Eziptɩ tẽw yib 24:4 - A SƐB-SÕW

⁴ A Moyiir tɩ sɛb'ɩ a Sore ƴɛ̀rʋ za. Ɛ́ a bio daarɩ́ ʋ dãwnɩ ìru, mɛ bàwr-maal-kuur a tãw sɩ̃ɛ́, ɛ́ mɩ̀ bin kʋsɛbɛ pie nɩ ayi teli teli, a Ɩsɩrayɛl nɩbɛ dɔwlʋ pie nɩ ayi ƴãw.

Eziptɩ tẽw yib 24:4 Referans Kwoze

Wulu-ayi-sob 31:9

A Moyiir tɩ sɛb'ɩ a Naaŋmɩn wulu ŋa, ɛ́ de ʋ kʋ̀ a bàwr-maalbɛ na ɩ a Levi bʋʋrɛ ɛ́ so a wõ-taa daga tuofʋ a, nɩ a Ɩsɩrayɛl nɩbɛ nɩ-kore za.

Yele-za-pɛr-tib 28:18

A Zakɔb tɩ dãwnɩ nɩ ìru, de a kʋsɩɛr ʋ na kɔw nɩ a zu a bin teli ɛ́ cir kãá ƴãw a nyʋɔrɩ́, ʋ ɩ kʋsɛ-tela.

Yel-wula 21:14

A tẽw dacin tɩ mɛ na dɔwlɩ kʋsɛbɛ pie nɩ ayi zu bɛ na sʋ̃ɔ́ nɩ a pɛr a, ɛ́ a Pele nɩ-toni pie nɩ ayi yée sɛb a kʋsɛbɛ zu.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Luka 22:30

nyɩ na dɩ na ɛ́ nyũ a ɩ̃ bʋ̃-dɩrɩ dɩb zie, a ɩ̃ naalʋ-dɩb daar, ɛ́ nyɩ na zɩ̃ n naalʋ-dà-kɔwr zuru maal'ɩ a Ɩsɩrayɛl dɔwlʋ pie nɩ ayi a ƴɛ̀rʋ.»

Ɛsɩdɩrasɩ 6:17

A cuw ŋa ƴãw a, bɛ tɩ kʋ n nadɛɛ kʋba (100), pʋ́rɩ kɔbr ayi (200) nɩ peli kɔbr anaar (400) maal'ɩ bàwr. Bɛ mɩ̀ tɩ kʋ n bʋrɩ pie nɩ ayi, dɔwlʋ za bʋra, k'aa Naaŋmɩn dɩ a Ɩsɩrayɛl nɩbɛ za yel-bebe suur kʋ̀ bɛ.

1 Na-mɩnɛ 11:30

Ʋ tɩ nyɔw ʋ na taw cɩɛrɩ põ ziir pie nɩ ayi.

Zozue 4:20

A Gilgal'a a Zozue tɩ ƴãw bɛ teli a kʋsɛbɛ pie nɩ ayi al bɛ na tɩ ɓáw a Zurdɛ̃ pʋɔ a.

Sɔr-nɛ́ɛ 17:2

«Yel a Aarɔ̃ bidɛb, Eleazaar, na ɩ bàwr-maalɛ a, k'ʋʋ ír a parfɛ̃ nyɩwfʋ-koli a vũumí, ɛ́ cir a vũu-bie yaarɩ bɛr zi-zãána. A parfɛ̃ nyɩwfʋ-koli á ŋá ɩ n son.

Levitɩ mɩnɛ 24:5

«Ɩ zɔ̃ maal'ɩ dipɛ̃-ɓãgalɩ pie nɩ ayi, kãw za mɩ́ tɛr kilo ayʋɔb.

Eziptɩ tẽw yib 28:21

Bɛ na wi n a Zakɔb bidɛbr pie nɩ ayi been been yée ƴãw kʋsɛ-bir za zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a. A kʋsɛ-bie pie nɩ ayi na ɩ n a Ɩsɩrayɛl nɩbɛ dɔwlʋ pie nɩ ayi bãwfʋ.»

Yele-za-pɛr-tib 31:45

Lɛ n'a a Zakɔb tɩ ɓáw kʋsɩɛr bin teli.

Yele-za-pɛr-tib 28:22

A kʋsɩɛr ŋa ɩ̃ na bin teli ɛ́ maalɩ a na ɩ n Naaŋmɩn yir, ɛ́ a alɩ bome nɛ za a Naaŋmɩn na na kʋ̀rɛ mɛ̃ a, ɩ̃ na mɩ́ kʋ̀ ʋ nɩ a ziir pie sob.»

Eziptɩ tẽw yib 17:14

A Sore tɩ yel'ɩ a Moyiir: «Sɛb à á ŋá za ƴãw sɛbɛ pʋɔ, a nɩbɛ taa yiire bɛrɛ ɩ. Ɛ́ yel a Zozue k'ɩ̃ɩ na kʋ n a Amalesitɩ mɩnɛ pàw pɛr, nɩr za yiiri a bɛ yele a tẽw zu.»

Eziptɩ tẽw yib 17:15

A Moyiir tɩ mɛ n bàwr-maal-kuur por a yúor kɛ́ «A Sore n'ɩ a ɩ̃ dɩrapo.»

Eziptɩ tẽw yib 21:1

A Sore tɩ yel'a ƴãw pʋɔ: «Nyɛ̃ a wulu a mɩnɛ fʋ na na tɩ ƴɛ̀r wul a Ɩsɩrayɛl nɩbɛ a:

Eziptɩ tẽw yib 24:7

Al pùorí ʋ de a wõ-taa sɛbɛ kanɩ a yi a nɩbɛ niŋé. A Ɩsɩrayɛl nɩbɛ tɩ yel'a: «A lɛ za a Sore na yel a, tɩ na tu na, tɩ na sàw nɩ a ʋ nʋɔr.»

Eziptɩ tẽw yib 34:27

A Sore tɩ cãà na yel a Moyiir: «Sɛb a nɛ-ƴãwnɩ á ŋá. Bʋ̃ʋ n'ʋ vɛ̃, a al zũu n'a ɩ̃ maalɛ nɩ fʋ a wõ-taa, ɛ́ mɩ̀ maalɛ nɩ a Ɩsɩrayɛl nɩbɛ.»

Ɩzayi 19:19

Bibir kãw, bàwr-maal-kuur na be n a Eziptɩ tẽw sɔwlɩsɔw a Sore ƴãw, ɛ́ kʋsɛ-tela be a ʋ ƴãw a tẽw tʋr-bɔw ƴãw.

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Zozue 4:5

wa yel bɛ: «Nyɩ tɔl a Sore nyɩ Naaŋmɩn wõ-taa daga niŋé, kpɛ a Zurdɛ̃ sɔwlɩsɔw, ŋa za mɩ́ tɩ ɓáw kʋsɩɛr tuo a ʋ bawŋman zu, k'aa Ɩsɩrayɛl dɔwlʋ za mɩ́ tɛr kʋsɛ-been,

1 Na-mɩnɛ 18:31

Ʋ tɩ de nɩ kʋsɛbɛ pie nɩ ayi na ɩ a Zakɔb bʋʋrɛ dɔwlʋ pie nɩ ayi nʋɔr a — a Zakɔb ŋa n'ʋ a Sore tɩ yel: «Dɩ̃a na ta a, fʋ na dɩ n Ɩsɩrayɛl.» —

Neemi 10:1

A yele á ŋá za na tɩ ta tɩ a zũú, a tɩɩm Ɩsɩrayɛl nɩbɛ, tɩ tɩ yel'ɩ a lɛ tɩ na na ɩ tuotuo a, ɛ́ sɛb a ƴãw sɛbɛ pʋɔ. A tɩ nɩ-bɛrɛ, a tɩ levitɩ mɩnɛ nɩ a tɩ bàwr-maalbɛ tɩ nɛ̃ nɩ a nũu a sɛbɛ na tɛr a ŋmaarʋ-bʋ̃-ƴãwna a zu.