Ekilezɩasɩ 2:8 - A SƐB-SÕW

⁸ Ɩ̃ mɩ̀ bɔ n salm-pla nɩ salm-zɩɛ gbõ taa, a na-mɩnɛ nɩ a tẽ-ŋma-kʋ̀rɩ ɩ̃ na tɩ so a na-bome pʋɔ n'a a tɩ yi. Ɩ̃ páw nɩ yiel-yielbɛ dɛbr nɩ pɔwbɛ, ɛ́ páw bom nɛ a dɛbr na mɩ́ bɔbr zuo a za a: pɔwbɛ yaga yaga.

Ekilezɩasɩ 2:8 Referans Kwoze

1 Na-mɩnɛ 10:10

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

1 Na-mɩnɛ 9:28

A gbor-duwrbɛ bɛ ŋa za tɩ lãw na cen Ofɩɩr tẽw, tɩ wa n salm-zɩɛ na zuo tɔn pie nɩ ayi a, wa kʋ̀ a nãà Salomɔ̃.

2 Samɩɛl 19:35

Ɛcɛ a Barzilaɩ tɩ sɔw nɩ a nãà: «Yome a ŋmɩn n'a pãa cɛ m, ɩ̃ na páw a nãà tɩ do a Zerizalɛm?

1 Na-mɩnɛ 10:14

Yũon-been yõ pʋɔ a, a Salomɔ̃ tɩ páw nɩ salm-zɩɛ tɔn lɩzɛr,

Amɔsɩ 6:5

Nyɩ ŋmɩɛr'ɩ korijom yiele pawr'ɩ gɔmɛ, ɛ́ zanɛ bʋ̃-ŋmɩɛrɩ maalʋ mɛ̃ Daviir a.

Ɛsɩdɩrasɩ 2:65

Bɛ tɩ tɛr'ɩ tõ-tõ-bi-dɛbr nɩ tõ-tõ-bi-pɔwbɛ túr ayopõi dɔwlɩ kɔbr ata lɩzɛr'ɩ pie nɩ ayopõi (7 337), nɩ yiel-yielbɛ dɛbr nɩ pɔwbɛ kɔbr ayi (200),

2 Bibie za yel-manɩ 9:11

A Salomɔ̃ tɩ de nɩ a sãtal tɩɩr dàar maal'ɩ tɔlʋ ziir a Sore Ŋmɩn-yir-kpɛ̃ɛ nɩ a nãà yir tab ƴãw. Ʋ mɩ̀ tɩ maal'ɩ nɩ korijom nɩ pɛ̀nɛ́ a yiel-yielbɛ ƴãw. Nɩr bɛ lɛb nyɛ̃ à á ŋá taabɛ a Zuda tẽw pʋɔ ɩ.

1 Bibie za yel-manɩ 25:6

A nɩbɛ bɛ ŋa za mɩ́ tɩ yiele nɩ a Sore Ŋmɩn-yir-kpɛ̃ɛ pʋɔ, ɛ́ a bɛ sãà de bɛ a niwn. Sɛ̃sɛgɛ, pɛ̀nɛ́ nɩ korijom'a bɛ mɩ́ tɩ tɛr yiele nɩ. A nãà ƴãw tɩ n'a bɛ tone à à ŋá, ɛ́ Asafʋ, Yedutun nɩ Heman de bɛ a niwn.

1 Bibie za yel-manɩ 25:1

A nɩbɛ bɛ na põ põ bɛ so a puoru yele a nɩ-bɛrɛ tɩ sõw nɩ a Daviir ʋ ƴãw a Asafʋ, a Heman nɩ a Yedutun yir nɩbɛ bɛ tʋɔra zie. Bɛ mɩ́ tɩ tɛr'ɩ korijom, pɛ̀nɛ́ nɩ sɛ̃sɛgɛ yiele nɩ a ʋlɩ bom nɛ a Naaŋmɩn na yel kʋ̀ bɛ a. A nɩbɛ bɛl na tɩ tɛr a tõ-nʋɔr ŋa a yée na tu taa a n'ɩ á ŋá:

1 Na-mɩnɛ 14:27

A lɛ n'a a Orobowam tɩ maalɩ kur-zɩɛ zɛbr-kur-pãgalɩ lɩɛr'ɩ, ɛ́ de a kʋ̀ a sojarɩ na gùre a nãà yir dɩ̃dɛɛ a nɩ-bɛrɛ.

1 Na-mɩnɛ 10:21

A nãà Salomɔ̃ koli-nyúuri za tɩ ɩ n salm-zɩɛ, ɛ́ a labɛ za na be a «Libã Tuw» pʋɔ a, ɩ salm-zɩɛ mɩŋa. Bɛ bɛ tɩ maalɛ bom za nɩ salm-pla ɩ, bʋ̃ʋ n'ʋ vɛ̃, a Salomɔ̃ daar a, a salm-pla bɛ tɩ maal ɩ bʋ̃-sɩza ɩ.

1 Na-mɩnɛ 9:14

Ɛcɛ, a Hiram tɩ ƴãw na bɛ kʋ̀ a Salomɔ̃ salm-zɩɛ tɔn ata nɩ ŋmãa.

1 Na-mɩnɛ 11:3

Ʋ tɩ kul'ɩ na-mɩnɛ pɔwyaar kɔbr ayopõi (700) nɩ pɔw-bili kɔbr ata (300). A ʋ pɔwbɛ tɩ lɩɛb'ɩ a ʋ tɩɛrʋ.

Ekilezɩasɩ 1:2

Bàlʋ zawla, bàlʋ zawla, Kohelɛtɩ yel'ɩ lɛ, bàlʋ zawla, bàlʋ zawla, bom za ɩ n bàlʋ zawla.