Ekilezɩasɩ 3:11 - A SƐB-SÕW

¹¹ Naaŋmɩn mɩ́ ɩ na kɛ̀ yel za maalɩ a daar ʋl na sɛw taa nɩ a. Ʋ mɩ̀ mɩ́ kʋ̀ n a nɩsaalbɛ kɛ́ bɛ bɔbr a yele na tɔl a, nɩ a yele na waar a bãwfʋ. Ɛcɛ bɛ kʋ̃ tʋ̃ɔ́ mɩ́ bãw a Naaŋmɩn ton ʋ za ɩ.

Ekilezɩasɩ 3:11 Referans Kwoze

Ʋrɔm 11:33

Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!

A Zɔb sɛbɛ 11:7

Fʋ tɩɛrɛ kɛ́ fʋ na tʋ̃ɔ́ na bãw a Naaŋmɩn tɩ tɔ ɔ? Fʋ tɩɛrɛ kɛ́ fʋ na tʋ̃ɔ́ na bãw a lɛ a Kpɛnʋ-za-sob vɩɛlʋ na ŋmɛ̃ a tɩ ɓɩɩlɩ ɩ?

A Zɔb sɛbɛ 5:9

Ʋlɛ n'ʋ maalɛ yel-bɛrɛ na bɛ tɛr bãwfʋ a, nɩr kʋ̃ tʋ̃ɔ́ sɔ́r a ʋ nɔ-ɓãa-yele ɩ.

Yele-za-pɛr-tib 1:31

A Naaŋmɩn nyɛ̃ nɩ a bome za ʋ na tɩ maalɩ a: ʋ tɩ nyɛ̃ a na a vɩɛl yaga za. Zaanʋɔra tɩ ta na, ɛ̀ zie sɔb vɩɛ: a bibie ayʋɔb sob tɩ n'ʋ.

Markɩ 7:37

Nʋɔr tɩ ɓãá bɛ nɩ yaga bɛ yere: «Ʋ maal'ɩ a yele za vla. Ʋ ɩrɛ na a won wone, ɛ́ a wõw-takpalɛ ƴɛ̀rɛ.»

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Sɛb-sõw yielu 104:24

Sore e, a fʋ tome yãwmɛ na bɛ tɛr tɛwr ɛ: fʋ tõ n a za nɩ yã-bãwfʋ! A tẽsɔw paal'a nɩ a fʋ bʋ̃-íri.

Ekilezɩasɩ 7:29

Nyɛ̃ a yel-been ʋl pɛr ɩ̃ na wa bãw a: a Naaŋmɩn maal'ɩ a nɩsaal ʋ tori, ɛcɛ a nɩsaal'ʋ bɔ fɛrʋ ƴãw a ʋ mɩŋa.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

A Zɔb sɛbɛ 37:23

A Kpɛnʋ-za-sob tɩ na kʋ̃ tʋ̃ɔ́ ta a n'ʋ, ʋ ɩ n kpɛ̃ɛ a fãw nɩ a mɩnʋ lowr, ʋ bɛ dɔwrɛ sob nɛ na ɩ nɩ-mɩŋa mɩŋa a ɩ.

Zʋkpaɩ 16:4

A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

Ekilezɩasɩ 1:13

Ɩ̃ ƴãw nɩ fãw bɔ ɛ́ jɛl'ɩ a yã-bãwfʋ bom nɛ na ɩrɛ a tẽ-daa zu a. Tõ-nɔ-kpɛ̃w n'ɩ à ŋá a Naaŋmɩn na kʋ̀ a nɩsaalbɛ a.

Ekilezɩasɩ 7:13

Tɩ nyɛ̃ a Naaŋmɩn tome a! Ãa n'ʋ na tʋ̃ɔ́ dɛnɩ a bom ʋ na ɩ ʋ gʋɔ a?

Ekilezɩasɩ 7:23

Ɩ̃ ɩ n à á ŋá za kaa nɩ yã-bãwfʋ. Ɩ̃ yel'a: «Ɩ̃ na ɩ n yã-bãwnɛ.» Ɛcɛ a yã-bãwfʋ tɩ zãá nɩ mɛ̃ na.

Ekilezɩasɩ 11:5

Mɛ̃ a lɛ fʋ na bɛ bãw a nyɔ-vʋʋrʋ yi-waa zie nɩ lɛ bibile na mɩ́ ɩ tɩ cɔbrɩ a ʋ mã puori a, lɛ mɩ̀ n'a fʋ kʋ̃ tʋ̃ɔ́ bãw a Naaŋmɩn na maalɛ bom za a ton pɛr ɛ.