Eziptɩ tẽw yib 23:1 - A SƐB-SÕW

¹ «Nyɩ ta mɩ́ ŋmɛ yele na bɛ ɩ sɩza a yaarɩ nɩ ɛ. Nyɩ ta mɩ́ dɩ dãsɩ-ziri kpɛ sãwna sob ɛ.

Eziptɩ tẽw yib 23:1 Referans Kwoze

Sɛb-sõw yielu 101:5

Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

Zʋkpaɩ 19:5

A dãsɩ-ziri sob kʋ̃ vɛ̃ bɛ nyɛ̃ dɔwrʋ ɛ, ɛ́ a zir-ŋmarɛ bɛ cɩ̃ɛnɛ ɩ.

Eziptɩ tẽw yib 20:16

«Fʋ kʋ̃ dɩ dãsɩ-ziri màl a fʋ tɔ ɩ.»

Sɛb-sõw yielu 35:11

Dãsɩ-ziri dem ìre na: bɛ sowre mɛ̃ nɩ yele ɩ̃ na bɛ bãw a.

Wulu-ayi-sob 5:20

Fʋ kʋ̃ dɩ dãsɩ-ziri sãw a fʋ tɔ ɩ.

Levitɩ mɩnɛ 19:16

Nyɩ taa tɛrɛ gɛgɛrʋ a nyɩ tẽ-bi-taabɛ zie ɩ. Nyɩ taa ŋmarɛ ziri ƴãwnɛ nɩr bɛ ƴãwnɛ ʋ kũu dɔwrʋ ɛ. Mãa n'ɩ a Sore.»

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

Ʋrɔm 3:8

Alɛ wa ɩ à ŋá a, bʋnʋ ƴãw n'a tɩ kʋ̃ maalɛ a faa k'aa vla wa tʋ̃ɔ́ yi a be, mɛ̃ a lɛ bɛ mɩnɛ kãw na ŋmarɛ ziri ƴãwn tɩ kɛ́ lɛ n'a tɩ yere a? A nɩbɛ bɛ ŋa sɛwnɩ nɩ a dɔwrʋ bɛ na na páw a.

Zʋkpaɩ 19:9

A dãsɩ-ziri sob kʋ̃ vɛ̃ bɛ nyɛ̃ dɔwrʋ ɛ, ɛ́ a zir-ŋmarɛ na bɔr'a.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

2 Timote 3:3

Bɛ kʋ̃ tɛr nɔ̃wfʋ ɛ, ɛ́ bɛ tɛr nɩbaal-zɔba ɩ. Bɛ na ɩ n gɛgɛrɩ, ɛ́ kʋ̃ tuur nʋɔr kãw za ɩ, po-to-faar nɩbɛ na ciir yel vla a.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Zʋkpaɩ 24:28

Ta yel a fʋ tɔ sob sãwna ɛ́ a bɛ tɛr pɛr ɛ. Fʋ nɔ̃w bɔbr'a kɛ́ fʋ ŋmãa ziri bɩɩ?

Zʋkpaɩ 21:28

A dãsɩ-ziri sob na kpi na, ɛcɛ nɩr na bãw a bɛr-wob a na tɛr'ɩ sɔ́r mɩ́ ƴɛ̀r kʋralɛ.

Zʋkpaɩ 10:18

A dɔ̃ sɔwlʋ ɩ n nɩsaal-libelibe ɩb, ɛ́ sob nɛ na gɛrɛ a ʋ taabɛ a ɩ n dãbol.

Sɛb-sõw yielu 15:3

Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

Levitɩ mɩnɛ 19:11

«Nyɩ taa zure ɩ, nyɩ taa ŋmaarɛ ziri ɛ, nyɩ taa bɛ̀lɛ a nyɩ tɔ sob ɛ.

Luka 19:8

Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.»

Luka 3:14

Sojarɩ mɩ̀ tɩ sowri ʋ na: «Ɛ́ tɩɩm, bʋ̃ʋ n'ʋ a fɛr kɛ́ tɩ ɩrɛ?» Ʋ tɩ sɔw bɛ na: «Nyɩ ta farɛ bɩɩ ŋmarɛ ziri dier nɩr libir ɛ, nyɩ mɩ́ de a nyɩ yar tɛwr.»

Matie 19:18

Ʋ lɛb sowr'ʋ: «Nɛ-ƴãwnɩ abobe?» A Yeezu sɔw: «Ta kʋ nɩr ɛ, ta maalɩ pɔw-gaa yel-bier ɛ, ta zu ɛ, ta dɩ dãsɩ-ziri ɛ,

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zʋkpaɩ 25:23

A saa-pɛrɩ́-gʋba-lowr sɛsɛb waar'ɩ nɩ saa, ɛ́ a ziri waar'ɩ a taabɛ suur.

Zʋkpaɩ 25:18

Dakpuli-ŋmãa, zɛbr-sɔ-kpɛ̃ɛ bɩɩ pĩi-nɔ-ɓɩlɓɩl, lɛ n'a a nɩr na dɩ dãsɩ-ziri a ʋ tɔ ƴãw a ŋmɛ̃.

Zʋkpaɩ 19:28

Dãsɩɛ sob na bɛ tɛr pɛr a mɩ́ ɩrɛ nɩ a yel na tu sɔ́r a laar. A nɩ-faar nʋɔr nɔnɛ nɩ a yel-faa maalʋ.

Zʋkpaɩ 17:4

A yel-fa-maalɛ mɩ́ ƴãw nɩ a ʋ tobr a ƴɛ̀r-faar ƴãw, ɛ́ a zir-ŋmarɛ bɛrɛ wone a yel-ziri.

Zʋkpaɩ 12:17

Sob nɛ na yere yel-mɩŋa a mɩ́ sõw nɩ a mɩnʋ ʋ sãá, ɛcɛ a dãsɩ-ziri sob mɩ́ sõw nɩ a ziri.

Sɛb-sõw yielu 120:3

Bʋ̃ʋ n'ʋ a Naaŋmɩn na ɩ nyɩ, ɛ́ cãà lɛb ɩ dɔwlɩ, nyɩɩm na bɛ̀lɛ a nɩbɛ a?

Sɛb-sõw yielu 27:12

Ta bɛr mɛ̃ bɛ ɩ m mɛ̃ a lɛ bɛ na tɩ́ɛrɛ a ɩ, bʋ̃ʋ n'ʋ vɛ̃, dãsɩ-ziri dem ìr'ɩ a ɩ̃ ƴãw bɔbr kɛ́ bɛ fɛrɛ mɛ̃.

2 Samɩɛl 19:27

Ʋ sɔw: «Nãà ɩ̃ sore e, a ɩ̃ tõ-tõ-bie n'ʋ tuli mɛ̃. Ɩ̃ tɩ tɩɛr'ɩ ɩ̃ pʋɔ à ŋá: “Ɩ̃ na bɛ tʋ́ɔr cere a, ɩ̃ na ƴãw na bɛ ƴãw a ɩ̃ bõw a kɔw, ɩ̃ zɔm bɩɛl'ɩ a nãà.”

2 Samɩɛl 16:3

A nãà lɛb yel: «Ɛ́ a fʋ sore Sawul yãw, Mefibosɛtɩ, ʋ ɩ n ŋmɩn?» A Sɩva sɔw: «Ʋ cãà nɩ a Zerizalɛm, bʋ̃ʋ n'ʋ vɛ̃, ʋ tɩɛrɛ na k'aa Ɩsɩrayɛl nɩbɛ na de nɩ a ʋ sãàkʋm naalʋ kʋ̀ ʋ a dɩ̃a.»

Eziptɩ tẽw yib 23:7

Nyɩ ta cɛlɛ a ziri zie ɩ. Nyɩ taa kʋrɛ nɩr na bɛ tɛr sãwna a ɩ, nɩ nɩr na ɩ nɩ-mɩŋa a ɩ. Bʋ̃ʋ n'ʋ vɛ̃, a mãa Sore a, ɩ̃ bɛ kʋ̀rɛ yel-mɩŋa sãwna sob ɛ.

Zã 7:51

«A tɩ Naaŋmɩn wulu tɩ na tuur a, tɩ na tʋ̃ɔ́ na ƴãw bɛ kʋ nɩr, ɛ́ bɛ dãw de niwn wõ a ʋ sob ƴɛ̀rʋ, bãw ʋlɩ bom nɛ ʋ na ɩ a bɩɩ?»

Yele-za-pɛr-tib 39:17

A nɔ-been nɛ n'ʋ ʋ tɩ ƴɛ̀r kʋ̀ ʋ: «A ebre gbãgbaa fʋ na tɛr wa kʋ̀ tɩ a wa n a ɩ̃ zie k'ʋʋ wa sãw mɛ̃ bɛr.

Zʋkpaɩ 14:5

Dãsɩɛ sob na yere yel-mɩŋa a bɛ ŋmarɛ ziri ɛ, ɛcɛ ziri tɛwr'a a dãsɩ-ziri sob mɩ́ ŋmarɛ.