Eziptɩ tẽw yib 16:6 - A SƐB-SÕW

⁶ A Moyiir nɩ a Aarɔ̃ tɩ yel'ɩ a Ɩsɩrayɛl nɩbɛ za: «A zaanʋɔra ŋa a, nyɩ na bãw na k'aa Sore n'ʋ ɩ nyɩ yi a Eziptɩ tẽw.

Eziptɩ tẽw yib 16:6 Referans Kwoze

Eziptɩ tẽw yib 6:7

Ɩ̃ na de nyɩ na, nyɩ ɩ a ɩ̃ nɩbɛ, ɩ̃ɩ ɩ a nyɩ Naaŋmɩn. Nyɩ na bãw na k'aa mãa, a Sore, mãa n'ɩ a nyɩ Naaŋmɩn na íre nyɩ bɛrɛ a Eziptɩ tẽw pɔ̃tɔrɩ tome pʋɔ a.

Sɔr-nɛ́ɛ 16:30

Ɛcɛ a Sore wa maalɩ nɔ-ɓãa-yel a, a tẽsɔw wa 'la gɛ̀lɛ́ vɔl bɛ, bɛlɛ nɩ a bɛ bʋ̃-tɛrɩ za a, bɛlɛ wa siw nɩ-mimie a kpɩmɛ tẽw a, a na sãá nɩ a nyɩ zie kɛ́ bɛ ɩ n a Sore la.»

Sɔr-nɛ́ɛ 16:28

A Moyiir tɩ yel'ɩ à ŋá: «A na sãá nɩ a nyɩ zie k'aa Sore n'ʋ tõ m k'ɩ̃ɩ wa maalɩ à á ŋá za, kɛ́ mãa bɛ n'ʋ nyɛ̃ ɩ̃ tʋɔra ɩrɛ ɩ:

Sɛb-sõw yielu 77:20

Fʋ tu na tɔl a kʋ̃ɔ-kpɛ̃ɛ sɔgɔ, fʋ puo nɩ a fʋ sɔ́r a kʋ̃ɔ-zulu pʋɔ, ɛ́ nɩr za bɛ nyɛ̃ a fʋ gbɛ́ɛ bɔwrɩ ɛ.

Eziptɩ tẽw yib 32:11

Ɛcɛ a Moyiir tɩ zɛlɩ nɩ a Sore ʋ Naaŋmɩn yãayãa, k'ʋʋ ɓãá suur. Ʋ tɩ yel ʋ na: «Sore e, bʋ̃ʋ n'ʋ so fʋ na nyɛ̃ nɩ a fʋ nɩbɛ suur, bɛl a fʋ gãdaalʋ nɩ a fʋ kpãkpã-kpɛ̃w na ɩ bɛ yi a Eziptɩ a?

Eziptɩ tẽw yib 32:7

Lɛ n'a a Sore tɩ yel a Moyiir: «Lɛb siw daadaalɛ! Bʋ̃ʋ n'ʋ vɛ̃, a nɩbɛ fʋ na ɩ bɛ yi a Eziptɩ a, bɛ sãw nɩ faa faa.

Eziptɩ tẽw yib 32:1

A nɩbɛ na tɩ nyɛ̃ a Moyiir ʋ cɛlɛ a tãw lɛb-siwfʋ a, bɛ ɓã n taa a Aarɔ̃ zie yel ʋ: «Ìr! Maalɩ ŋmɩn na na de tɩ niwn a kʋ̀ tɩ. Bʋ̃ʋ n'ʋ vɛ̃, tɩ bɛ bãw ʋlɩ bom nɛ na ɩ a Moyiir a ɩ, a nɩr ŋa na ɩ tɩ yi a Eziptɩ tẽw a.»

Eziptɩ tẽw yib 16:8

A Moyiir tɩ cãà na yel: «Nyɩ na nyɛ̃ na bãw k'aa Sore n'ʋ, a lɛn daar ʋ nãà wa kʋ̀ nyɩ nɛn nyɩ 'wɔb a zaanʋɔra, ɛ́ a biɓaara ʋ kʋ̀ nyɩ dipɛ̃ a man nyɩ a. Bʋ̃ʋ n'ʋ vɛ̃, a Sore wõ n a zɛbr nyɩ na zɛbr'ɩ ʋ a. A tɩɩm a, tɩmɛ mɩ̀ n'ɩ ã-mɩnɛ? Tɩmɛ bɛ nɛbɛ nyɩ zɛbr'ɩ ɛ, a Sore sɩrɩ n'ʋ nyɩ zɛbr'ɩ.»

Eziptɩ tẽw yib 16:3

Bɛ tɩ yere na: «A Sore nãá nɩ̃ɛ tɩ ɩ tɩ kpi a Eziptɩ, a be tɩ na mɩ́ tɩ zɩ̃ kɔw nɛnɛ nɩ dʋwr, ɛ́ mɩ́ dɩ bʋ̃-dɩrɩ tɩ sɛw a! Bʋ̃ʋ n'ʋ vɛ̃, nyɩ tɛr tɩ na wa n a wɛja-kpalɛ ŋa pʋɔ kɛ́ nyɩ wa bɛr tɩ tɩ kpi kɔ̃ tɩ za!»

Eziptɩ tẽw yib 12:51

A bibir ŋa tɔr za n'ʋ a Sore tɩ ɩ a Ɩsɩrayɛl zɛbr-nɩbɛ cɔrɩ yi a Eziptɩ tẽw.

Eziptɩ tẽw yib 6:6

Alɛ so ɩ̃ yel kɛ́ fʋ yel à ŋá kʋ̀ a Ɩsɩrayɛl nɩbɛ: “Mãa n'ɩ a Sore. Ɩ̃ na ír nyɩ nɩ a pɔ̃tɔrɩ tome pʋɔ, ɛ́ faa nyɩ a gbãgbaalʋ pʋɔ a Eziptɩ tẽw nɩbɛ na ƴãw nyɩ a. Ɩ̃ na tõ n gãda-tome wul a ɩ̃ kpɛnʋ, lɛb de nɩ nyɩ.

Sɛb-sõw yielu 81:11

Mãa n'ɩ a Sore fʋ Naaŋmɩn na tɛr fʋ yi n a Eziptɩ tẽw pʋɔ a. Háa a fʋ nʋɔr gbayala, ɩ̃ɩ na paal'ʋ na.