Filib 4:8 - A SƐB-SÕW

⁸ Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

Filib 4:8 Referans Kwoze

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

2 Korɛ̃tɩ 8:21

Tɩ bɛ bɔbr a vla maalʋ Sore yõ zie ɩ, tɩ mɩ̀ bɔbr'ɩ a lɛ a nɩsaalbɛ zie.

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

Ebre 13:18

Nyɩ puore kʋ̀rɛ tɩ. Tɩ bãwnɩ a na a tɩ tɩɛrʋ na vɩɛl a, bʋ̃ʋ n'ʋ vɛ̃, tɩ bɔbr'a kɛ́ tɩ ɩrɛ vla a yele za pʋɔ.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

Efɛɛzɩ 5:9

Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

Títɩ̀ 1:8

A fɛr'a k'ʋʋ nɔnɛ a sãanbɛ nyɔwfʋ, ʋ nɔnɛ a vla, ʋ bãw yã, ɛ́ ɩ nɩ-mɩŋa nɩ nɩ-sõw, bãw ʋ tʋɔra tɛrʋ.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

Títɩ̀ 3:14

A fɛr'a k'aa tɩ nɩbɛ mɩ̀ bãwnɩ a, k'aa fɛr'a bɛ ƴãw fãw mɩ́ de niwn a tõ-vɩɛlɩ tob ƴãw, tʋ̃ɔ́ mɩ́ tu a yel-fɛrɩ pùor, lɛ n'a a bɛ nyɔ-vʋʋrʋ na tɛr tɔnɛ.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

Zʋkpaɩ 20:7

A nɩ-mɩŋa mɩ́ tuur'ɩ a lɛ na sɛw taa nɩ a. Zu-nʋ̃ɔ̀ dem'ɩ a ʋ bibiir a ʋ pùorí.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.

1 Zã 3:18

Ɩ̃ bibiir i, nyɩ ta ɩ tɩ nɔnɛ nɩ nʋɔr nɩ ƴɛ̀r-vɩɛlɩ tɛwr ɛ, nyɩ ɩ a tɩ nɔ̃wfʋ sãá a tɩ ɩ-ɩrɩ pʋɔ ɛ́ tu a yel-mɩŋa.

Títɩ̀ 2:2

Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

2 Korɛ̃tɩ 13:7

Tɩ puore na kɛ́ Naaŋmɩn ta sàw nyɩ maalɩ yel-faa kãw za ɩ. Tɩ bɛ bɔbr kɛ́ tɩ ɩ a lɛ wul tɩ na bɛ guu a ɩ, tɩ bɔbr'a kɛ́ tɩ nyɛ̃ nyɩ, nyɩ ɩrɛ a vla, alɛ saa sãá mɛ̃ tɩ guu na a.

Kɔlɔsɩ 4:5

Nyɩ ɩrɛ a yẽw dem zie nɩ yã-bãwfʋ, nyɩ taa bɛrɛ vo-vla za ʋ tɔlɛ ɩ.

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.

2 Samɩɛl 23:3

A Ɩsɩrayɛl Naaŋmɩn ƴɛ̀r'a, a Sob nɛ na piw a Ɩsɩrayɛl tɛr a yel mɛ̃ na: «A nãà ʋl na kaarɛ a nɩbɛ nɩ mɩnʋ, ɛ́ sàwr a Naaŋmɩn nʋɔr a ʋ nɩbɛ kaafʋ pʋɔ a,

Ʋrɔm 13:3

A ƴɛ̀r-dɩrbɛ bɛ ɩ nɩ-zɔrɩ sob nɛ na ɩrɛ vla a zie ɩ, sob nɛ na ɩrɛ faa a zie n'a bɛ ɩ nɩ-zɔrɩ. Fʋ bɔbr'a kɛ́ fʋ ta zɔrɛ a nɩ-kpɛ̃ɛ ɩ? Ɩrɛ vla, ʋʋ na mʋʋrɛ fʋ na,

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Filib 3:1

Ƴɛrɛŋa a, yɛbr ɩ, nyɩ cɩlɛ nyɩ na lãw nɩ a Sore a. A bɛ kpɩɛr mɛ̃ ɩ̃ na sɛbr a alɩ bʋ̃-been nɛ kʋ̀rɛ nyɩ a ɩ, a na ɩ na nyɩ lɛb kpɛmɛ.

Ʋrɔm 2:29

Ɛcɛ a Zifʋ tɔr za n'ɩ a sob nɛ na ɩ ʋ nɩ ʋ pʋɔ a, ɛ́ a yʋ̀ɔr ŋmãafʋ ɩ socir pʋɔ ŋmãafʋ a, yʋ̀ɔr ŋmãafʋ na yi Naaŋmɩn Vʋʋrʋ zie ɛ́ bɛ yi Wulu na sɛb a pʋɔ a. A Zifʋ tɔr za ŋa bɛ nyɛrɛ a ʋ danʋ nɩsaalbɛ zie ɩ, Naaŋmɩn zie n'a ʋ nyɛrɛ a ʋ danʋ.

Ɩzayi 26:7

Sore e, a nɩ-mɩŋa sɔ́r cere nɩ daadaa, fʋ ɩ na a ʋ sɔr-dẽdẽ man taa.

Zʋkpaɩ 31:31

Bɛ kʋ̀ ʋ a ʋ tome sã-ya. Bɛ danɛ ʋ a ʋ tome ƴãw a nɩ-yaga tuor-taa ziir!

1 Timote 2:2

a na-mɩnɛ nɩ a bɛlɩ dem za na dɩ nɩ-kpɛ̃ɛnʋ a ƴãw: kɛ̀ tɩ taa nyɛrɛ damnʋ ɛ, ɛ́ tɛr ƴã-ɓaarʋ a tɩ nyɔ-vʋʋrʋ pʋɔ, ƴãwnɛ a Naaŋmɩn ɛ́ tɛr ɩb na sɛw taa nɩ a.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

Wulu-ayi-sob 16:20

Nyɩ ƴãw fãw bɔbr a yel-mɩnʋ, a yel-mɩnʋ tɛwr. Lɛ n'a nyɩ na tʋ̃ɔ́ vʋʋrɛ, ɛ́ so a tẽw a Sore nyɩ Naaŋmɩn na kʋ̀rɛ nyɩ a.

Efɛɛzɩ 6:14

A na ɩ lɛ a, nyɩ ìr cɔbrɩ gù: nyɩ de a yel-mɩŋa sɛ sɩɛmɩ́ mɛ̃ kpàwr a, ɛ́ su a mɩnʋ mɛ̃ zɛbr-nyãa-kpale a.

1 Tesalonikɩ 4:12

Lɛ n'a a nyɩ cenu na mɩ́ ɩ a yẽw dem ƴãwnɛ nyɩ, ɛ́ nyɩ kʋ̃ ɩ nɩr za hanɛ a nyɩ ƴãw ɛ.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Zã 7:18

Nɩr na nyɛ̃ ʋ tʋɔra ƴɛ̀rɛ a, ʋ bɔbr'ɩ ʋ tʋɔra yúor-vɩɛlʋ-danʋ. Ɛcɛ ʋlɩ sob nɛ na bɔbr a sob nɛ na tõ ʋ a yúor-vɩɛlʋ-danʋ a, sob nɛ yõ n'ʋ yere yel-mɩŋa, ʋ bɛ bãw ziri ɛ.

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Markɩ 6:20

Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.

Zʋkpaɩ 11:1

A Sore bɛ nɔnɛ a bʋ̃-kera na bɛ tori a ɩ, ɛcɛ ʋ nɔnɛ nɩ tɩbrʋ bʋ̃-mána na tu sɔ́r a.

Urutɩ 3:11

Ƴɛrɛŋa a, ɩ̃ pɔwyaa a, ta zɔrɛ dɛ̃bɩ̃ɛ ɩ! Bom nɛ za fʋ na na yel k'ɩ̃ɩ ɩ a, ɩ̃ na ɩ ʋ na kʋ̀ b. Bʋ̃ʋ n'ʋ vɛ̃, a nɩbɛ za bãwnɩ a na fʋ na ɩ pɔw na ɩ pɔw a.

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Nɩ-toni 22:12

«Dɔɔ kãw tɩ be n be dɩ Ananɩasɩ. Ʋ tɩ nɔnɛ nɩ puoru ɛ́ tuur a Naaŋmɩn wulu vla. A Zifʋ mɩnɛ za na tɩ kpɩɛr a be a tɩ nɔnɛ nɩ a ʋ yele.

A Yielu za pʋɔ yiel-vla vla 5:16

A ʋ nʋɔr ɩ n a nʋ̃ɔ̀ mɩŋa, ɛ́ a ʋ tɔr za n'ʋ ɩ̃ bɔbr. Zerizalɛm pɔwsɩrali i, nyɩ nyɛ̃ a ɩ̃ nɩ-nɔna, nyɩ nyɛ̃ a ɩ̃ sɛn!

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

1 Timote 5:2

a pɔw-bɛrɛ zie mɛ̃ mã mɩnɛ a, a pɔwsɩrali zie mɛ̃ yeepuuli a, nɩ tɩɛr-vɩɛlɩ tɛwr.

Luka 23:50

Dɛb kãw na tɩ dɩ kɛ́ Zuzɛb a, tɩ pʋɔ nɩ a nɩ-bɛrɛ lãw nɛ pʋɔ na so a ƴɛ̀rʋ-maalʋ a. Ʋ tɩ ɩ n nɩ-vla nɩ nɩ-mɩŋa, ʋ bɛ tɩ sàw tu a bɛ pʋ-tɩɛrʋ nɩ a bɛ ɩ-ɩrɩ a Yeezu ƴãw ɛ. Ʋ tɩ yi n Arimate, Zude tẽw, ɛ́ tɩ gùre a Naaŋmɩn Naalʋ.

Zʋkpaɩ 31:29

Ʋ mɩ́ yere na: «Pɔwbɛ na ɩ pɔwbɛ a yãwmɛ na, ɛcɛ a fʋ̃ʋ a, fʋ gãw nɩ bɛ za.»

Zʋkpaɩ 16:11

A Sore bɔbr'a k'aa bʋ̃-keri tori, ɛ́ ʋlɛ n'ʋ ƴãw a lɛ a tɩbrʋ bʋ̃-mánɩ za na ɩ a.

Zʋkpaɩ 12:4

Pɔw na ɩ pɔw a mɩ́ ɩ n a ʋ sɩr nyʋ̀ʋ́r, ɛcɛ pɔw na bɛ zɔrɛ vĩ a mɩ́ ɩ n kãkarmɛ na dɩrɛ a ʋ sɩr kɔbɛ a.

1 Timote 3:4

Ʋ bãw a ʋ mɩŋa yir kaafʋ, ɛ́ ɩ a ʋ bibiir bɛ ɩ nɔ-sàwrbɛ na ƴãwnɛ ʋ yaga za a.

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

Matie 22:16

Al pùorí, bɛ tɩ tõ n a bɛ po-tuurbɛ nɩ Erɔdɩ nɩbɛ kɛ́ bɛ tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ wule a nɩbɛ a Naaŋmɩn sɛ́ɛ nɩ yel-mɩŋa, fʋ bɛ zɔrɛ nɩr za ɩ, ɛ́ bɛ owre ɩ.

Zʋkpaɩ 31:10

A pɔw na ɩ pɔw a, ãa n'ʋ na nyɛ̃ ʋ? Ʋ tɛr'ɩ yel-ɩra zuo lɛw-vɩɛlɩ vɩɛlɩ.

Ebre 11:2

A bɛ sàw-deb zũú n'a Naaŋmɩn dɩ a nɩ-kore dãsɩɛ.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

2 Korɛ̃tɩ 8:18

Tɩ tõ ʋ na, ʋlɛ nɩ a yɛb ʋl a Lãw-yie za na mʋʋrɛ a Yel-nʋ̃ɔ̀ tome ʋ na tone a zũú.

2 Samɩɛl 1:23

A Sawul nɩ a Zonatã cãafʋ daar a, bɛ tɩ nɔ̃w nɩ taa yaga za, a bɛ kũu tɔr za pʋɔ a, bɛ bɛ bʋ́r taa ɩ, bɛl na tɩ páwr zuo sɩlɩ a, ɛ́ kpɛ socir zuo gben a.

2 Pɩɛr 3:1

Ɩ̃ bá mɩnɛ ɛ, gb'a ayi za n'ɩ à à ŋá ɩ̃ na sɛb a sɛbɛ kʋ̀ nyɩ a. A yele al za ɩ̃ na lɛb manɛ kʋ̀rɛ nyɩ a sɛbr á ŋá pʋɔ a, ɩ̃ bɔbr'a k'ɩ̃ɩ lɛb sɩ̃w nyɩ tɩɛrʋ, nyɩ tɛr tɩɛr-vɩɛlɩ.

Sɛb-sõw yielu 82:2

«Debor daar'a nyɩ na mɩ́ dɩ a ƴɛ̀rʋ a bɛ tu a yel-mɩŋa, ɛ́ nyɩ mɩ́ kpɛ a nɩ-faar tɩ ta? Tɛw-àrʋ

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.