Ekilezɩasɩ 4:1 - A SƐB-SÕW

¹ Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Ekilezɩasɩ 4:1 Referans Kwoze

Ekilezɩasɩ 3:16

Yel ŋa n'ʋ ɩ̃ mɩ̀ cãà lɛb nyɛ̃ a tẽw zu ka: be a yel-na-tu-sɔr na tɩ sɛw k'ʋʋ be a, be n'a a faalʋ be, ɛ́ be a mɩnʋ na tɩ sɛw k'ʋʋ be a, be n'a a faalʋ be.

Ekilezɩasɩ 5:8

A nɩbɛ za so a tẽsɔw tɔnɛ. A nãà tɔr za tɛr'ɩ a póru tome yel-ɩra.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Matie 26:56

Ɛcɛ à á ŋá za ɩ na, k'aa naaŋmɩn-ƴɛ̀r-manbɛ ƴɛ̀r-bie na be a Sɛb-sõw pʋɔ a, tʋ̃ɔ́ tu.» Lɛ n'a a ʋ po-tuurbɛ za tɩ zawr'ʋ bɛr ɛ́ zɔ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

Ɩzayi 51:23

Ɩ̃ na ƴãw ʋ nɩ a bɛlɩ dem na dɔwrɛ fʋ a nuru pʋɔ, bɛl na tɩ yere a fʋ zie: “Gã vɔblɩ muru tɩ tɔl a fʋ zu” a! Lɛ n'a fʋ tɩ ɩ a fʋ zikur ʋ lɩɛbɩ tẽsɔw, ʋ lɩɛbɩ sɔ́r a sɔr-tɔlbɛ ƴãw.»

Sɛb-sõw yielu 42:9

A Sore, ʋ sàw tu n mɛ̃ a ʋ nɔ̃wfʋ a bibi-ɓil za, ɛ́ a tɩ̃ɩsɔw a, ɩ̃ na yiele na danɛ nɩ ʋ, ɩ̃ na puore nɩ a Naaŋmɩn na n'ʋ so ɩ̃ vʋʋrɛ a.

Sɛb-sõw yielu 42:3

A Naaŋmɩn kʋ̃ɔ-nyúur nyɔw mɛ̃ na, a Naaŋmɩn na vʋʋrɛ a kʋ̃ɔ-nyúur. Debor'a ɩ̃ na ta a ʋ yir, àr a ʋ niŋé?

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

A Zɔb sɛbɛ 35:9

A dɔwrʋ na mɩ́ wa zuo a nɩbɛ a, bɛ mɩ́ kone na, bɛ mɩ́ ŋmɩɛr'ɩ cɛlsɩ a na-mɩnɛ na mɩ́ ɩrɛ a kpɩɛr bɛ a ƴãw.

Ɩzayi 59:7

A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Malasɩ 2:13

«À ŋá n'a nyɩ mɩ̀ cãà lɛb ɩrɛ: nyɩ mɩ́ kõ na cir mʋta-kʋ̃ɔ laarɩ a Sore bàwr-maal-kuur. Nyɩ mɩ́ kone na siwre nɩ, a Sore na bɛ cãà ŋmɛlɛ kaar a nyɩ de-kʋ̀b bome a ƴãw, ʋ na bɛ cãà sàwr dier a bome nyɩ na kʋ̀rɛ ʋ a.

Ekilezɩasɩ 7:7

Yã-bãwnɛ na tɛr fãw dɔwrɛ a ʋ taabɛ a na tʋ̃ɔ́ na lɩɛbɩ dãbol, ɛ́ a bʋ̃-kʋ̀rɩ sãw a ʋ socir bɛr.

Zʋkpaɩ 28:3

Nã́w sob na dɔwrɛ a bãbàalbɛ a ɩ na mɛ̃ saa na mɩ́ wa sãw a bʋ̃-dieri a.

Sɛb-sõw yielu 142:4

Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.

Sɛb-sõw yielu 80:5

Sore Naaŋmɩn kpɛnʋ-za-sob i, debor daar'a a fʋ nɩbɛ na puore fʋ, ɛ́ fʋ nyɛ̃ nɩ bɛ suur tɩ ta?

Sɛb-sõw yielu 69:20

Fʋ bãwnɩ a na bɛ na tʋʋr mɛ̃ a, fʋ bãw nɩ a ɩ̃ vĩ, a ɩ̃ yúor na sãw a. A ɩ̃ dɔ̃ dem za n'ɩ bɛ ŋan a fʋ niŋé.

A Zɔb sɛbɛ 16:4

Nyɩmɛ tɩ n'ɩ a mãa a, ɩ̃ mɩ̀ nãá ƴɛ̀rɛ na mɛ̃ a nyɩɩm a, ɩ̃ mɩ̀ nãá bãw nɩ a ƴɛ̀rʋ ƴɛ̀r kʋ̀ nyɩ, ɛ́ viire nɩbaal zu a nyɩ ƴãw.

A Zɔb sɛbɛ 6:29

A ɩ̃ ƴɛ̀rʋ ɩ n zir-ŋmarɛ ƴɛ̀rʋ bɩɩ? Ɩ̃ na tʋ̃ɔ́ na bɛ bãw bom na ɩ faa a bɩɩ? Nyɩ jɩ́r mɛ̃ nyɛ̃: ziri ta ka mãa nɩ a nyɩɩm cará ɩ! Ɩ̃ lɛb maal yel, nyɩ jɩ́r mɛ̃ nyɛ̃, ɛ́ nyɩ na nyɛ̃ na k'ɩ̃ɩ bɛ tɛr sãwna ɩ.

Ƴɛ̀r-dɩrbɛ 4:3

A Sɩsera tɩ tɛr'ɩ kure zɛbr-torkori túr vʋ̃ɔ kʋba (900), ɛ́ tɩ dɔwrɩ a Ɩsɩrayɛl nɩbɛ yaga yaga yome lɩzɛr. Lɛ n'a a Ɩsɩrayɛl nɩbɛ tɩ kõ bʋɔlɩ a Sore k'ʋʋ wa faa bɛ.

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Eziptɩ tẽw yib 1:22

Ɛcɛ a Faarawɔ̃ tɩ ƴãw nɩ nʋɔr ŋa kʋ̀ a ʋ nɩbɛ za: «Ebre bi-pɩɩla za na dɔw ɩ dɛble a, nyɩ mɩ́ lɔb ʋ ƴãw a Nɩl pʋɔ. Ɛcɛ nyɩ mɩ́ bɛr a powli bɛ vʋʋrɛ.»

Eziptɩ tẽw yib 1:16

à ŋá kʋ̀ bɛ: «Nyɩmɛ mɩ́ wa dɔwr a Ebre pɔwbɛ a, nyɩɩm mɩ́ maal jɩ́r a bie: ʋlɛ wa ɩ dɛble a, nyɩɩm kʋ ʋ, ɛ́ ʋlɛ wa ɩ powle a, nyɩɩm bɛr ʋ ʋ vʋʋrɛ.»

Zʋkpaɩ 19:7

A nã́w sob yɛbr tɛɛ za bɛ mɩ́ nɔnɛ ʋ ɛ, ɛ̀ bɛ nãà yere a ʋ bárɩ na mɩ́ taw zãá nɩ ʋ a. Ʋlɛ wa bɔbr k'ʋʋ ƴɛ̀r a bɛ zie a, bɛ bɛ mɩ́ ka be ɩ.

Ekilezɩasɩ 8:9

Ɩ̃ nyɛ̃ nɩ à á ŋá za: alɩ bome nɛ na ɩrɛ a tẽw zu ka a, ɩ̃ jɩ́r a na kaa vla vla. Ʋ ɩ n a daar ʋl a nɩsaal na tɛr fãw a ʋ nɩsaal-tɔ zu na maalɩ ʋ faa a.

Zeremi 16:7

Nɩr za kʋ̃ ka be lãw dɩ nɩ a kuor yir dem, mɔwlɩ bɛ ɩ. Nɩr mɩ̀ kʋ̃ kʋ̀ bʋ̃-nyúuri a bɛlɩ dem sãà mɩnɛ bɩɩ mã mɩnɛ na kpi a, tʋ̃ɔ́ mɔwlɩ bɛ ɩ.»

A Lãw-mʋɔlɛ 1:16

Alɛ n'a so ɩ̃ kone. A ɩ̃ mimie ɩ n mʋta-kʋ̃ɔ cɔb! Bʋ̃ʋ n'ʋ vɛ̃, a sob nɛ nãá mɔwlɩ mɛ̃ ɛ́ lɛb kʋ̀ m fãw ɩ̃ vʋʋrɛ a zãá nɩ mɛ̃ na. A ɩ̃ bibiir bɔr'a, bʋ̃ʋ n'ʋ vɛ̃, a dɔ̃dɔmɛ tɩ tɛr'ɩ fãw zuo.

A Zɔb sɛbɛ 9:24

Tẽw kãw wa lo nɩ-kʋrbɛ nuru pʋɔ a, ʋ mɩ́ ƴãw na a ƴɛ̀r-maalbɛ bɛ nyɛ̃ a ɩ! Ʋlɛ bɛ wa n'ʋ mɩ́ ɩ à à ŋá, ãa pãa n'ʋ a?

Sɛb-sõw yielu 69:21

A zʋmɛ ɩ m'ɩ kpɩɛrʋ, a ɩ m'ɩ bàalʋ. Ɩ̃ gù n nɩbaal-zɔba ɩb kãw, ɛ́ bɛ nyɛ̃ bom ɛ, gù mɔwl-mɔwlbɛ, ɛ́ bɛ nyɛ̃ nɩr ɛ.

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Zʋkpaɩ 29:2

A nɩ-mɩn wa so a zie a, a nɩbɛ mɩ́ cɩlɛ na, ɛcɛ a nɩ-faa wa n'ʋ dɩrɛ a naalʋ a, a mɩ́ ɩ n kon a nɩbɛ zie.

A Lãw-mʋɔlɛ 1:17

A Sɩyɔ̃ tùre nɩ a nuru, ɛ́ nɩr bɛ mɔwlɛ ʋ ɛ. A Sore na yel a zũú a, a nɩbɛ na kpɩɛr pɩɛlɩ a Ɩsɩrayɛl a, bɛ lɩɛb'ɩ a bɛ dɔ̃ dem. A bɛ sɔgɔ a, a Zerizalɛm lɩɛb'ɩ sagɛ.

Amɔsɩ 3:9

Nyɩ do a Asɩdɔdɩ tẽw yir-vɩɛlɩ garɛ zu, nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel: «Nyɩ ɓã taa a Samaari tan zu, ɛ́ nyɛ̃ yel-fa-bʋʋrɛ nɛ na be a ʋ pʋɔ a, ɛ́ nyɛ̃ lɛ nɩbɛ na dɔwrɛ taa a be a!»

Amɔsɩ 3:10

A Sore yere na: «A Samaari tẽw dem bɛ bãw bʋ̃ʋ n'ɩ a yel na tori a ɩ. Bɛ gbone nɩ a bɛ yir-vɩɛlɩ pʋɔ a bome nɛ a bɛ po-to-fãw-ɩb nɩ a bɛ nyãnyuwlu na ɩrɛ bɛ páwr a.»