Eziptɩ tẽw yib 6:1 - A SƐB-SÕW

¹ A Sore tɩ sɔw nɩ a Moyiir: «Ƴɛrɛŋa a, fʋ na nyɛ̃ nɩ a ʋlɩ bom nɛ ɩ̃ na na ɩ a Faarawɔ̃ a. A ɩ̃ kpãkpãw-kpɛ̃w na fɛr ʋ na, ʋ bɛr a Ɩsɩrayɛl nɩbɛ bɛ cen: mɔ̃ mɩ̀, a ɩ̃ kpãkpãw-kpɛ̃w na ɩ na ʋ diw bɛ a ʋ tẽw pʋɔ!»

Eziptɩ tẽw yib 6:1 Referans Kwoze

Eziptɩ tẽw yib 12:33

A Eziptɩ tẽw dem na tɩ tɩ́ɛrɛ kɛ́ bɛ na kpi n bɛ za a, tɩ canɛ nɩ a Ɩsɩrayɛl nɩbɛ kɛ́ bɛ yi zaa fɔ̃w a tẽw pʋɔ.

Sɛb-sõw yielu 136:12

Kpɛnʋ nɩ gãdaalʋ n'a ʋ tõ n a lɛ, a ʋ nɔ̃wfʋ na be kʋralɛ a ƴãw.

Eziptɩ tẽw yib 12:39

A Ɩsɩrayɛl nɩbɛ tɩ maal'ɩ ble zɔ̃ sɛ̃sɛ̃ na bɛ ƴãw dãbɩl a, nɩ a dipɛ̃ zɔ̃ bɛ na tɩ naw tuo yi n a Eziptɩ a. Bʋ̃ʋ n'ʋ vɛ̃, bɛ na tɩ diw bɛ a Eziptɩ a, a zɔ̃ bɛ na naw a bɛ tʋ̃ɔ́ ìr ɛ, ɛ́ bɛ mɩ̀ bɛ tʋ̃ɔ́ tɛr bʋ̃-dɩrɩ lo n a sɔ́r ɛ.

Eziptɩ tẽw yib 12:31

A Faarawɔ̃ tɩ bʋɔl'ɩ a Moyiir nɩ a Aarɔ̃ a tɩ̃ɩsɔw nɛ wa yel bɛ: «Nyɩ ìr yi zaa a ɩ̃ nɩbɛ sɔgɔ, nyɩmɛ nɩ a Ɩsɩrayɛl nɩbɛ. Nyɩ cen tɩ maalɩ a Sore mɛ̃ a lɛ nyɩ na yel a.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

Eziptɩ tẽw yib 11:1

A Sore tɩ yel'ɩ a Moyiir: «Ɩ̃ na ƴãw nɩ dɔwr-kpɛ̃ɛ pɛ-baara a Faarawɔ̃ nɩ a Eziptɩ tẽw nɩbɛ. Al pùorí a, ʋ na bɛr nyɩ na nyɩ cen, mɔ̃ mɩ̀, ʋ na diw nyɩ na, nyɩ kʋ̃ lɛb wa a ka ɩ.

Ɩzayi 63:12

A cenu daar a, ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w. Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé, k'ʋʋ tʋ̃ɔ́ páw yúor na be kʋralɛ a.

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

2 Bibie za yel-manɩ 20:17

Nyɩ kʋ̃ tɩ zɛb'ɩ bɛ a be ɩ. Nyɩ ta a be, àr ɛ́ jɩ́rɛ a lɛ a Sore na na zɛb tʋ̃ɔ́ a nyɩ ƴãw a. Zerizalɛm nɩbɛ nɩ Zuda nɩbɛ ɛ, nyɩ ta zɔrɛ bom za ɩ, ɛ́ ta bɛr dɛ̃bɩ̃ɛ tɛr nyɩ ɛ! Bio, nyɩ yi tuori bɛ, ɛ́ a Sore na be n a nyɩ zie.»

2 Na-mɩnɛ 7:19

A nãà sojarɩ nɩ-kpɛ̃ɛ tɩ sowr'ɩ a lɛn daar: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize tɩ sɔw na: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Sɔr-nɛ́ɛ 23:23

A Ɩsɩrayɛl nɩbɛ bɛ tɛr a tɩtɩblʋ nɩ a ʋ ɩ-ɩrɩ yel-ɩra ɩ. A daar mɩ́ wa ta a, bɛ mɩ́ bãw nɩ bom nɛ za a Naaŋmɩn na ɩrɛ a.

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Eziptɩ tẽw yib 13:3

A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ.

Nɩ-toni 13:17

A Ɩsɩrayɛl bʋʋrɛ Naaŋmɩn tɩ kaa na ír a tɩ sãàkʋm-kore. Ʋ tɩ ɩ na a ʋ nɩ-bʋʋrɛ yɛ̀r, a lɛn daar bɛ na tɩ be a Eziptɩ a, ʋʋ wa ɩ n gãdaalʋ bɛ yi a be.

Eziptɩ tẽw yib 7:4

ɛ́ a Faarawɔ̃ kʋ̃ bɛr wõ a nyɩ ƴɛ̀rʋ ɛ. Lɛ n'a ɩ̃ na ɩ dɔwrʋ na ta dɔwrʋ a ta, a Eziptɩ bãw k'ɩ̃ɩ tɛr'ɩ fãw, ɩ̃ɩ ɩ a ɩ̃ zɛbr-nɩbɛ, a ɩ̃ nɩ-bʋʋrɛ, a Ɩsɩrayɛl nɩbɛ, yi a tẽw ŋa pʋɔ.

Eziptɩ tẽw yib 7:5

A Eziptɩ tẽw dem na bãw na kɛ́ mãa n'ɩ a Sore, a lɛn daar ɩ̃ nãà wa zɛw a nũu a bɛ ƴãw, k'ɩ̃ɩ ɩ a Ɩsɩrayɛl nɩbɛ yi zaa a bɛ tẽw pʋɔ a.»

Eziptɩ tẽw yib 15:6

A fʋ dʋrʋ nũu a bɩɩ, Sore e, nyɛ̃ kpɛ̃w ʋ na kpɛmɛ a! A fʋ dʋrʋ nũu a, Sore e, ʋ tʋ̃ɔ́ nɩ a fʋ dɔ̃ dem pẽlẽpẽlẽ.

Eziptɩ tẽw yib 13:9

A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Eziptɩ tẽw yib 13:14

A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a.

Eziptɩ tẽw yib 13:16

A bagɛ á ŋá na ɩ na nyɩ cãà bãwnɩ a, a mɩ̀ na ɩ n bãwfʋ nyɩ ƴãw a a nyɩ kpãkpãw ƴãw nɩ a nyɩ gbẽé. A na ɩ na nyɩ cãà bãwnɩ a k'aa Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ.»

Sɔr-nɛ́ɛ 11:23

A Sore tɩ sɔw ʋ na: «A ɩ̃ fãw nɔ̃w bɛ ta bɩɩ? Ka nɩ blã a, fʋ na nyɛ̃ nɩ a ƴɛ̀rʋ ɩ̃ na ƴɛ̀r kʋ̀ b a, a na tu na bɩɩ a kʋ̃ tu.»

Sɛb-sõw yielu 12:6

«Ɛcɛ ƴɛrɛŋa a, a Sore yere na, a nan dem bɛ na dɔwrɛ a, nɩ a bãbàalbɛ na kone a ƴãw, ɩ̃ ìre na. Ɩ̃ na faa nɩ a sob nɛ bɛ na pɩ́rɛ nɩ nũu bɛrɛ a.»