Ekilezɩasɩ 3:4 - A SƐB-SÕW

⁴ Kon daar be n be, laarʋ daar be be. Kuor cɛlsɩ daar be n be, nʋ̃ɔ̀ bɩnɛ daar be be.

Ekilezɩasɩ 3:4 Referans Kwoze

Ʋrɔm 12:15

Nyɩ cɩlɛ lãwnɩ a bɛlɩ dem na cɩlɛ a, ɛ́ kone lãwnɩ a bɛlɩ dem na kone a.

Zakɩ 4:9

Nyɩ sàw a nyɩ bãbàalʋ, nyɩ ɩ ko-tuolu dem, nyɩ kone. Nyɩ bɛr laarʋ ɛ́ kone, ɛ́ a nyɩ nʋ̃ɔ̀ lɩɛbɩ pʋ-sãwna.

Sɛb-sõw yielu 30:5

Nyɩ danɛ a Sore nɩ a nyɩ yielu, nyɩɩm ʋ nɩbɛ na sàw de ʋ a. Nyɩ danɛ ʋ, ɛ́ hiere yere a ʋ sonu.

Eziptɩ tẽw yib 15:20

Lɛ n'a a pɔw-naaŋmɩn-ƴɛ̀r-manɛ Miriyam na ɩ a Aarɔ̃ yeepuule a, tɩ de a ʋ gãgaar. A pɔwbɛ za tɩ ìr'a tu ʋ, ŋmɩɛr a gãgaɩ ƴawr'ɩ.

2 Korɛ̃tɩ 7:10

A pʋ-sãwna na tu a Naaŋmɩn pʋ-tɩɛrʋ a waar'ɩ nɩ ɩb-lɩɛbʋ na tɩrɛ faafʋ a, ɛ́ nãá-bãw-kɛ́-lɛ kãw za bɛ ka ʋ pʋɔ ɩ. Ɛcɛ a pʋ-sãwna na tu a tẽ-daa ŋa a waar'ɩ nɩ kũu.

Luka 1:58

A ʋ sɩman pʋɔ dem nɩ a ʋ nɩbɛ tɩ wõ na kɛ́ a Sore maal'ʋ nɩ yaga a ʋ nɔ̃wfʋ pʋɔ, ɛ́ tɩ lãwnɩ ʋ cɩlɛ.

Matie 11:17

“Tɩ pɛbl'ɩ weli ƴãw nyɩ, ɛ́ nyɩ bɛ ƴaw ɛ! Tɩ ŋmãa nɩ lãw-mʋɔlɛ, ɛ́ nyɩ bɛ kõ ɩ!”

Matie 9:15

A Yeezu tɩ sɔw bɛ na: «Kul-taa cuw dem na tʋ̃ɔ́ na tɛr pʋ-sãwna lɛn daar za a dɛb-sãan na be a bɛ sɔgɔ a bɩɩ? Ɛcɛ bibie waar'a na vɩɛ, bɛ na ír a dɛb-sãan a bɛ sɔgɔ, lɛn daar'a bɛ na mɩ́ tɛr a mʋta-tuo.

2 Samɩɛl 6:16

A Sore wõ-taa daga na tɩ kpɩɛr a Daviir Tẽ-kpɛ̃ɛ pʋɔ a, a Sawul pɔwyaa, Mɩkal, tɩ vuol'ɩ a tokoro vʋɔr ƴãw nyɛ̃ a Daviir na ƴawr viire a Sore niŋé a, lɛ n'a ʋ tɩ jewr'ʋ nɩ ʋ pʋɔ za.

Yele-za-pɛr-tib 21:6

A Saara tɩ yel'a: «A Naaŋmɩn ƴãw mɛ̃ nɩ laarʋ. Nɩr za nãà wa wõ a a na lãwnɩ mɛ̃ na laar.»

Sɛb-sõw yielu 30:11

Bɛr wõ, Sore e, zɔ ɩ̃ nɩbaalʋ, Sore e, wa faa mɛ̃.

Ekilezɩasɩ 3:5

Kʋsɛbɛ lɔb-bɛrʋ daar be n be, kʋsɛbɛ wobru daar be be. Weri taa daar be n be, ta weri taa daar be be.

Ekilezɩasɩ 7:14

A yele za wa cere vla a, fʋ̃ʋ cɩlɛ. Ɛ́ alɛ bɛ wa cere vla a, fʋ̃ʋ tɩɛrɩ nyɛ̃. A Naaŋmɩn mɩ́ tɩr'ɩ a nʋ̃ɔ̀ nɩ a kpɩɛrʋ, k'aa nɩsaal ta mɩ́ tʋ̃ɔ́ bãw a ʋlɩ bom nɛ na na ɩ a ʋ pùorí a ɩ.

Ɩzayi 40:1

Nyɩ mɔwlɩ, nyɩ mɔwlɩ a ɩ̃ nɩ-bʋʋrɛ, a nyɩ Naaŋmɩn n'ʋ yere.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.