Ekilezɩasɩ 3:2 - A SƐB-SÕW

² Dɔwfʋ daar be n be, kũu daar be be. Sɛlʋ daar be n be, a bʋ̃-sɛlɩ vɔb daar be be.

Ekilezɩasɩ 3:2 Referans Kwoze

Ebre 9:27

Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,

A Zɔb sɛbɛ 14:5

Bʋ̃ʋ n'ʋ vɛ̃, a nɩsaal nyɔ-vʋʋrʋ tɛr'ɩ baarʋ daar, fʋ sɔr'ɩ a ʋ cuwr nʋɔr bin, fʋ ƴãw nɩ tʋr-bɔw ʋ na kʋ̃ tʋ̃ɔ́ gãw a.

Galasi 4:4

Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

Luka 1:20

A na ɩ à ŋá a, fʋ na kpar'ɩ nʋɔr, fʋ kʋ̃ lɛb tʋ̃ɔ́ ƴɛ̀r ɛ, ɛ́ gù a ʋlɩ bibir nɛ a yele á ŋá za nãà wa maalɩ a, fʋ na bɛ sàw de a ɩ̃ ƴɛ̀rʋ a ƴãw, ɛcɛ a daar wa ta a, a ɩ̃ ƴɛ̀rʋ á ŋá na tu na.»

Matie 15:13

Ʋ tɩ sɔw: «Tɩɛ nɛ za, a ɩ̃ Sãà na be a tẽ-vla pʋɔ a na bɛ sɛl a, bɛ na vʋ̃ɔ ʋ na bɛr.

Zã 16:21

A pɔw na mɩ́ dɔwr a, ʋ mɩ́ wone nɩ tuo yaga, a ʋ tɛm na ta a ƴãw, ɛcɛ ʋlɛ wa dɔw baar'a, ʋ mɩ́ yiir'ɩ a ʋ tuo, nʋ̃ɔ̀ mɩ́ paal'ʋ na ʋ na dɔw nɩsaal a ƴãw.

Ɩzayi 38:1

A ʋlɩ daar nɛ, a nãà Ezekɩasɩ tɩ lo n a ʋ kũu-kʋra bàalʋ. A naaŋmɩn-ƴɛ̀r-manɛ Ɩzayi na ɩ Amɔtɩsɩ bidɛb a tɩ wa na wa nyɛ̃ ʋ yel ʋ: «À ŋá n'a a Sore yere: Cɔbrɩ a fʋ yele ƴãw. Bʋ̃ʋ n'ʋ vɛ̃, fʋ na kpi na, fʋ bɛ lɛbr ìre a fʋ bàalʋ ŋa pʋɔ ɛ.»

A Zɔb sɛbɛ 7:1

A nɩsaal nyɔ-vʋʋrʋ a tẽw zu tɛr'ɩ tuo yaga, a ʋ bibie za nyɔ-vʋʋrʋ ɩ n nuru tõ-tõ-bie nyɔ-vʋʋrʋ.

Nɩ-toni 7:20

A ʋlɩ vuo nɛ pʋɔ n'a a Moyiir tɩ dɔw, ɩ bi-vla na pɛlɩ a Naaŋmɩn pʋɔ a. Bɛ tɩ tɛr ʋ na guoli a ʋ sãà dĩó tɩ maalɩ cuwr ata.

Nɩ-toni 7:17

A daar nɛ a Naaŋmɩn na na tu a nʋɔr ʋ na ƴãw kʋ̀ a Abraham a tɩ pɩɛlɛ na. A tɩ nɩ-bʋʋrɛ tɩ yɛ̀r'a yãwmɛ dɔwlɩ a Eziptɩ tẽw pʋɔ.

Zã 7:30

A lɛ n'a bɛ tɩ bɔbr kɛ́ bɛ nyɔw ʋ, ɛcɛ kãw za bɛ tɩ sàw zɛw nũu tɔ n ʋ ɛ, a ʋ daar na bɛ tɩ ta sɛr a ƴãw.

Luka 1:36

A fʋ yɛb Elizabɛr n'ɩ ŋan mɩ̀ tɛr pʋɔ, ʋl na ɩ pɔw-nyãw a, a ʋ cuwr ayʋɔb n'ɩ dɩ̃a, ʋl bɛ na tɩ bʋɔlɛ: pɔw-ãan a.

Luka 1:13

Ɛcɛ a malkɩ tɩ yel ʋ na: «Ta zɔrɛ dɛ̃bɩ̃ɛ ɩ, Zakari i, Naaŋmɩn sàw na de a fʋ puoru. A fʋ pɔw Elizabɛr na dɔw nɩ bidɛble kʋ̀ fʋ, fʋ por a yúor kɛ́ Zã.

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Zeremi 45:4

A lɛ pʋɔ a, nyɛ̃ a lɛ a Sore na ƴãw k'ɩ̃ɩ yel a: “Ɩ̃ darɛ nɩ a alɩ bome nɛ ɩ̃ na mɛ a lɔbr, ɛ́ vɔnɛ a alɩ bome nɛ ɩ̃ na sɛl a bɛrɛ. Ɩ̃ damnɛ nɩ a tẽw za nyawr taa.

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

Ɩzayi 54:1

Zerizalɛm i, lɔbr nʋ̃ɔ̀ cɛlsɩ, fʋ̃ʋ na bɛ tɩ cãà tɛr bibiir a. Lɔbr nʋ̃ɔ̀ cɛlsɩ cɩlɛ nɩ, fʋ̃ʋ na bɛ tɩ cãà dɔwr a. Bʋ̃ʋ n'ʋ vɛ̃, a Sore yere nɩ à ŋá a fʋ zie: «Fʋ̃ʋ, pɔw-zawr-bɛra a, fʋ tɛr'ɩ bibiir ƴɛrɛŋa zuo a pɔw na tɛr sɩr a.»

Ɩzayi 38:5

«Cen tɩ yel a Ezekɩasɩ: “À ŋá n'a a Sore, a fʋ sãàkʋm-kʋra Daviir Naaŋmɩn, yere: Ɩ̃ wõ n a fʋ puoru ɛ́ nyɛ̃ a fʋ mʋta-kʋ̃ɔ. Ɩ̃ na ɩ na a fʋ nyɔ-vʋʋrʋ wõwme yome pie nɩ anũu dɔwlɩ!

Sɛb-sõw yielu 113:9

Ʋ mɩ́ ɩ na a pɔw-ãan tɛr yir, ɩ mã na tɛr bibiir nʋ̃ɔ̀ ɩrɛ ʋ a. Aleluya!

Sɛb-sõw yielu 52:5

ɛ́ fʋ tone gɛgɛ-tome, ɛ́ nɔnɛ a ziri gãw a yel-mɩŋa. Tɛw-àrʋ

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

2 Na-mɩnɛ 4:16

A Elize tɩ yel ʋ na: «Vɩɛr, à à ŋá tɔ-won, fʋ na ƴãw nɩ dɛble nũú.» Ɛcɛ a pɔw tɩ yel'a: «A kʋ̃ tʋ̃ɔ́ ɩ! Ta bɛlɛ mɛ̃ ɩ, Naaŋmɩn nɩr i.»

1 Na-mɩnɛ 13:2

A Sore ƴɛ̀rʋ zũú, ʋ tɩ cɩɩr'a yel a bàwr-maal-kuur: «Bàwr-maal-kuur i! Bàwr-maal-kuur i! Bɛrɛ wone a lɛ a Sore na yere a! Dɛble na dɔw nɩ a Daviir yir pʋɔ. Ʋ na dɩ na kɛ́ Zozɩasɩ. Bàwr-maal-kuur i, ʋ na kʋ n a maalʋ-ziir bàwr-maalbɛ maal'ɩ a bàwr a fʋ zu, a be bɛ na tɩ nyɩwr a bàwr-maal-bome a koro za a. Bɛ na nyɩw nɩ nɩsaalbɛ kɔbɛ tɛɛ za a fʋ zu!»

1 Samɩɛl 2:5

A bɛlɩ dem na mɩ́ tɩ tɩw a dier'ɩ tome dipɛ̃-ŋmale ƴãw, ɛ́ a kɔ̃ dem pɩ̃ɛnɛ. A pɔw-ãan dɔwr'ɩ gb'a ayopõi, ɛ́ a bi-yaga mã bɛ cãà tɛr dɔwfʋ ɛ.

Wulu-ayi-sob 34:5

A Sore tõ-tõ-bie Moyiir tɩ kpi n a be, a Mowab tẽw, mɛ̃ a lɛ a Sore na yel a.

Yele-za-pɛr-tib 47:29

A Zakɔb kũu na wa pɩɛlɛ a, ʋ bʋɔl'ɩ a ʋ bidɛb Zuzɛb wa yel ʋ: «Fʋ̃ʋ wa nɔnɛ mɛ̃ a, fʋ̃ʋ ɩ a fʋ nɔ̃wfʋ nɩ a fʋ na tu m a, a sãá. Taa ũùne mɛ̃ a Eziptɩ ka ɩ. Tõ a fʋ nũu a ɩ̃ gbɛkpɛ̃ɛ pile ɛ́ ƴãw a nʋɔr kʋ̀ m.

Yele-za-pɛr-tib 17:21

Ɛcɛ a ɩ̃ wõ-taa a, Ɩzaakɩ n'ʋ ɩ̃ na maal'ɩ, a bidɛb a Saara na na dɔw kʋ̀ b vɩɛr à à ŋá tɔ-won a.»

Zʋkpaɩ 24:27

Dãw tõ a fʋ yẽw tome baarɩ, ɛ́ cɔbrɩ a fʋ púo a bʋ̃-dieri-deb ƴãw, al pùorí, fʋ na tʋ̃ɔ́ na ŋmãa a fʋ yir.

Ɩzayi 28:24

A ka-kʋɔra na bɔbr k'ʋʋ bʋ̀r a, a kɔb tɛwr'a ʋ dɛ mɩ́ kʋɔr, wɛ̀rɛ a bɔwrɩ ɛ́ ŋmɛrɛ a tãdɛgɛ bɩɩ?