Ekilezɩasɩ 9:1 - A SƐB-SÕW

¹ Sɩza, ɩ̃ tɩɛr'ɩ yele á ŋá vla vla, ɛ́ nyɛ̃ a ʋlɩ bom nɛ ɩ̃ na nyɛ̃ a: Ɩ̃ nyɛ̃ na k'aa nɩ-mɩn, a yã-bãwnbɛ nɩ a bɛ tome za be n a Naaŋmɩn nuru pʋɔ. A nɩsaalbɛ bɛ mɩ́ bãw bɛ na bãw nɩ nɔ̃wfʋ bɩɩ hɩ̃ɛnʋ ɛ. Bɛ kʋ̃ tʋ̃ɔ́ mɩ́ dãw bãw nɩ bom za ɩ.

Ekilezɩasɩ 9:1 Referans Kwoze

Wulu-ayi-sob 33:3

A Sore nɔnɛ nɩ a Ɩsɩrayɛl dɔwlʋ, ʋ gùre nɩ a bɛlɩ dem za ʋ na so, ɛ́ bɛ mɩ́ ɓã taa a ʋ pile, kɛ́ bɛ de a ʋ wulu a.

1 Pɩɛr 1:5

nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.

Ekilezɩasɩ 8:14

Ɛcɛ yel kãw be n a tẽw zu ka ɩ bàlʋ zawla: Bɛ mɩ́ ɩrɛ nɩ a nɩ-mɩn zie mɛ̃ a lɛ na sɛw nɩ a nɩ-faar a, ɛ́ ɩrɛ a nɩ-faar zie mɛ̃ a lɛ na sɛw nɩ a nɩ-mɩn a. Ɩ̃ lɛb'a yel k'aa á ŋá mɩ̀ ɩ n bàlʋ zawla.

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Zʋkpaɩ 16:3

Manɩ a fʋ tome wul a Sore, ɛ́ a lɛ fʋ na tɩ́ɛrɩ bin a na maal'a.

Sɛb-sõw yielu 31:5

Fʋ na ír mɛ̃ na bɛr a bɛra pʋɔ bɛ na ƴãw a ɩ̃ ƴãw a, fʋ̃ʋ na n'ɩ a ɩ̃ zɛbr-yir-kpɛ̃w a.

1 Samɩɛl 2:9

A bɛlɩ dem na ƴãwnɛ ʋ a, ʋ mɩ́ gù n a bɛ nyɔ-vʋʋrʋ, ɛ́ a ɩ-fa-maalbɛ kpiir a lige pʋɔ. Bʋ̃ʋ n'ʋ vɛ̃, fãw bɛ n'a mɩ́ so a nɩsaal zɛb tʋ̃ɔ́ ɩ.

Ekilezɩasɩ 10:14

A gẽgemi sob ƴɛ̀rʋ yaga tɔ. Ɛcɛ a nɩsaal bɛ bãw a ʋlɩ bom nɛ na na ɩ a ɩ. Ãa n'ʋ na yel a ʋlɩ bom nɛ na na ɩ a pùorí a kʋ̀ ʋ?

Ekilezɩasɩ 8:16

Ɩ̃ ƴãw nɩ fãw k'ɩ̃ɩ bãw ŋmɩŋmɩn n'a nɩr na tʋ̃ɔ́ ɩ yã-bãwnɛ. Ɩ̃ jɩ́r'ɩ a nɩsaal tẽw zu ka tõ-nɛ́ɛ za kaa vla vla. Bom ŋa n'ʋ ɩ̃ nyɛ̃: tɩmɛ saa bɛ mɩ́ gúr a tɩ̃ɩsɔw nɩ a mʋ̃tɔ̃w a, tɩ kʋ̃ tʋ̃ɔ́ mɩ́ bãw a ʋlɩ bom a Naaŋmɩn na ɩrɛ a yele na mɩ́ tarɛ a tẽw zu ka a pʋɔ ɩ. A nɩsaal na tʋ̃ɔ́ na mɩ́ bàlɛ ʋ tʋɔra bɔbr, ʋ bɛ nyɛrɛ ʋ ɛ. A yã-bãwnɛ mɩ́ saa wa yel k'ʋʋ bãw ʋ na a, ʋ kʋ̃ tʋ̃ɔ́ bãw a pɛr ɛ.

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Ekilezɩasɩ 7:15

A ɩ̃ nyɔ-vʋʋr-ŋmãa ŋa pʋɔ a, ɩ̃ nyɛ̃ nɩ bom za: nɩ-mɩŋa na kpi a ʋ mɩnʋ zũú, nɩ nɩ-faa na cãà vʋʋrɛ a ʋ ɩ-faa zũú a.

Ekilezɩasɩ 1:17

Ɩ̃ ƴãw nɩ fãw bãw a yã-bãwfʋ, bãw a yãyaar nɩ a dãbolu, ɛ́ nyɛ̃ k'aa za nɩ a sɛsɛb diwfʋ mɩ̀ ɩ n been.

Sɛb-sõw yielu 73:3

Bʋ̃ʋ n'ʋ vɛ̃, ɩ̃ tɩ nyɛ̃ nɩ a ƴã-ɓaarʋ a pɔ̀lʋ dem na tɛr a, ɛ́ tɩ nyùur'ɩ a nɩ-faar bɛ ŋa.

Sɛb-sõw yielu 10:14

Fʋ̃ʋ a, fʋ nyɛrɛ nɩ a nã́w sob kpɩɛrʋ nɩ a ʋ wʋ̀ʋr, fʋ cɛlɛ nɩ be na tu a ʋ yele pùor. Fʋ zie n'a a bãbàal mɩ́ ƴãw a ʋ tɩɛrʋ za, ɛ́ fʋ̃ʋ n'ʋ mɩ́ sõw a bi-kpieb.

A Zɔb sɛbɛ 5:8

Mãa tɩ n'ɩ fʋ̃ʋ a, Naaŋmɩn zie n'a ɩ̃ nãá ƴɛ̀rɛ, ʋlɛ n'ʋ ɩ̃ nãá tɩ manɩ a ɩ̃ yel kʋ̀.

Sɛb-sõw yielu 119:109

A kũu mɩ́ jɩɛrɛ mɛ̃ nɩ kʋralɛ, ɛcɛ ɩ̃ bɛ yiire a fʋ wulu bɛrɛ ɩ.

Ekilezɩasɩ 9:6

A bɛ nɔ̃wfʋ, a bɛ hɩ̃ɛnʋ, a bɛ nyuur lãwnɩ bɛ na bɔr. Bɛ bɛ be za na lɛb pʋɔ yel kãw za na ɩrɛ a tẽw zu ka a pʋɔ ɩ.

Zeremi 43:6

dɛbr, pɔwbɛ, bibiir, a nãà pɔwyaar, a nɩbɛ bɛl za a soja-zi-gùrbɛ nɩ-kpɛ̃ɛ, Nebuzaradan, na tɩ kʋ̀ a Gedalɩasɩ, na ɩ Ahikam bidɛb nɩ Safan yãw, ʋ kaarɛ a. Bɛ mɩ̀ tɩ tɛr'ɩ a naaŋmɩn-ƴɛ̀r-manɛ Zeremi nɩ a Neriya bidɛb, Barukɩ, cen nɩ.

A Zɔb sɛbɛ 27:12

Nyɩ nyɛ̃ a na nyɩ za, bʋ̃ʋ n'ʋ so nyɩ ƴɛ̀r ƴɛ̀rʋ na bɛ tɛr bir a?

Ekilezɩasɩ 8:7

Tɩ bɛ bãw ʋlɩ bom nɛ na na ɩ a ɩ. Ãa n'ʋ na yel a lɛ a yele na na ɩ a kʋ̀ tɩ?