Ekilezɩasɩ 6:2 - A SƐB-SÕW

² Nɩr'ɩ ŋa Naaŋmɩn kʋ̀ naalʋ, tɛra nɩ yúor. A nɩr ŋa tɛr'ɩ a alɩ bome nɛ ʋ na mɩ́ bɔbr a. Ɛcɛ Naaŋmɩn bɛ bɛr ʋ ʋ wõ nʋ̃ɔ̀ nɩ a ʋ bʋ̃-tɛrɩ ɛ. Nɩ-yũo n'ʋ íre a ʋ tɛra á ŋá tɔnɛ. À á ŋá mɩ̀ ɩ n bàlʋ zawla nɩ kpɩɛrʋ kpɛ̃ɛ.

Ekilezɩasɩ 6:2 Referans Kwoze

Ekilezɩasɩ 5:19

A lɛ pʋɔ a, a nɩsaal mɩ́ yiir'ɩ a ʋ nyɔ-vʋʋrʋ na ɩ ŋmãa a, bʋ̃ʋ n'ʋ vɛ̃, Naaŋmɩn mɩ́ paal'ɩ a ʋ socir nɩ nʋ̃ɔ̀.

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Sɛb-sõw yielu 73:7

A bɛ dɛpaalʋ dɩb pʋɔ a, bɛ mɩ́ jewre fʋ na! A bɛ tɩɛrʋ za mɩ́ sãá na.

1 Na-mɩnɛ 3:13

Ɩ̃ mɔ̃ mɩ̀ na kʋ̀ b'ɩ a ʋlɩ bom nɛ fʋ na bɛ zɛlɩ a: a tɛra nɩ a yúor. A fʋ nyɔ-vʋʋrʋ daar za a, nãà kãw za kʋ̃ ŋmɛ̃ taa nɩ fʋ ɛ.

A Lãw-mʋɔlɛ 5:2

A tẽw fʋ na kʋ̀ tɩ a lɩɛb'ɩ nɩ-yoru dem, a tɩ yie be n nɩbɛ tɩ na bɛ bãw a nuru pʋɔ.

Sɛb-sõw yielu 39:6

Fʋ ɩ na a ɩ̃ bibie wogo za ɩ nũ-ɓal, ɛ́ a ɩ̃ nyɔ-vʋʋrʋ bɛ ta bom za a fʋ zie ɩ. Yel-mɩŋa, ʋlɛ saa kpɛmɛ a, ɛcɛ nɩsaal za ɩ n pɩɛlʋ. Tɛw-àrʋ

A naaŋmɩn-ƴèr-manɛ Oze sɛbɛ 7:9

Nɩ-sãanbɛ báarɛ nɩ a ʋ fãw, ʋʋ bɛ bãwnɩ a ɩ. Ʋ bul'ɩ zukɔbr pɛlɛ baarɩ, ɛ́ cãà bɛ bãwnɩ a ɩ.

Ekilezɩasɩ 5:16

Lɛb waar mɩ̀, a ʋ nyɔ-vʋʋrʋ daar za a, ʋ nyɛ̃ nɩ niw-sʋba yaga nɩ pʋ-sãwna, suur nɩ a kanyir na baarɩ a.

Ekilezɩasɩ 4:8

nɩr kãw n'ɩ ŋan ɩ ʋ yõ tẽtẽ, bɛ tɛr tu-ta-tɔ ɩ, bɛ tɛr bie ɩ, bɛ tɛr yɛb ɛ, ɛ́ tone bɛ tɛr bɛ́rʋ ɛ. Ʋ mɩ́ bɔbr'a k'ʋʋ cãà páw na-bome dɔwlɩ. Ɛcɛ ʋ mɩ́ tɩɛr'ɩ ʋ pʋɔ: «Ãa ƴãw n'a ɩ̃ tone? Ãa ƴãw n'a ɩ̃ bɛr a nʋ̃ɔ̀ wob?» À á ŋá mɩ̀ ɩ n bàlʋ zawla, nɩ yel na bɛ vɩɛl a nyɔ-vʋʋrʋ pʋɔ a.

Ekilezɩasɩ 4:4

Yel ŋa n'ʋ ɩ̃ mɩ̀ nyɛ̃: a nɩbɛ mɩ́ bàlɛ nɩ bɛ tʋɔra, ɛ́ bɔbr kɛ́ bɛ tõ a bɛ tome vla, a bɛ taabɛ zuo bɛ́rʋ tɛwr ƴãw. À à ŋá mɩ̀ ɩ n bàlʋ zawla nɩ sɛsɛb diwfʋ.

2 Bibie za yel-manɩ 1:11

A Naaŋmɩn tɩ yel'ɩ a Salomɔ̃: «À ŋá na n'a fʋ bɔbr a, fʋ na faa bɛ zɛlɩ naalʋ, tɛra bɩɩ yúor a, fʋ na bɛ zɛlɩ a fʋ dɔ̃ dem kũu, bɩɩ nyɔ-vʋʋr-wogo a fʋ̃ʋ mɩŋa ƴãw, ɛcɛ zɛlɩ yã-bãwfʋ nɩ yele bãwfʋ kɛ́ fʋ tʋ̃ɔ́ kaarɛ nɩ a ɩ̃ nɩ-bʋʋrɛ, a bɛl zu ɩ̃ na ƴãw fʋ dɩ naalʋ a,

1 Bibie za yel-manɩ 29:28

Ʋ tɩ kor'ɩ yaga za, dɩ sɛw, ɛ́ bãw kpi n naalʋ nɩ yúor ɛ́ a ʋ bidɛb Salomɔ̃ lɩɛr'ʋ dɩ a naalʋ.

1 Bibie za yel-manɩ 29:25

A Sore tɩ zɛw nɩ a Salomɔ̃ yaga za a Ɩsɩrayɛl nɩbɛ za niŋé, ɛ́ kʋ̀ ʋ naalʋ vɩɛlʋ Ɩsɩrayɛl nãà kãw za na bɛ dãw nyɛ̃ a.

Ƴɛ̀r-dɩrbɛ 18:10

Nyɩmɛ wa ta a, nyɩ na nyɛ̃ nɩ nɩbɛ na bɛr yã ɛ́ kpɩɛr tẽw na yɛlmɛ a pʋɔ a. Naaŋmɩn na ƴãw nɩ a tẽw ŋa a nyɩ nuru pʋɔ, ɛ́ tẽw zu bʋ̃-vla za bɛ cɛ bɛ be a tẽw nɛ pʋɔ ɩ.»

Wulu-ayi-sob 28:43

A nʋʋrɩ na kpɩɛr a nyɩ pʋɔ a fãw na kɛrɛ na dɔwlɛ, ɛ́ a nyɩɩm dem siwre cere.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Ekilezɩasɩ 5:13

A naalʋ á ŋá mɩ́ bɔr'ɩ yel na bɛ tɛr tɔnɛ a pʋɔ. Ɛ́ ʋlɛ wa dɔw bidɛb a, bom bɛ mɩ́ lɛb cãà a ʋ nũú ɛ.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Ekilezɩasɩ 5:18

Lɛb waar mɩ̀, Naaŋmɩn na tʋ̃ɔ́ na kʋ̀ nɩr naalʋ nɩ tɛra, ɩ ʋ so a dɩrɛ, íre a tome tɔnɛ wone nɩ nʋ̃ɔ̀. Naaŋmɩn bʋ̃-kʋ̀ra n'ʋ.