Ekilezɩasɩ 6:3 - A SƐB-SÕW

³ Nɩr na tʋ̃ɔ́ na dɔw bibiir kʋba (100), ɛ́ vʋʋrɩ cɛlɩ. Ɛcɛ a nyɔ-vʋʋr-wogo ŋa pɛr'ɩ bo, ʋlɛ bɛ wa wõ nʋ̃ɔ̀ bɩɩ bɛ bɛ maalɩ a ʋ kuor a? Mãa zie a, bi-cur-bɛra sa ʋ na.

Ekilezɩasɩ 6:3 Referans Kwoze

A Zɔb sɛbɛ 3:16

Bɩɩ mɛ̃ bi-cur-bɛra bɛ na ga pàw a, ɩ̃ kʋ̃ʋ tɩ be ɩ, mɛ̃ a bibiir na bɛ tɩ nyɛ̃ a cãà a.

Zeremi 22:19

Bɛ na ũù ʋ na mɛ̃ bõw a. Bɛ na vu n a ʋ kũu tɩ lɔb bɛr zãá nɩ a Zerizalɛm tẽw dɩ̃dɛɛ.»

Ekilezɩasɩ 4:3

Ɛcɛ a sob nɛ na bɛ dɔw sɛr a tɛr'ɩ zu-nʋ̃ɔ̀ zuo a nɩ-kũuni nɩ a nɩ-vʋʋrɩ, ʋ na bɛ nyɛ̃ a ɩ-faar na ɩrɛ a tẽw zu ka a zũú.

2 Na-mɩnɛ 9:35

Bɛ tɩ yi na kɛ́ bɛ tɩ ɓáw ʋ ũù, ɛcɛ a zuŋman, a nuru nɩ a gbɛnaɓɛlɛ tɛwr'a bɛ tɩ nyɛ̃.

Yele-za-pɛr-tib 47:9

A Zakɔb sɔw: «Yome lɩz'a ayʋɔb nɩ pie n'ɩ à ŋá ɩ̃ na lʋɔrɛ a ten mɛ̃ sãan a. A ɩ̃ nyɔ-vʋʋrʋ yome bɛ yãwmɛ ɩ, ɛ́ bɛ vɩɛl ɛ. A bɛ ta a ɩ̃ sãàkʋm-kore yome ɩ, bɛl na tɩ zɩnɛ a ten lʋɔrɛ mɛ̃ a mãa a.»

Matie 26:24

A Nɩsaal Bie kule na mɛ̃ a lɛ bɛ na sɛb yel a ʋ ƴãw a, ɛcɛ baw-bio sob'ɩ a sob nɛ na mɩl a Nɩsaal Bie nyɔw tɩr a, a nɩr ŋa bɛ tɩ dɔw a, alɛ sa.»

Zeremi 36:30

A na ɩ à ŋá a, à ŋá n'a a Sore yere: “A Yoyakim kʋ̃ tɛr nɩr a ʋ yir pʋɔ, ʋ lɩɛr'ʋ ɩ a nãà a Daviir naalʋ-tẽw pʋɔ ɩ. Ʋlɛ wa kpi a, a ʋ kũu na gã nɩ yẽw, a mʋ̃tɔ̃w tʋlʋ pʋɔ, nɩ a tɩ̃ɩsɔw ƴawr pʋɔ.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zʋkpaɩ 17:6

A sãàkʋm mɩnɛ dɛpaal-bom'ɩ a bɛ yan, ɛ́ a bibiir vɩɛlʋ n'ɩ a bɛ sãà mɩnɛ.

Sɛb-sõw yielu 58:8

Bɛ bɔr mɛ̃ a kʋ̃ɔ na mɩ́ zɔ tɔl a, bɛ vàr vàr mɛ̃ a mʋ̃ɔ bɛ na mɩ́ nɛb a!

2 Bibie za yel-manɩ 11:21

A Orobowam tɩ nɔ̃w nɩ a Abɩsalɔm pɔwyaa Maaka zuo a ʋ pɔwbɛ za nɩ a ʋ pɔw-bili za. Ʋ tɩ tɛr'ɩ pɔw-kuli pie nɩ ani nɩ pɔw-bili lɩz'a ata, ɛ́ tɩ dɔw bidɛbr lɩzɛr'ɩ ani nɩ pɔwyaar lɩz'a ata.

1 Bibie za yel-manɩ 28:5

A ɩ̃ bidɛbr za pʋɔ a, bʋ̃ʋ n'ʋ vɛ̃, a Sore kʋ̀ m'ɩ bidɛbr yaga yaga, ʋ kaa na ír a ɩ̃ bidɛb Salomɔ̃ k'ʋʋ zɩ̃ a naalʋ-dà-kɔw zu, dɩrɛ naalʋ a ʋ yúor ƴãw a Ɩsɩrayɛl zu.

2 Na-mɩnɛ 10:1

A Akab bʋʋrɛ lɩz'a ata nɩ pie tɩ kpɩɛr'ɩ a Samaari. A Yehu tɩ tɩr'ɩ sɛb-tʋɔla a Samaari kʋ̀ a Izireyɛl tẽw nɩ-bɛrɛ, a nɩ-kore nɩ a nɩbɛ bɛl na tɩ tɛr a Akab bʋʋrɛ wule a. À ŋá n'a ʋ tɩ sɛb bɛ:

Yele-za-pɛr-tib 33:5

A Ezawu na wa nyɛ̃ a pɔwbɛ nɩ a bibiir a, ʋ sowr'a: «Nɩ-tẽbowle n'ɩ a nɩbɛ bɛ ŋa fʋ na tɛr a?» A Zakɔb sɔw: «A bibiir a Naaŋmɩn na kʋ̀ a mãa fʋ tõ-tõ-bie a nɛbɛ.»

Ekilezɩasɩ 6:4

Bʋ̃ʋ n'ʋ vɛ̃, zawlalɛ n'a a bie ŋa dɔw ɛ́ lɛb kpɩɛr a lige pʋɔ, ɛ́ a lige na pili na pàw a ʋ yúor.

A Zɔb sɛbɛ 3:11

Bʋ̃ʋ pãa ɩ, ɩ̃ bɛ kpi a ɩ̃ mã púorí a? Bʋ̃ʋ pãa so bɛ bɛ dɔw mɛ̃ lɔbr wa báarɛ ɩ̃ ŋmãa vʋʋrʋ a?