A tɩ diw-cenu pùorí yome lɩzɛr'ɩ anũu sob tib daar, a cuw bibie pie sob, a Zerizalɛm zɛb-deb pùorí yome pie nɩ anaar daar tɔr za, a Sore fãw tɩ siw nɩ a ɩ̃ zu. Ʋ tɩ tɛr mɛ̃ na cen nɩ a be.
A diw-cenu pùorí yome ayopõi sob, a cuwr anũu sob bibie pie sob, a Ɩsɩrayɛl nɩ-kore bɛ mɩnɛ tɩ wa na wa zɩ̃ a ɩ̃ niŋé, kɛ́ bɛ sowri mɛ̃ bãw a Sore pʋ-tɩɛrʋ.
A nɩbɛ bɛ na tɩ diw cen nɩ baar'a yome ayʋɔb sob a, a cuwr ayʋɔb sob bibie anũu sob daar a, ɩ̃ tɩ zɩ̃ n a ɩ̃ yir, ɛ́ a Zuda tẽw nɩ-kore tɩ zɩ̃ a ɩ̃ niŋé. Be n'a a Sore Naaŋmɩn fãw tɩ siw a ɩ̃ zu.
«Sowri a nɩ-gaarɩ bɛ ŋa nyɛ̃ bɛlɛ bɛ wa bãw a zʋkpar ŋa pɛr a. Lɛb sɩ̃w a bɛ tɩɛrʋ à ŋá: A Babɩlɔn tẽw nãà kpɛ n a Zerizalɛm, ʋ nyɔw nɩ a nãà nɩ a nɩ-bɛrɛ cen nɩ a Babɩlɔn tẽw.
A diw-cenu pùorí yome pie nɩ ayi sob, a cuwr pie sob bibie anũu sob daar, nɩr kãw na tɩ cãà vʋʋrɛ a Zerizalɛm zɛb-deb pùorí a tɩ wa na wa yel mɛ̃: «A tẽ-kpɛ̃ɛ lo na!»
