Ekilezɩasɩ 9:2 - A SƐB-SÕW

² Yel-been n'ʋ a nɩbɛ za zie. Yel-been n'ʋ mɩ́ ta a nɩbɛ na ɩrɛ a vla nɩ a nɩbɛ na bɛ ɩrɛ a vla a, a nɩ-vla nɩ a nɩ-faa, a nɩbɛ na bɛ tɛr dɛwr nɩ a nɩbɛ na tɛr dɛwr a, a nɩbɛ na maalɛ a bàwr nɩ a nɩbɛ na bɛ maalɛ a bàwr a zie. Owru bɛ ka be a nɩ-vla nɩ a nɩ-faa cara pʋɔ ɩ. Owru bɛ ka be a nɩr na mɩ́ pɔ nɩ a nɩr na zɔrɛ dɛ̃bɩ̃ɛ a pɔb ƴãw a cara pʋɔ ɩ.

Ekilezɩasɩ 9:2 Referans Kwoze

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Sɛb-sõw yielu 73:3

Bʋ̃ʋ n'ʋ vɛ̃, ɩ̃ tɩ nyɛ̃ nɩ a ƴã-ɓaarʋ a pɔ̀lʋ dem na tɛr a, ɛ́ tɩ nyùur'ɩ a nɩ-faar bɛ ŋa.

A Zɔb sɛbɛ 9:22

Mãa zie a, nɩr na bɛ tɛr sãwna bɩɩ nɩr na tɛr sãwna a, a za ɩ n been, alɛ so ɩ̃ sàw yel k'aa Naaŋmɩn mɩ́ kʋ n a nɩr na bɛ tɛr sãwna a lãwnɩ a nɩr na tɛr sãwna a.

Malasɩ 3:15

Ƴɛrɛŋa a, tɩ nyɛ̃ na k'aa bɛlɩ dem na wone a nʋ̃ɔ̀ a, a pɔ̀lʋ dem nɛbɛ, ɛ́ a bɛlɩ dem yele na cere vla a, a yel-fa-maalbɛ nɛbɛ. Bɛlɛ saa ɩrɛ a Naaŋmɩn kaar a, a mɩ́ ɩ n vla a bɛ zie kʋralɛ!”»

Ekilezɩasɩ 7:18

A vɩɛl'a kɛ́ fʋ de a wulu dãw-niwn sob, ɛ́ ta bɛr a ayi sob ɛ, bʋ̃ʋ n'ʋ vɛ̃, nɩr na zɔrɛ a Naaŋmɩn a na tuur'ɩ a za ayi.

Ekilezɩasɩ 7:2

Yir kuor na kone a cenu sa yir bɛ na dɩrɛ cuw a. A kũu n'ɩ a nɩsaal za baarʋ zie, ɛ́ a fɛr'a k'aa nɩ-vʋʋrɩ mɩ́ tɛr a ʋ tɩɛrʋ.

Ekilezɩasɩ 6:6

A nɩr ŋa saa tɩ vʋʋrɩ yome túr-ayi (2 000) ɛ́ bɛ wa lɛm a nʋ̃ɔ̀ kaa a, a bɛ tɛr pɛr ɛ. Bʋ̃ʋ n'ʋ vɛ̃, a nyɔ-vʋʋrʋ za baarʋ n'ɩ a kũu.

Ekilezɩasɩ 2:26

Sɩza, ʋ mɩ́ kʋ̀ n a yã-bãwfʋ, a yele-bãwfʋ nɩ a nʋ̃ɔ̀ a sob nɛ na pɛlɩ a ʋ pʋɔ a. Ɛcɛ ʋ mɩ́ ƴãw na a yel-bier-maalɛ bɔbr bʋ̃-vɩɛlɩ gbone taa a sob nɛ na pɛlɩ a ʋl Naaŋmɩn pʋɔ a ƴãw. A yel ŋa mɩ̀ ɩ n bàlʋ zawla nɩ sɛsɛb diwfʋ.

Yele-za-pɛr-tib 24:3

ɛ́ pɔ n a Sore, a salom nɩ a tẽw Naaŋmɩn, yel mɛ̃ kɛ́ fʋ kʋ̃ ƴãw a ɩ̃ bidɛb kul a Kanãa tẽw dem sɔgɔ ɩ̃ na kpɩɛr a, powle kãw ɛ.

1 Samɩɛl 14:26

Bɛ na tɩ kpɛ a tuw pʋɔ a, a sojarɩ tɩ nyɛ̃ nɩ a sɩwr na gbɔlɛ a, ɛcɛ bɛ been kãw za bɛ tɩ dɩ a ɩ, a ŋmɛ-ƴãw dɛ̃bɩ̃ɛ tɩ be n a bɛ zie.

Ekilezɩasɩ 3:19

Bʋ̃ʋ n'ʋ vɛ̃, lɛ a nɩsaalbɛ na ŋmɛ̃ a bɛ baarʋ daar a, lɛ n'a a dʋ̃w mɩ̀ ŋmɛ̃, bɛ za dem ɩ n been: a lɛ a dʋ̃w na mɩ́ kpi a, lɛ n'a a nɩsaal mɩ̀ mɩ́ kpi, nyɔ-vʋʋrʋ pɩɛlʋ been n'ʋ bɛ za tɛr. A nɩsaal bɛ zuo a dʋ̃w towtow ɛ, bʋ̃ʋ n'ʋ vɛ̃, bom za ɩ n bàlʋ zawla.

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Ekilezɩasɩ 9:11

Ɩ̃ lɛb'a nyɛ̃ yele a mɩnɛ a tẽw zu ka. A bɛlɩ dem na tʋ̃ɔ́ a zɔba a bɛ nɛbɛ mɩ́ zɔ páw kʋralɛ ɩ. A gãdaar bɛ nɛbɛ mɩ́ zɛb tʋ̃ɔ́ kʋralɛ ɩ. Kʋralɛ bɛ n'a a yã-bãwnbɛ mɩ́ páw a bɛ dɩb mɔlɛ lɛ ɩ. Kʋralɛ bɛ n'a a yã sob mɩ́ kpɛ a naalʋ ɛ. Kʋralɛ bɛ n'a a bãw-bãwnbɛ mɩ́ páw a ƴãwfʋ ɛ. Bʋ̃ʋ n'ʋ vɛ̃, a zu-nʋ̃ɔ̀ nɩ a zu-bio mɩ́ ta n bɛ za.

Zeremi 43:6

dɛbr, pɔwbɛ, bibiir, a nãà pɔwyaar, a nɩbɛ bɛl za a soja-zi-gùrbɛ nɩ-kpɛ̃ɛ, Nebuzaradan, na tɩ kʋ̀ a Gedalɩasɩ, na ɩ Ahikam bidɛb nɩ Safan yãw, ʋ kaarɛ a. Bɛ mɩ̀ tɩ tɛr'ɩ a naaŋmɩn-ƴɛ̀r-manɛ Zeremi nɩ a Neriya bidɛb, Barukɩ, cen nɩ.