Filib 3:10 - A SƐB-SÕW

¹⁰ A Kɩrɩta n'ʋ ɩ̃ bɔbr k'ɩ̃ɩ bãw, k'ɩ̃ɩ nyɛ̃ a lɛ a ʋ kũu-pʋɔ-lɛb-yibu kpɛnʋ na sɛw a, k'ɩ̃ɩ lãw nɩ ʋ a tuo ʋ na wõ a pʋɔ, k'ɩ̃ɩ ŋmɛ̃ taa nɩ ʋ a ʋ kũu pʋɔ,

Filib 3:10 Referans Kwoze

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

1 Zã 2:3

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

2 Korɛ̃tɩ 1:5

Mɛ̃ a lɛ tɩ na pʋɔ a Kɩrɩta tuo pʋɔ yaga za a, lɛ mɩ̀ n'a tɩ mɩ́ páw mɔwlʋ yaga za a Kɩrɩta ƴãw.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

2 Korɛ̃tɩ 13:4

Sɩza n'a, ʋ tɩ ɩ n bãbàal a lɛn daar bɛ na tɩ kpa ʋ a da-gara zu a, ɛcɛ a Naaŋmɩn fãw ɩ na ʋ vʋʋrɛ. Ɛ́ a tɩɩm na lãw nɩ ʋ a, tɩ mɩ̀ ɩ n bãbàalbɛ, ɛcɛ tɩ na wul nyɩ na a sãá, a Naaŋmɩn fãw na ɩ na tɩ lãw nɩ ʋ ɩ nɩ-vʋʋrɩ.

1 Zã 2:5

Ɛcɛ sob nɛ na sàwr dier a Naaŋmɩn ƴɛ̀rʋ a, a Naaŋmɩn nɔ̃wfʋ mɩ́ sɩrɩ na vɩɛl ʋ za a ʋ sob zie. À ŋá n'a tɩ na tʋ̃ɔ́ mɩ́ bãw kɛ́ tɩ lãw nɩ nɩ a Naaŋmɩn.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Kɔlɔsɩ 2:13

Ɛ́ a nyɩɩm na tɩ dãw ɩ kũuni a nyɩ yel-bebe zũú nɩ bɛ na bɛ tɩ ŋma a nyɩ yɛɛ a zũú, a Naaŋmɩn kʋ̀ nyɩ nɩ nyɔ-vʋʋrʋ lãwnɩ a Kɩrɩta: ʋ dɩ n a tɩ yel-bebe za suur kʋ̀ tɩ.

Efɛɛzɩ 4:13

gùre nɩ a lɛn daar tɩ za na na lãw taa ɩ been a naaŋmɩn-sàwfʋ pʋɔ ɛ́ bãw a Naaŋmɩn Bie a, a lɛn daar tɩ na na ɩ nɩ-bɛrɛ, ta mɛ̃ a Kɩrɩta na ta a ʋ tab za a.

2 Korɛ̃tɩ 1:10

Ʋlɛ n'ʋ faa tɩ a kũu ŋa tɔ ƴãw, ɛ́ na cãà faa tɩ. Ʋl ƴãw n'a tɩ ƴãw a tɩ tɩɛrʋ, ʋ na cãà na faa tɩ.

Zã 10:18

Nɩr za bɛ n'ʋ íre a ɩ̃ nyɔ-vʋʋrʋ ɛ, mãa mɩŋa n'ʋ dier a ɩ̃ nyɔ-vʋʋrʋ tɩrɛ. Ɩ̃ tɛr'ɩ fãw na tʋ̃ɔ́ de a ɩ̃ nyɔ-vʋʋrʋ tɩr, ɛ́ tɛr fãw na tʋ̃ɔ́ lɛb páw ʋ: a nʋɔr'ɩ à ŋà a ɩ̃ Sãà na ƴãw kʋ̀ m a.»

Matie 20:23

Ʋ yel bɛ: «A ɩ̃ tuo koli-nyúura a, nyɩ na nyũ ʋ na. Ɛcɛ a ɩ̃ dʋrʋ nɩ a ɩ̃ gʋba lowr zɩma bɛ yi mãa zie ɩ, a bɛlɩ dem ƴãw a ɩ̃ Sãà na cɔbrɩ a ziir á ŋá a, bɛlɛ so a.»

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

Ʋrɔm 8:36

Mɛ̃ a lɛ a Sɛb-sõw na yel a: «A fʋ̃ʋ ƴãw n'a a kũu jɩɛrɛ tɩ kʋralɛ, bɛ ɩrɛ tɩ mɛ̃ píir bɛ na cere nɩ kʋb zie a.»

Galasi 6:17

Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.

2 Pɩɛr 1:13

Ɩ̃ na dɛ cãà a tẽw ŋa zu a, ɩ̃ tɩɛrɛ na k'aa sɛw na k'ɩ̃ɩ cãà kpaalɛ nyɩ a yele á ŋá ƴãw, kɛ̀ nyɩ cɩ a ƴãw.