Ɛsɩdɩrasɩ 6:21 - A SƐB-SÕW

²¹ A Ɩsɩrayɛl nɩbɛ za tɩ dɩ n a Tɔl-gãw cuw, a bɛl na tɩ yi a diw-cenu zie lɛb wa a, nɩ a bɛl na tɩ zawrɩ a tẽw nɩbɛ na ɩ dɛwr dem a ɩ-ɩrɩ tub a. A bɛ ŋa nɛbɛ tɩ lãw nɩ a bɛ Ɩsɩrayɛl tẽ-bi-taabɛ kɛ́ bɛ tone a Sore, a Ɩsɩrayɛl Naaŋmɩn tome.

Ɛsɩdɩrasɩ 6:21 Referans Kwoze

Ɛsɩdɩrasɩ 9:11

fʋ na ƴãw a fʋ tõ-tõ-biir, a fʋ ƴɛ̀r-manbɛ, yel kʋ̀ tɩ a bɛr. Fʋ tɩ de nɩ niwn yel kʋ̀ tɩ à ŋá: “A tẽw nyɩ na na kpɛ so ʋ a ɩ n tẽ-dɛwr, bʋ̃ʋ n'ʋ vɛ̃, a nɩbɛ bɛl na kpɩɛr a ʋ pʋɔ a ɩ n nɩ-dɛgɛ ɛ́ paalɩ ʋ a ziir za nɩ a bɛ ɩ-faar na bɛ maal'ɩ wob a.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Neemi 9:2

Bɛ tɩ ow na yi a bɛlɩ dem za na bɛ ɩ Zifʋ mɩnɛ a pʋɔ, ɛ́ yere kɛ́ bɛ maal'ɩ yel-bebe, bɛlɛ nɩ a bɛ sãàkʋm-kore.

Ɛsɩdɩrasɩ 9:1

A yele á ŋá pùorí, a nɩ-bɛrɛ bɛ mɩnɛ tɩ wa na wa yel mɛ̃: «A Ɩsɩrayɛl nɩbɛ nɩ-zawlɛ, a bàwr-maalbɛ nɩ a levitɩ mɩnɛ, bɛ bɛ ow yi a tẽw dem pʋɔ ɩ. Bɛ cɔwr'ɩ a Kanãa tẽw dem, a Hititɩ mɩnɛ, a Perizitɩ mɩnɛ, a Zebi tẽw dem, a Amɔ̃ tẽw dem, a Mowab tẽw dem, a Eziptɩ tẽw dem nɩ a Amoritɩ mɩnɛ mɩnɛ ɩ-faar na bɛ maal'ɩ wob a.

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Sɛb-sõw yielu 93:5

A fʋ nɛ-ƴãwnɩ ɩ n yel-mɩŋa a za. A sonu n'a sɛw taa nɩ a fʋ yir, Sore e, lɛn daar za a tẽ-daa na na cãà a.

2 Bibie za yel-manɩ 30:19

a bɛlɩ dem na ƴãw fãw bɔbr a Naaŋmɩn, a Sore, a bɛ sãà mɩnɛ Naaŋmɩn, nɩ bɛ pʋɔ za a, bɛlɛ saa bɛ tɛr a vɩɛlʋ al na sɛwnɩ a.»