Eziptɩ tẽw yib 18:1 - A SƐB-SÕW

¹ A Moyiir dɩɛm-sãà Zetoro na ɩ a Madian bàwr-maalɛ a, tɩ wõ n a lɛ za a Naaŋmɩn na ɩ a Moyiir nɩ a ʋ nɩ-bʋʋrɛ ƴãw a. Ʋ tɩ wõ n a lɛ a Sore na ɩ bɛ yi a Eziptɩ a.

Eziptɩ tẽw yib 18:1 Referans Kwoze

Eziptɩ tẽw yib 3:1

A Moyiir tɩ àrɛ nɩ nɩ a ʋ dɩɛm-sãà Zetoro na ɩ a Madian tẽw bàwr-maalɛ a píir nɩ bʋʋr. Bibir kãw, ʋ tɩ kpa n a dʋn tɩ zuo nɩ a wɛja-kpalɛ bɛr ɛ́ tɩ ta n a Naaŋmɩn tãgɛ̃́, a Orɛb.

Eziptɩ tẽw yib 2:16

A Madian tẽw bàwr-maalɛ tɩ tɛr'ɩ pɔwyaar ayopõi. Bɛ tɩ wa na kɛ́ bɛ wa 'wɔ̃w kʋ̃ɔ paalɩ a dʋn balɛ̃wnɩ, a bɛ sãà píir nɩ a bʋʋr nyũ.

Nɩ-toni 14:27

Bɛ na tɩ ta a daadaalɛ a, bɛ bʋɔl'ɩ a Lãw-yir dem ɓã taa, ɛ́ manɩ a yele al za a Naaŋmɩn na tɩ lãw nɩ bɛ maalɩ a, nɩ a lɛ ʋ na yuo a ʋ sàw-deb dɩ̃dɔr kʋ̀ a nɩ-bʋʋr-yoru a.

Zakari 8:23

A lɛn daar a, mãa n'ʋ yere, nɩ-sãanbɛ pie a ƴɛ̀rʋ na ɩ tɛɛtɛɛ a na mɩ́ nyɔw nɩ Zifʋ been kparʋ ƴãw ɛ́ yel ʋ: “Tɩ bɔbr'a kɛ́ tɩ páw nyɩ cen, bʋ̃ʋ n'ʋ vɛ̃, tɩ wõ na kɛ́ a Naaŋmɩn be n a nyɩ zie.”»

Sɛb-sõw yielu 106:2

Ãa n'ʋ na tʋ̃ɔ́ manɩ a Sore gãda-tome, ɛ́ cɛ̀ a ʋ danʋ ziir za bɛ wõ?

Sɛb-sõw yielu 105:43

Pʋ-pɩɛlʋ pʋɔ n'a ʋ tɛr a ʋ nɩbɛ yi n a Eziptɩ tẽw pʋɔ, a bɛlɩ dem ʋ na tɩ kaa ír a tɩ ŋmɩɛr'ɩ nʋ̃ɔ̀ cɛlsɩ.

Sɛb-sõw yielu 78:4

Tɩ kʋ̃ sɔwl'a a tɩ bibiir zie ɩ. A yele a Sore na maalɩ a ʋ yúor yi a, a ʋ kpɛnʋ, nɩ a nɔ-ɓãa-yele ʋ na maalɩ a, tɩ na man nɩ a za kʋ̀ a nɩbɛ na bɩ́ɛrɛ dɔwr a.

Sɛb-sõw yielu 44:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Koore bibiir yielu na wule yã a.

Sɛb-sõw yielu 34:2

Ɩ̃ na puore nɩ a Sore barka kʋralɛ, a ʋ danʋ na be n a ɩ̃ nʋɔrɩ́ kʋrakʋralɛ.

Zozue 9:9

Bɛ sɔw: «Tẽ-zãána zãána n'a a fʋ tõ-tõ-biir yi waar a Sore fʋ Naaŋmɩn zũú, bʋ̃ʋ n'ʋ vɛ̃, tɩ wõ n a ʋ yúor na yi a, nɩ a lɛ za ʋ na ɩ a Eziptɩ tẽw a,

Zozue 2:10

Bʋ̃ʋ n'ʋ vɛ̃, tɩ wõ na k'aa Sore tɩ ɩ na a Bàa-kɛkɛɛ kʋ̃ɔ-kpɛ̃ɛ ʋ ko a nyɩ Eziptɩ tẽw yib daar. Tɩ mɩ̀ wõ n a lɛ nyɩ na ɩ a Amoritɩ mɩnɛ na-mɩnɛ ayi a, a Sihon nɩ a Ɔgɩ a Zurdɛ̃ saa-pɛrɩ́ a: nyɩ kʋ bɛ na, ɛ́ sãw a bɛ bome za bɛr.

Ʋrɔm 15:18

Bʋ̃ʋ n'ʋ vɛ̃, mãa wa sʋ̃ɔmɩ sàw ƴɛ̀rɛ bom kãw ƴɛ̀rʋ a, a ɩ n a ʋlɩ bom nɛ a Kɩrɩta na tu a ɩ̃ zie maalɩ, k'ʋʋ ɩ a nɩ-bʋʋr-yoru sàwr a Naaŋmɩn nʋɔr a. Ƴɛ̀rʋ nɩ ɩ-ɩrɩ n'a ʋ maal'ɩ a yel ʋl,

Nɩ-toni 15:12

Lɛ n'a a kpaa-ta-kpɛ̃ɛ dem za tɩ ŋmãa vʋʋrʋ, ɛ́ bɛ bɛr wõ a Pol nɩ a Banabasɩ manɩ a nɔ-ɓãa-yele nɩ a yel-bãw-guuri al za a Naaŋmɩn na tɩ ƴãw bɛ maalɩ a nɩ-bʋʋr-yoru zie a.

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Sɛb-sõw yielu 105:5

Nyɩɩm, ʋ tõ-tõ-bie Abraham, bʋʋrɛ ɛ, nyɩɩm, Zakɔb bibiir, ʋ na kaa ír a, nyɩ lɛb tɩɛrɩ a nɔ-ɓãa-yele ʋ na maalɩ a, nyɩ lɛb tɩɛrɩ a gãda-tome nɩ a lɛ ʋ na yel k'ʋʋ na ɩ na a.

Ƴɛ̀r-dɩrbɛ 4:11

A Kenitɩ nɩr Ebɛɛr, tɩ kpɩɛr'a pɩɛlɩ a Kedɛsɩ. Ʋ tɩ bʋ́r'a yi a Kenitɩ mɩnɛ pʋɔ, a Moyiir dɩɛm-sãà Hobab yir Kenitɩ mɩnɛ, ɛ́ cen tɩ maalɩ a ʋ pɛn-sɛw pɩɛlɩ a Saanayim sɛn tɩɛ.

Sɔr-nɛ́ɛ 10:29

A Moyiir tɩ yel'ɩ a Hobab, a ʋ dɩɛm-sãà Erewuyɛl na ɩ Madian tẽw nɩr a, bidɛb: «Tɩ cere nɩ a tẽw a Sore na yel k'ʋʋ na kʋ̀ tɩ na a. Wa tɩ cen, tɩ na tɩ ɩ na fʋ pʋɔ a maalʋ a Sore na yel k'ʋʋ na kʋ̀ n a Ɩsɩrayɛl a pʋɔ.»

Eziptɩ tẽw yib 4:18

A Moyiir tɩ lɛb'a cen a ʋ dɩɛm-sãà Zetoro zie tɩ yel ʋ: «A fɛr'a k'ɩ̃ɩ lɛb ta a ɩ̃ bʋʋrɛ zie a Eziptɩ tẽw nyɛ̃, bɛ cãà na vʋʋrɛ ɛ.» A Zetoro yel ʋ: «Fʋ na cen nɩ nɩ ƴã-ɓaarʋ!»

Eziptɩ tẽw yib 2:21

A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul.

Eziptɩ tẽw yib 2:18

Bɛ tɩ lɛb'a kul a bɛ sãà Erewuyɛl zie, ʋ tɩ sowri bɛ: «Bʋ̃ʋ n'ʋ so nyɩ dãwnɩ waa a dɩ̃a?»

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Ƴɛ̀r-dɩrbɛ 1:16

A Kenitɩ mɩnɛ na ɩ a Moyiir dɩɛm nɩbɛ a tɩ yi n a Kpãkparmɛ tɩɩr tẽw, ɛ́ páw a Zuda dɔwlʋ nɩbɛ cen a Zuda wɛja-kpalɛ pʋɔ na be a Aradɩ tẽw saa-pɛrɩ́-dʋrʋ-lowr a. Bɛ tɩ cen na tɩ kpɩɛr a Amalesitɩ mɩnɛ pʋɔ.