Ekilezɩasɩ 9:3 - A SƐB-SÕW

³ A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Ekilezɩasɩ 9:3 Referans Kwoze

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ekilezɩasɩ 1:17

Ɩ̃ ƴãw nɩ fãw bãw a yã-bãwfʋ, bãw a yãyaar nɩ a dãbolu, ɛ́ nyɛ̃ k'aa za nɩ a sɛsɛb diwfʋ mɩ̀ ɩ n been.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

2 Pɩɛr 2:16

Ɛcɛ, ʋ tɩ nyɛ̃ nɩ kpãàfʋ a ʋ sãwna ƴãw: bõw na bɛ ƴɛ̀rɛ a tɩ ƴɛ̀rɛ na mɛ̃ nɩsaal a, ɩ a naaŋmɩn-ƴɛ̀r-manɛ dãbolu baarɩ.

Nɩ-toni 26:24

A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!»

Nɩ-toni 12:23

Ɛcɛ bɛ wa bere na Sore malkɩ ŋmɛ a Erɔdɩ, ʋ na bɛ tɩ sàw danɩ a Naaŋmɩn a ƴãw: zãzule tɩ dɩ ʋ na, ʋ kpi.

Luka 15:17

Lɛ n'a ʋ tɩ tɩɛr ʋ pʋɔ ɛ́ yel ʋ tʋɔra: “Ɩ̃ sãà tõ-tõ-biir'ɩ bɛ ŋa yãwmɛ, ɛ́ mɩ́ dɩ bʋ̃-dɩrɩ guu bɛr, ɛ́ mãa wa zɩ̃ ka kɔ̃ kʋ̀rɛ mɛ̃ ɛ!

Luka 6:11

A Faarizɩ̃ɛ mɩnɛ nɩ a Naaŋmɩn wulu bãw-bãw-karɩ tɩ nyɛ̃ nɩ suur pi kɔkɛɛ. Bɛ tɩ tĩ na bʋ̀rɛ taa a ʋlɩ bom nɛ bɛ na na tʋ̃ɔ́ ɩ a Yeezu a.

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Ekilezɩasɩ 9:2

Yel-been n'ʋ a nɩbɛ za zie. Yel-been n'ʋ mɩ́ ta a nɩbɛ na ɩrɛ a vla nɩ a nɩbɛ na bɛ ɩrɛ a vla a, a nɩ-vla nɩ a nɩ-faa, a nɩbɛ na bɛ tɛr dɛwr nɩ a nɩbɛ na tɛr dɛwr a, a nɩbɛ na maalɛ a bàwr nɩ a nɩbɛ na bɛ maalɛ a bàwr a zie. Owru bɛ ka be a nɩ-vla nɩ a nɩ-faa cara pʋɔ ɩ. Owru bɛ ka be a nɩr na mɩ́ pɔ nɩ a nɩr na zɔrɛ dɛ̃bɩ̃ɛ a pɔb ƴãw a cara pʋɔ ɩ.

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Zʋkpaɩ 14:32

A nɩ-faa ɩ-faar'a mɩ́ kʋ ʋ, ɛcɛ a nɩ-mɩŋa mɩ́ bɛr'ɩ tɩ̀ɛrʋ a ʋ kũu daar tɔr za.

Sɛb-sõw yielu 51:5

Ɩ̃ bɛ sàw a fʋ nʋɔr ɛ, ɩ̃ bãwnɩ a na, a ɩ̃ yel-bier'ɩ ŋan a ɩ̃ niŋé kʋralɛ.

A Zɔb sɛbɛ 15:16

ŋmɩŋmɩn n'a a na ŋmɛ̃ a nɩsaal na ɩ bʋ̃-jewra a ƴãw, a nɩ-faa ŋa na mɩ́ maalɩ a yel-faa mɔlɛ lɛ mɛ̃ ŋmale nʋɔr kʋ̃ɔ ʋ na nyũ a?

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Nɩ-toni 26:11

Kʋralɛ, ɩ̃ mɩ́ tɩ cɔlɛ nɩ a puoru-diru za pʋɔ dɔwrɛ bɛ viire nɩ, ɛ́ fɛrɛ bɛ kɛ́ bɛ zawrɩ a Yeezu sàw-deb. A ɩ̃ su-yãyaar a bɛ ƴãw tɩ ɩ na ɩ̃ mɩ́ diw bɩɛrɩ bɛ tɩ sãá nɩ tẽ-yoru pʋɔ.»

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Ekilezɩasɩ 2:14

Bʋ̃ʋ n'ʋ vɛ̃, a yã-bãwnɛ mɩ́ nyɛ̃ nɩ be ʋ na cere a, ɛ́ a dãbol sob cere lige pʋɔ. Ɛcɛ mãa a, ɩ̃ bãwnɩ a na, a bɛ za ayi baarʋ ɩ n been.

Ekilezɩasɩ 7:2

Yir kuor na kone a cenu sa yir bɛ na dɩrɛ cuw a. A kũu n'ɩ a nɩsaal za baarʋ zie, ɛ́ a fɛr'a k'aa nɩ-vʋʋrɩ mɩ́ tɛr a ʋ tɩɛrʋ.

Ekilezɩasɩ 9:4

Ɛcɛ, nɩr na vʋʋrɛ a n'ʋ na cãà tʋ̃ɔ́ gùre bom. Ba-mimir sa n gbẽw-kũu!

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

A Zɔb sɛbɛ 9:22

Mãa zie a, nɩr na bɛ tɛr sãwna bɩɩ nɩr na tɛr sãwna a, a za ɩ n been, alɛ so ɩ̃ sàw yel k'aa Naaŋmɩn mɩ́ kʋ n a nɩr na bɛ tɛr sãwna a lãwnɩ a nɩr na tɛr sãwna a.

A Zɔb sɛbɛ 21:26

Bɛ mɩ́ ũù nɩ bɛ za a bɔw pʋɔ, zãzule yɛ́r pàw.

Sɛb-sõw yielu 64:7

Bɛ mɩ́ tɩɛr'ɩ a tõ-faar bɛ na na tõ a, ɛ́ yere: «Tɩ cɔbr'ɩ a tɩ yel vla, a pʋ-tɩɛr-sɔwla nɩ a nɩsaal socir zulu tɔ!»

Ekilezɩasɩ 9:11

Ɩ̃ lɛb'a nyɛ̃ yele a mɩnɛ a tẽw zu ka. A bɛlɩ dem na tʋ̃ɔ́ a zɔba a bɛ nɛbɛ mɩ́ zɔ páw kʋralɛ ɩ. A gãdaar bɛ nɛbɛ mɩ́ zɛb tʋ̃ɔ́ kʋralɛ ɩ. Kʋralɛ bɛ n'a a yã-bãwnbɛ mɩ́ páw a bɛ dɩb mɔlɛ lɛ ɩ. Kʋralɛ bɛ n'a a yã sob mɩ́ kpɛ a naalʋ ɛ. Kʋralɛ bɛ n'a a bãw-bãwnbɛ mɩ́ páw a ƴãwfʋ ɛ. Bʋ̃ʋ n'ʋ vɛ̃, a zu-nʋ̃ɔ̀ nɩ a zu-bio mɩ́ ta n bɛ za.