Ɛsɩdɩrasɩ 8:28 - A SƐB-SÕW

²⁸ Ɩ̃ tɩ yel bɛ na: «Mɛ̃ a lɛ nyɩ na ɩ nɩbɛ bɛ na de kʋ̀ a Sore a ʋ tome tob ƴãw a, lɛ mɩ̀ n'a bɛ de a bome á ŋá kʋ̀ ʋ. A salm-pla nɩ a salm-zɩɛ á ŋá ɩ n bome bɛ na nɔnɛ de kʋ̀ a nyɩ sãàkʋm-kore Naaŋmɩn a.

Ɛsɩdɩrasɩ 8:28 Referans Kwoze

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

2 Bibie za yel-manɩ 24:14

A tome na tɩ baar'a, bɛ tɩ wa n nɩ a libi-ŋmãa na cɛ a wa kʋ̀ a nãà nɩ a bàwr-maalɛ Yehoyada, bɛ de maal'ɩ bome a Sore yir-kpɛ̃ɛ ƴãw: tõ-tõ-bome, nyɩw-a-za-bagɛ bome, labɛ nɩ salm-zɩɛ nɩ salm-pla bome. A Yehoyada cãafʋ daar za a, nyɩw-a-za-bagɛ tɩ maalɛ nɩ a Sore yir-kpɛ̃ɛ pʋɔ kʋrakʋralɛ.

1 Bibie za yel-manɩ 23:28

Bɛ na sàwr'ɩ a Aarɔ̃ bʋʋrɛ nɛ́ɛ a Sore Ŋmɩn-yir-kpɛ̃ɛ tome ƴãw, a davʋrɩ nɩ a Ŋmɩn-yir-kpɛ̃ɛ diru kaafʋ ƴãw. Bɛlɛ so bʋ̃-sõw za dɛwr ír-bɛrʋ nɩ a Ŋmɩn-yir pʋɔ tome:

Wulu-ayi-sob 33:8

A Levi bʋʋrɛ ƴãw a, a Moyiir tɩ yel'a: «Sore e, a fʋ kpan-bie a, fʋ de a na kʋ̀ a Levi bʋʋrɛ na su zu tone a fʋ tome a. Fʋ ɩ bɛ na kaa a Masa, fʋ zɛb'ɩ bɛ nɩ a Meriba.

Eziptɩ tẽw yib 35:29

A Ɩsɩrayɛl nɩbɛ bɛl za pʋʋr na pɛlɩ a, a dɛbr nɩ pɔwbɛ tɩ wa n nɩ a bɛ bʋ̃-tɩrɩ bɛ na nɔnɛ tɩrɛ a Sore ƴãw a, a tome a Sore na tɩ yel k'aa Moyiir tõ a tob ƴãw.

Ɛsɩdɩrasɩ 8:27

salm-zɩɛ ku-labɛ lɩzɛr na ta salm-zɩɛ libie túr a (1 000), nɩ kur-zɩɛ na nyɩwrɛ a bʋ̃-vɩɛlɩ ayi kãw na vɩɛl vɩɛl mɛ̃ salm-zɩɛ a.

1 Bibie za yel-manɩ 26:20

Levitɩ bɛ mɩnɛ tɩ so a Sore Ŋmɩn-yir-kpɛ̃ɛ na-bome nɩ a bʋ̃-son bɛ na de kʋ̀ a Naaŋmɩn a kaafʋ.