Ekilezɩasɩ 3:16 - A SƐB-SÕW

¹⁶ Yel ŋa n'ʋ ɩ̃ mɩ̀ cãà lɛb nyɛ̃ a tẽw zu ka: be a yel-na-tu-sɔr na tɩ sɛw k'ʋʋ be a, be n'a a faalʋ be, ɛ́ be a mɩnʋ na tɩ sɛw k'ʋʋ be a, be n'a a faalʋ be.

Ekilezɩasɩ 3:16 Referans Kwoze

Ekilezɩasɩ 4:1

Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Ekilezɩasɩ 5:8

A nɩbɛ za so a tẽsɔw tɔnɛ. A nãà tɔr za tɛr'ɩ a póru tome yel-ɩra.

Nɩ-toni 23:3

Lɛ n'a a Pol tɩ yel ʋ: «Dacĩ-pla ŋa! Naaŋmɩn n'ʋ na ŋmɛ b. Fʋ do na zɩ̃ a ƴɛ̀rʋ-maalʋ dà-kɔw zu kɛ́ fʋ maal'ɩ mɛ̃ a ƴɛ̀rʋ tu n a Naaŋmɩn wulu, ɛ́ nɩ̃ɛ gãw a Wulu ŋa bɛr ɛ́ ƴãw kɛ́ bɛ ŋmɛ m ɩ?»

Zakɩ 2:6

Ɛcɛ a nyɩɩm a, nyɩ bɛ tɛr a nã́w sob ƴãwfʋ ɛ. A tɛra dem bɛ nɛbɛ mɩ́ dɔwrɛ nyɩ ɛ́ nyɔwr nyɩ cere nɩ a ƴɛ̀rʋ-dɩb ziir ɛ?

Matie 26:59

Zɩ̃ kɛ́ a bàwr-maal-nɩ-bɛrɛ nɩ a Zifʋ mɩnɛ ƴɛ̀rʋ-dɩb-lãw nɩbɛ za tɩ bɔbr'ɩ dãsɩ-ziri a Yeezu ƴãw, na na ɩ bɛ ƴãw ʋ kũu dɔwrʋ a.

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

Ɩzayi 59:14

Alɛ n'a so a ɩb na ɩrɛ tu sɔ́r a síwre, a mɩnʋ zãá nɩ tɩ na. A nɩ-yaga tuor-taa zie a, a yel-mɩŋa ŋmɛ n gbɛ́r lo, ɛ́ a yel-mɩnʋ bɛ cãà tarɛ a be ɩ.

Ekilezɩasɩ 8:9

Ɩ̃ nyɛ̃ nɩ à á ŋá za: alɩ bome nɛ na ɩrɛ a tẽw zu ka a, ɩ̃ jɩ́r a na kaa vla vla. Ʋ ɩ n a daar ʋl a nɩsaal na tɛr fãw a ʋ nɩsaal-tɔ zu na maalɩ ʋ faa a.

Ekilezɩasɩ 5:7

Fʋ̃ʋ wa nyɛ̃ bɛ dɔwrɛ a nã́w sob, bɛ bɛ tuur a yel-na-tu-sɔr nɩ a mɩnʋ tẽw kãw pʋɔ a, a taa wa ùre fʋ ɛ. Bʋ̃ʋ n'ʋ vɛ̃, nɩr na do gãw a ʋ tɔ a zu-sɔw a, nɩr be n be piw ʋ tɛr, ɛ́ a bɛ za ayi zu-sɔw a, nɩbɛ mɩ̀ lɛb'a be be do gãw bɛ, ɛ́ mɩ̀ piw bɛ tɛr.