Eziptɩ tẽw yib 7:9 - A SƐB-SÕW

⁹ «A Faarawɔ̃ wa yel kɛ́ nyɩ maalɩ nɔ-ɓãa-yel kãw a, a fʋ̃ʋ Moyiir, fʋ na yel'ɩ a Aarɔ̃ k'ʋʋ de a ʋ dabɔl lɔb bin a Faarawɔ̃ niŋé. A dabɔl na lɩɛb'ɩ waab.»

Eziptɩ tẽw yib 7:9 Referans Kwoze

Zã 2:18

Ɛcɛ a Zifʋ mɩnɛ tɩ sowr'ʋ na: «Yel-na-ɩ-bãwfʋ-sãá-a buor sob'ʋ fʋ na tʋ̃ɔ́ maalɩ wul tɩ kɛ́ fʋ tɛr'ɩ sɔ́r na ɩrɛ à à ŋá?»

Ɩzayi 7:11

«Zɛlɩ bãwfʋ kãw a Sore fʋ Naaŋmɩn zie a kpɩmɛ-tẽw pɛrɩ́ za, bɩɩ a saa-zu za a salom zu.»

Eziptɩ tẽw yib 4:2

A Sore tɩ sowr'ʋ na: «Bʋ̃ʋ n'ʋ fʋ tɛr a nũú?» A Moyiir sɔw: «Dabɔl'ʋ.»

Zã 6:30

Ɛ̀ bɛ lɛb sowr'ʋ: «Yel-na-ɩ-bãwfʋ-sãá-a buor sob'ʋ fʋ na maalɩ kɛ̀ tɩ tʋ̃ɔ́ nyɛ̃, ɛ́ sàw de a fʋ yele? Tõ-buor'ʋ fʋ na tõ?

Eziptɩ tẽw yib 4:17

De a dabɔl ŋa tɛr a nũú, ʋlɛ n'ʋ fʋ na maalɛ nɩ a nɔ-ɓãa-yele.»

Eziptɩ tẽw yib 10:13

A Moyiir tɩ tùr'ɩ a ʋ dabɔl a Eziptɩ tẽw zu, a Sore ɩ saa-pɛrɩ́ sɛsɛb fu a bibi-ɓil za, nɩ a tɩ̃ɩsɔw za. A biɓaara a, a sɛsɛb tɩ wa n nɩ a sãsoge.

Zã 10:38

Ɛcɛ mãa wa tone a a, nyɩmɛ saa bɛ sàw de m a, nyɩɩm sàw de a tome á ŋá, kɛ́ nyɩ tʋ̃ɔ́ bãw ɛ́ sàw kɛ́ a ɩ̃ Sãà sɩrɩ na lãw nɩ mɛ̃, mɛ̃ a lɛ ɩ̃ na lãw nɩ a ɩ̃ Sãà a.»

Matie 12:39

Ʋ tɩ sɔw bɛ na: «A dɩ̃a nɩbɛ bɛ ŋa, na ɩ nɩ-faar ɛ́ bɛ tuur Naaŋmɩn a, bɔbr'ɩ bãwfʋ, ɛcɛ bɛ kʋ̃ nyɛ̃ bãwfʋ kãw za ʋ bɛ ɩ a naaŋmɩn-ƴɛ̀r-manɛ Zonasɩ dem ɛ.

Ezekɩɛl 29:3

Yel a ƴɛ̀rʋ á ŋá a mãa Sore Naaŋmɩn na yere a kʋ̀ ʋ: Ɩ̃ na ìr'ɩ a fʋ ƴãw, a fʋ̃ʋ Faarawɔ̃, a Eziptɩ tẽw nãà. Fʋ ɩ na mɛ̃ ɩb-kpɛ̃ɛ na gã a Nɩl kʋ̃ɔ pʋɔ a. Fʋ yel'a: “Mãa so a man, mãa n'ʋ maalɩ ʋ.”

Eziptɩ tẽw yib 9:23

A Moyiir tɩ tùr'ɩ a ʋ dabɔl cɔw a salom, a Sore ɩ a saa tanɩ, ɛ́ a sa-bi-kube lore. A saa tɩ nyɩwrɩ na siw ba, ɛ́ a Sore ɩ a sa-bi-kube lore a tẽw za zu.

Eziptɩ tẽw yib 4:20

Lɛ n'a a Moyiir tɩ ƴãw a ʋ pɔw nɩ a ʋ bidɛbr do zɔm a bõw, ʋ lɛb cen a Eziptɩ. Ʋ tɩ ƴãw nɩ a ʋ dabɔl a Naaŋmɩn na yel k'ʋʋ de a a nũú.

Eziptɩ tẽw yib 7:8

A Sore tɩ yel'ɩ a Moyiir nɩ a Aarɔ̃:

Eziptɩ tẽw yib 4:3

A Sore yel ʋ: «Lɔb ʋ bɛr tẽw!» Ʋ lɔb bɛr a tẽw, a dabɔl lɩɛbɩ waab. A Moyiir tɩ̃wnɩ yi pùor fɔ̃wlɛ.