Ekilezɩasɩ 3:12 - A SƐB-SÕW

¹² Ɩ̃ bãwnɩ a na kɛ́ bʋ̃-vla za bɛ ka a nɩsaal ƴãw, a bɛ ɩ k'ʋʋ cɩlɛ ɛ́ páwr a ʋ nʋ̃ɔ̀ a ʋ nyɔ-vʋʋrʋ daar ɛ.

Ekilezɩasɩ 3:12 Referans Kwoze

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Ekilezɩasɩ 3:22

Lɛ n'a ɩ̃ nyɛ̃ k'aa nɩsaal yel-vla vla za n'ɩ k'ʋʋ wone nɩ nʋ̃ɔ̀ a ʋ tome tɔnɛ. A ʋ dem tɛwr'ɩ a lɛ, bʋ̃ʋ n'ʋ vɛ̃, nɩr bɛ lɛb tɛrɛ ʋ waar'ɩ ʋ wa nyɛrɛ bom nɛ na na ɩ a ʋ pùorí a ɩ.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Nɩ-toni 20:35

Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Ɩzayi 64:5

Tɩ za, tɩ ɩ na mɛ̃ nɩbɛ na tɛr dɛwr a, ɛ́ a tɩ ɩ-vɩɛlɩ za gele pʋɔ mɛ̃ pɛn na mar pɔw-sɩɛ zɩ̃ɩ a. Tɩ za, a tɩ ɩ-faar ɓáw tɩ na cere nɩ mɛ̃ va-ŋmamɛ sɛsɛb na wob cen nɩ a.

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Wulu-ayi-sob 12:7

A Sore zi-sõw pʋɔ be mɩ̀ n'a, nyɩɩm nɩ a nyɩ yie dem na mɩ́ lãw dɩ a bàwr-maal-bome. Nʋ̃ɔ̀ na mɩ́ ɩrɛ nyɩ na, a Sore nyɩ Naaŋmɩn na maalɩ nyɩ a nyɩ tome za pʋɔ a ƴãw.

Wulu-ayi-sob 12:18

A zi-sõw pʋɔ yõ n'a nyɩ na tʋ̃ɔ́ mɩ́ dɩ a, be a Sore nyɩ Naaŋmɩn na na kaa ír a. Nyɩ na mɩ́ dɩ a na nyɩmɛ nɩ a nyɩ bidɛbr, a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, nɩ a levitɩ mɩnɛ na kpɩɛr a nyɩ tẽ-bɛrɛ pʋɔ a. Nʋ̃ɔ̀ na mɩ́ ɩrɛ nyɩ nɩ a Sore nyɩ Naaŋmɩn zi-sõw pʋɔ be, a nyɩ tome za nyɩ na tõ a ƴãw.

Wulu-ayi-sob 26:11

Al pùorí, a maalʋ al za a Sore nyɩ Naaŋmɩn na kʋ̀ nyɩɩm nɩ a nyɩ yie dem a ƴãw a, nyɩ na wone nɩ nʋ̃ɔ̀, lãwnɩ a levitɩ mɩnɛ nɩ a nʋʋrɩ na kpɩɛr a nyɩ pʋɔ a.

Ekilezɩasɩ 2:3

Ɩ̃ tɩɛr'ɩ ɩ̃ pʋɔ k'ɩ̃ɩ na nyuur'ɩ a divɛ̃ wone nɩ nʋ̃ɔ̀, cɔwrɛ nɩ a dãbole nyɔ-vʋʋrʋ ɛ́ cãà ƴãw fãw so ɩ̃ tʋɔra. Ɩ̃ tɩ bɔbr'a k'ɩ̃ɩ bãw a vla a nɩsaalbɛ na na tʋ̃ɔ́ maalɩ a bɛ tẽw zu ka nyɔ-vʋʋrʋ daar a.

Ekilezɩasɩ 2:24

A nɩsaal bʋ̃-vla yõ n'ɩ k'ʋʋ dɩrɛ, k'ʋʋ nyuur ɛ́ wone nʋ̃ɔ̀ nɩ a ʋ tome tɔnɛ. A mãa a, ɩ̃ nyɛ̃ na kɛ́ Naaŋmɩn n'ʋ mɩ̀ mɩ́ tɩr a lɛ.

Ekilezɩasɩ 8:15

Mãa a, ɩ̃ danɛ nɩ a nʋ̃ɔ̀. Bʋ̃ʋ n'ʋ vɛ̃, a tẽw zu ka a, a nɩsaal nʋ̃ɔ̀ been tẽtẽ n'ɩ k'ʋʋ dɩrɛ, k'ʋʋ nyuur, ɛ́ wone nʋ̃ɔ̀. Ɛ́ à á ŋá n'a a fɛr k'aa bɩɛlɛ a ʋ tome bibir za a Naaŋmɩn na kʋ̀ ʋ, k'ʋʋ vʋʋrɩ a tẽw zu ka a.

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.