nyɩ na gùr pùor fɔ̃wlɛ kʋ̀ a Naaŋmɩn na bʋɔlɩ nyɩ a Kɩrɩta maalʋ zũú, ɛ́ tu Yel-nʋ̃ɔ̀ yũo pùor a.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 1:24

Ɛcɛ a bɛlɩ dem a Naaŋmɩn na bʋɔlɩ a zie a, bɛ ɩ n Zifʋ bɩɩ Gɩrɛkɩ a, a bɛl zie a, ʋ ɩ n a Kɩrɩta, ʋl na ɩ a Naaŋmɩn kpɛnʋ nɩ a Naaŋmɩn yã-bãwfʋ a.

1 Korɛ̃tɩ 1:1

A mãa Pol, a Naaŋmɩn na nɔ̃w yã bʋɔlɩ k'ɩ̃ɩ wa ɩ a Kɩrɩta Yeezu nɩ-tona a, mãa n'ʋ sɛbr nyɩ, mãa nɩ a tɩ yɛb Sɔsɩtɛn.

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Ʋrɔm 9:24

Tɩ mɩ̀ pʋɔ na, tɩɩm ʋ na bʋɔlɩ, a bɛ ɩ a Zifʋ mɩnɛ tɛwr pʋɔ, ɛ́ mɩ̀ ɩ a nɩ-bʋʋr-yoru pʋɔ a.

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

Galasi 1:1

A mãa Pol na ɩ nɩ-tona, ɛ́ a bɛ ɩ nɩsaalbɛ nɛbɛ so, bɩɩ nɩsaal zie n'a a yi, ɛ́ ɩ a Yeezu Kɩrɩta zie nɩ a Naaŋmɩn Sãà, na ɩ a Yeezu Kɩrɩta ʋ lɛb yi a kũuni pʋɔ a zie n'a a,