Filib 1:20 - A SƐB-SÕW

²⁰ Mɛ̃ a lɛ ɩ̃ na tɩɛrɛ kpɛ̃w za gùre nɩ a, ɩ̃ kʋ̃ nyɛ̃ vĩ towtow ɛ. Ɩ̃ bãwnɩ a na bɛ bʋ́nɛ zaa pʋrɩ mɩ̀ ɛ, a ƴɛrɛŋa nɩ kʋralɛ, a Kɩrɩta na nyɛ̃ nɩ danʋ a ɩ̃ nɩr ɩb za pʋɔ, alɛ saa ɩ a ɩ̃ cãafʋ pʋɔ n'a, bɩɩ a ɩ̃ kũu pʋɔ n'a a.

Filib 1:20 Referans Kwoze

1 Pɩɛr 4:16

Ɛcɛ alɛ wa ɩ ʋ na ɩ kɩrɩta-nɩr a ƴãw n'a a, a ta ɩrɛ ʋ vĩ ɛ, ʋ nɩ̃ɛ danɛ a Naaŋmɩn, a kɩrɩta-nɩr yúor ŋa ʋ na tɛr a ƴãw.

1 Korɛ̃tɩ 6:20

Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

1 Zã 2:28

Ɩ̃ bibiir i, a ƴɛrɛŋa a, nyɩ lãw nɩ nɩ a Kɩrɩta, kɛ́ ʋlɛ wa sãá a, tɩɩm ɓãá ƴãw bɛr tɩɛrʋ, ɛ́ ta nyɛ̃ vĩ àr zãá nɩ ʋ, a ʋ waa daar ɛ.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Ʋrɔm 8:19

A Naaŋmɩn bʋ̃-íri za mĩine na gùre nɩ a daar ʋl a Naaŋmɩn na na wul a ʋ bibiir yúor-vɩɛlʋ-danʋ ʋ sãá a.

2 Korɛ̃tɩ 10:8

Bʋ̃ʋ n'ʋ vɛ̃, vĩ bɛ ɩrɛ mɛ̃ mãa saa pɔrɛ nɩ a fãw a Sore na kʋ̀ tɩ a ɩ, ʋ kʋ̀ tɩ nɩ a fãw ŋa a nyɩ vla ƴãw, a nyɩ loba ƴãw bɛ n'a ɩ.

2 Korɛ̃tɩ 4:10

Kʋralɛ n'a a Kɩrɩta kũu be a tɩ ƴã-ganɩ́, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-ganɩ́.

1 Korɛ̃tɩ 7:34

lɛ n'a a ʋ tɩɛrʋ dɛ mɩ́ põ. Lɛ mɩ̀ n'a, pɔw na bɛ kul sɩr a, bɩɩ a pɔwsɩrale a, a Sore yele tɩɛrʋ n'a ʋ mɩ́ tɛr. Ʋ mɩ́ bɔbr'a k'aa Sore so ʋ, a ʋ ƴã-gan pʋɔ nɩ a ʋ tɩɛrʋ pʋɔ. Ɛcɛ a pɔw na kul sɩr a, a tẽ-daa zu yele tɩɛrʋ n'a mɩ́ be a ʋ zie: ʋ mɩ́ bɔbr'a k'ʋʋ ɩrɛ a nʋmɛ a ʋ sɩr zie.

Ɩzayi 50:7

A Sore Naaŋmɩn sõwne mɛ̃ na, alɛ so a bɛ zʋmɛ bɛ 'wɔbr mɛ̃ ɩ, alɛ so ɩ̃ nyar a ɩ̃ niwn ʋ kpɛmɛ mɛ̃ kʋsɩɛr a, ɩ̃ɩ bãwnɩ a na ɩ̃ na kʋ̃ nyɛ̃ vĩ a.

Sɛb-sõw yielu 119:116

Tɩɛ mɛ̃, mɛ̃ a lɛ fʋ na yel a, ɩ̃ɩ na vʋʋrɛ na. Ta ɩ k'ɩ̃ ƴãw a ɩ̃ tɩɛrʋ a fʋ ƴãw zawla ɩ.

Ʋrɔm 5:5

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Filib 1:14

A ɩ̃ gaso pʋɔ pàwfʋ ɩ na yɛbr yaga zie ɓãá ƴãw bɛr tɩɛrʋ a Sore ƴãw, bɛ lɛb bãw ƴãw fãw bɛr dɛ̃bɩ̃ɛ za ɛ́ hiere a Naaŋmɩn ƴɛ̀rʋ.

2 Korɛ̃tɩ 7:14

Bʋ̃ʋ n'ʋ vɛ̃, vĩ bɛ ɩrɛ mɛ̃ ɩ̃ na nyʋʋr a nyɩ ƴãw a ʋ zie a ɩ. Ɛcɛ mɛ̃ a lɛ tɩ na mɩ́ yel a yel-mɩŋa kʋralɛ a, lɛ n'a a nyʋʋr tɩ na nyʋʋr a nyɩ ƴãw a Títɩ̀ zie a, wa ɩ sɩza.

2 Korɛ̃tɩ 5:15

Ʋʋ kpi n a bɛ za ƴãw, k'aa nɩ-vʋʋrɩ ta cãà vʋʋrɛ bɛl mɩŋa ƴãw ɛ, ɛ́ vʋʋrɛ a ʋlɩ sob nɛ ƴãw na kpi ɛ́ lɛb yi a bɛ ƴãw a.

1 Korɛ̃tɩ 15:31

Yɛbr i, bibir za n'a ɩ̃ kpiir, a yel ŋa ɩ n sɩza, mɛ̃ a lɛ nyɩ na sɩrɩ ɩ a ɩ̃ dɛpaal-bom, mãa nɩ a tɩ Sore Yeezu Kɩrɩta na lãw taa a ƴãw a.

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

Nɩ-toni 21:13

Lɛ n'a ʋ tɩ sɔw yel tɩ: «Bʋ̃ʋ ƴãw n'a nyɩ kone ɛ́ sãwnɛ mɛ̃ pʋɔ à ŋá? Mãa a, 'leb yõ bɛ n'a ɩ̃ gù ɛ, ɩ̃ mɩ̀ gù n a kũu a Zerizalɛm a Sore Yeezu yúor ƴãw.»

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Zã 21:19

A Yeezu tɩ yel'ɩ à à ŋá, k'ʋʋ wul a kũu nɛ bʋʋrɛ a Pɩɛr nãà wa kpi ɩ kɛ̀ Naaŋmɩn nyɛ̃ yúor-vɩɛlʋ-danʋ a. A Yeezu na tɩ yel à ŋá baar'a, ʋ yel'ɩ a Pɩɛr: «Tuur mɛ̃!»

Zʋkpaɩ 23:18

A lɛ pʋɔ a, fʋ na tɛr'ɩ nɩdaar, ɛ́ a fʋ tɩ́ɛrʋ kʋ̃ wɛ ɩ.

Zʋkpaɩ 10:28

Nʋ̃ɔ̀ n'a a nɩ-mɩn mɩ́ gùre, ɛcɛ a nɩ-faar tɩ́ɛrʋ mɩ́ wɛ na.

Sɛb-sõw yielu 119:80

A fʋ pʋ-tɩɛrʋ n'a ɩ̃ bɔbr k'ɩ̃ɩ maalɛ nɩ ɩ̃ pʋɔ za, lɛ n'a ɩ̃ kʋ̃ nyɛ̃ vĩ ɛ.

Sɛb-sõw yielu 62:5

Lɛ nyɩ na na ɩ siwr'ʋ a be ʋ na do tɩ àr a, al tɛwr yã n'a nyɩ bɔbr. A nɔ-vla nyɩ na mɩ́ ƴɛ̀rɛ a, nʋɔr tɛwr'ʋ nyɩ mɩ́ ƴɛ̀r'ɩ, ɛ́ a nyɩ tɩɛrʋ pʋɔ nyɩ ŋmɩɛr ƴãwn. Tɛw-àrʋ

Sɛb-sõw yielu 25:2

ɩ̃ Naaŋmɩn i, fʋ̃ʋ n'ʋ ɩ̃ tɩɛrɛ, taa ƴãwnɛ mɛ̃ vĩ ɛ. Taa sàw a ɩ̃ dɔ̃ dem wa tʋ̃ɔ́nɛ mɛ̃ ɩ.

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

2 Korɛ̃tɩ 3:12

A yel ŋa ƴãw tɩ na ƴãw a tɩ tɩɛrʋ a n'a so, tɩ ɓãá ƴãw bɛr dɛ̃bɩ̃ɛ.

2 Korɛ̃tɩ 7:4

Ɩ̃ bɛr'ɩ tɩɛrʋ yaga za a nyɩ ƴãw, ɛ́ nyʋʋr yaga za a nyɩ ƴãw. A tɩ kpɩɛrʋ za pʋɔ a, ɩ̃ nyɛ̃ nɩ mɔwlʋ yaga ɛ́ nʋ̃ɔ̀ kpɛ m bɛ dɩ vuo ɩ.