Ɛsɩdɩrasɩ 4:24 - A SƐB-SÕW

²⁴ A Zerizalɛm a, a Ŋmɩn-yir-kpɛ̃ɛ lɛb-mɛb tome tɩ tɛw na. A tɩ tɛw na tɩ ta a Pɛrsɩ tẽw nãà Daarisɩ naalʋ-dɩb yome ayi sob daar.

Ɛsɩdɩrasɩ 4:24 Referans Kwoze

A naaŋmɩn-ƴɛ̀r-manɛ Aaze sɛbɛ 1:15

a ʋlɩ yũon nɛ, a cuwr ayʋɔb sob bibie lɩzɛr'ɩ anaar sob daar.

A Zɔb sɛbɛ 20:5

a ɩ-fa-maalɛ na mɩ́ zɛb tʋ̃ɔ́ a, a mɩ́ ɩ n ŋmãalɛ ɩ? Fʋ bɛ bãw k'aa ɩ-fa-maalɛ nʋ̃ɔ̀ bɛ kɔwrɛ ɩ?

Neemi 6:9

Bɛ za tɩ sɩrɩ na bɔbr kɛ́ bɛ ɩ dɛ̃bɩ̃ɛ nyɔw tɩ. Bɛ tɩ tɩɛrɛ kɛ́ tɩ na bàl'a tɩɛ a tome bɛr. «Sore e, kʋ̀ m fãw a ton ŋa ƴãw!»

Neemi 6:3

Ɛcɛ ɩ̃ tɩ tõ n nɩbɛ kɛ́ bɛ tɩ yel bɛ à ŋá: «Ɩ̃ cãà na tɛr tome yaga, ɩ̃ kʋ̃ tʋ̃ɔ́ wa a nyɩ zie ɩ. Mãa yel k'ɩ̃ɩ wa tɩ wa nyɛ̃ taa a, a tome na gã na.»

Ɛsɩdɩrasɩ 6:1

A nãà Daarisɩ tɩ ƴãw na bɛ bɔ a Babɩlɔn tẽw pʋɔ, a diru al pʋɔ bɛ na mɩ́ bin a sɛb-kore nɩ a bʋ̃-vɩɛlɩ vɩɛlɩ a.

Ɛsɩdɩrasɩ 5:5

Ɛcɛ a Naaŋmɩn tɩ gùre nɩ a Zifʋ mɩnɛ nɩ-bɛrɛ. Nɩr bɛ tɩ ƴãw bɛ bɛr a tome ɩ, ɛ́ gù kɛ́ manʋ tɩ cen tɩ páw a Daarisɩ, ʋʋ mɩ̀ lɛb tɩr a ʋ sɔwfʋ.

1 Tesalonikɩ 2:18

Al ƴãw n'a tɩ tɩ bɔbr kɛ́ tɩ wa a nyɩ zie, ɛ́ a mãa Pol a, ɩ̃ ɩ na kaa gb'aa ŋmɩn za, ɛcɛ a Sɩtaana tɩ piw tɩ nɩ a sɔ́r.

Ɛsɩdɩrasɩ 4:23

A Erehum, a ʋ tuure Sɩmsaɩ nɩ a bɛ taabɛ na dɛ wa bãw a Artazɛrsɛsɩ sɛb-tʋɔla ƴɛ̀rʋ a, bɛ ìr'ɩ fɔ̃wlɛ cen a Zerizalɛm tɩ ɩ n fãw a Zifʋ mɩnɛ bɛr a tome.

Ɛsɩdɩrasɩ 5:1

Ɛcɛ bibir kãw, a naaŋmɩn-ƴɛ̀r-manbɛ Aze nɩ Zakari na ɩ Ido bidɛb a, tɩ ƴɛ̀r'ɩ a Zerizalɛm nɩ a Zuda tẽw Zifʋ mɩnɛ zie, a bɛ Naaŋmɩn, a Ɩsɩrayɛl Naaŋmɩn yúor ƴãw.

Ɛsɩdɩrasɩ 6:14

A naaŋmɩn-ƴɛ̀r-manbɛ Aze de nɩ Zakari na ɩ Ido bidɛb a ƴɛ̀rʋ tɩ sõwne nɩ a Zifʋ mɩnɛ nɩ-bɛrɛ bɛ cãà mɩɛr a yir ɛ́ a tome cere vla. Bɛ tɩ baar'ɩ a mɛb mɛ̃ a lɛ a Ɩsɩrayɛl Naaŋmɩn na yel a, nɩ a lɛ a Pɛrsɩ tẽw na-mɩnɛ Siirisɩ, Daarisɩ nɩ Artazɛrsɛsɩ na yel a.

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 2:15

A Sore tɩ lɛb'a yel: «A ƴɛrɛŋa a, nyɩ cɛlɛ be vla nyɛ̃ a ʋlɩ bom nɛ na na ɩ, a na dɛ tĩ a dɩ̃a a. Nyɩ na bɛ tɩ tĩ wobr a kʋsɛbɛ ɓanɛ taa a ɩ̃ yir-kpɛ̃ɛ ŋmãafʋ ƴãw a,

Zakari 1:1

A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a zie.

Ɛsɩdɩrasɩ 3:8

A yũon ʋl na tu a bɛ lɛb-waa yũon a Naaŋmɩn yir tẽ-kpɛ̃ɛ pʋɔ a Zerizalɛm a, a cuwr ayi sob daar, a Saltɩɛl bidɛb Zorobabɛl, a Yosadakɩ bidɛb Zozue, a bɛ yɛbr bàwr-maalbɛ, a levitɩ mɩnɛ nɩ a bɛlɩ dem za na tɩ yi a diw-cenu zie lɛb wa a, bɛ tɩ nyɔw nɩ a tome. Bɛ tɩ kaa na ír a levitɩ mɩnɛ bɛl na tɛr yome lɩzɛr'ɩ dɔwlɛ a, ƴãw kɛ̀ bɛ kaarɛ a Sore yir-kpɛ̃ɛ mɛb tome zie.

Ɛsɩdɩrasɩ 4:5

A Pɛrsɩ tẽw nãà Siirisɩ naalʋ-dɩb daar za tɩ ta n a Daarisɩ naalʋ-dɩb daar a, bɛ tɩ ŋmɛ n a nãà yã-wulbɛ nɛ́ɛ, kɛ́ bɛ ɩ a Zifʋ mɩnɛ pʋ-tɩɛrʋ ta maalɩ ɛ.

Ɛsɩdɩrasɩ 6:15

A Ŋmɩn-yir-kpɛ̃ɛ tɩ baar'ɩ a Adaar cuw bibie lɩzɛr'ɩ ata sob, a Daarisɩ naalʋ-dɩb yome ayʋɔb sob daar.

A naaŋmɩn-ƴɛ̀r-manɛ Aaze sɛbɛ 2:18

Nyɩ cɛlɛ be vla nyɛ̃ a ʋlɩ bom nɛ na na ɩ, a na dɛ tĩ a dɩ̃a a. A bibir ŋa bɛ na sʋ̃ɔ́ a ɩ̃ yir-kpɛ̃ɛ pɛr a, ɩ n a cuwr piwaɩ sob bibie lɩzɛr'ɩ anaar sob, nyɩ bãwnɩ ʋ vla.